Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବଜେଟ୍ ଅଧିବେଶନ: ଜାନୁଆରୀ ୩୧ରେ ରାଷ୍ଟ୍ରପତିଙ୍କ ଅଭିଭାଷଣ, ଫେବୃଆରୀ ୧ରେ ଉପସ୍ଥାପନ ହେବ ବଜେଟ୍
  • ||
  • IPL 2022: ନିଜ ଟିମ୍‌ର ନାମ ଘୋଷଣା କଲା ଲକ୍ଷ୍ନୌ ଫ୍ରାଞ୍ଚାଇଜି, ରଖିଲା ଲକ୍ଷ୍ନୌ ସୁପର ଜିଆଣ୍ଟ୍ସ
  • ||
  • ରାଜ୍ୟରେ ସୁସ୍ଥହେଲେ ଆଉ ୧୦,୩୦୯ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୩୧୧୫ଜଣ ଡିସଚାର୍ଜ
  • ||
  • ରବିଚନ୍ଦ୍ରନ ଅଶ୍ବିନ ନିରାଶ, ଏହି ଖେଳାଳି ହେଲେ ‘ଟେଷ୍ଟ କ୍ରିକେଟର୍ ଅଫ୍‌ ଦି ଇୟର’
  • ||
  • ରାଜ୍ୟରେ ଆଉ ୫ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୫କୁ ବୃଦ୍ଧି
  • ||
  • ରାଜ୍ୟରେ ଖସୁଛି ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୭୨୯୧ କୋଭିଡ୍ ପଜିଟିଭ୍, ୧୨୧୧୯୫୧ରେ ପହଞ୍ଚିଲା ସଂଖ୍ୟା
  • ||
  • ଖଲ୍ଲିକୋଟ : ଅଟୋକୁ ପଛ ପଟୁ ଧକ୍କା ଦେଲା ଟ୍ରକ, ଜଣେ ମୃତ
  • ||
  • ଭୁବନେଶ୍ୱର : ୨୬ ଯାଏଁ ରାଜ୍ୟର କିଛି ସ୍ଥାନରେ କୋହଲା ପାଗ ସହ ବର୍ଷା, ସତର୍କ କଲା ପାଣିପାଗ ବିଭାଗ
  • ||
  • ଲମତାପୁଟ : ପାଡୁଆ ପୋଲିସକୁ ସଫଳତା, ୨୦ ଲକ୍ଷ ଟଙ୍କାର ଗଞ୍ଜେଇ ଜବତ
  • ||

କରୋନା Lock downରେ ହଟିବ ଐତିହାସିକ ‘ଅମୃତାଞ୍ଜନ’ ପୋଲ, ୧୯୦ ବର୍ଷ ପୂର୍ବେ ନିର୍ମାଣ କରିଥିଲେ ଇଂରେଜ

3/04/2020 at 1:59 PM

ମୁମ୍ୱାଇ ୩।୪:  ଦେଶରେ କରୋନା ଲକଡାଉନ୍‌ ସମୟରେ ଶନିବାର ମୁମ୍ବାଇ-ପୁଣେ ଜାତୀୟ ରାଜମାର୍ଗରେ ଥିବା ୧୯୦ ବର୍ଷ ପୁରୁଣା ଅମୃତାଞ୍ଜନ ପୋଲକୁ ସମ୍ପୂର୍ଣ୍ଣ ହଟାଇ ଦିଆଯିବ। ପୋଲକୁ କଣ୍ଟ୍ରୋଲ ବ୍ଲାଷ୍ଟିଂ ଦ୍ୱାରା ନଷ୍ଟ କରାଯିବ। ଲୋନାବାଲା ନିକଟରେ ଥିବା ଏହି ପ୍ରାଚୀନ ପୋଲଟିକୁ ଇଂରେଜମାନେ ଗମନାଗମନ ସୁବିଧା ଲାଗି ନିର୍ମାଣ କରିଥିଲେ। ଦେଶର ପୁରୁଣା ପୋଲମାନଙ୍କ ମଧ୍ୟରେ ଏହା ଅନ୍ୟତମ ଓ ପ୍ରାଚୀନ।

ଏହି ପୋଲକୁ ଜାତୀୟ ରାଜପଥରୁ ହଟାଇବା ଲାଗି ମହାରାଷ୍ଟ୍ର ରାଜ୍ୟ ସଡକ ବିକାଶ ନିଗମ (ଏମଏସ୍ଆରଡିସି)ଙ୍କୁ ରାୟଗଡ ଜିଲ୍ଲାପାଳଙ୍କ ଅନୁମତି ମିଳିଯାଇଛି। ଏଥିରେ ପୋଲଟିକୁ ୪ରୁ ୧୪ ଏପ୍ରିଲ ସୁଦ୍ଧାସେଠାରୁ ହଟାଇ ଦେବାକୁ କୁହାଯାଇଛି। କୋବିଡ୍-୧୯ ଲକଡାଉନ୍ ଯୋଗୁ ମୁମ୍ବାଇ-ପୁଣେ ଜାତୀୟ ରାଜପଥରେ ଟ୍ରାଫିକ୍ ନାହିଁ। ଏଣୁ ପୋଲ ହଟାଇବାକୁ ଏହା ସବୁଠୁ ସୁରକ୍ଷିତ ସମୟ ହୋଇଥିବାରୁ ସୁବିଧା ଦେଖି ପୋଲ ହଟାଇବାକୁ କାମ ଆରମ୍ଭ କରାଯିବ।

୧୮୩୦ ମସିହାରେ ନିର୍ମିତ ଏହି ପୋଲଟି ଗମନାଗମନ ଲାଗି ଅସୁରକ୍ଷିତ ଘୋଷିତ ହେବା ପରଠାରୁ ଏହା ଉପରେ ଗମନା ଗମନ ନିଷିଦ୍ଧ  ରହିଛି। ତେବେ ପୋଲର ମୂଳମାଲିକ ଭାରତୀୟ ରେଳବାଇ ଏ ଦିଗରେ କୌଣସି ପଦକ୍ଷେପ ନେଉନଥିଲେ। ଏଣୁ ରେଳବାଇଙ୍କୁ ପତ୍ରଲେଖି ପୋଲ ଭାଙ୍ଗିବା ଲାଗି ଅନୁମତି ମଗାଯାଇଥିଲା। ପୋଲଟିର ଅବସ୍ଥା ଅତ୍ୟନ୍ତ ଖରାପ ହୋଇଯାଇଥିବା ବେଳେ ବାରମ୍ବାର ଦୁର୍ଘଟଣା ଘଟୁଛି। ଏଣୁ ଜାତୀୟ ରାଗମାର୍ଗରେ ଅନେକସମୟରେ ଟ୍ରାଫିକ ଜାମ ହେଉଛି।

ପୋଲର ଖମ୍ବଗୁଡିକ ଖୁବ୍ ମୋଟା ହୋଇଥିବା ଯୋଗୁ ଏହା ତଳ ଦେଇ ଯାଇଥିବା ରାସ୍ତା ଅଣଓସାରିଆ ହୋଇଛି। ଏଣୁ ପୋଲ ତଳେ ଦୁର୍ଘଟଣା ଘଟିଲେ ରାସ୍ତା ଜାମ ହେବା ସ୍ୱଭାବିକ। ତେବେ ଏହା ଦେଶର ଅନ୍ୟତମ ବ୍ୟସ୍ତତମ ସଡକ ହୋଇଥିବାରୁ ପ୍ରାୟତଃ ଅସୁବିଧା ହେଉଥିଲା। ପୂର୍ବରୁ ୨୦୧୭ ମସିହାରେ ପୋଲକୁ ଭାଙ୍ଗିବାକୁ ଉଦ୍ୟମ ଆରମ୍ଭ ହୋଇଥିଲା। ତେବେ ସେତେବେଳେ ଏହାକୁ ବିରୋଧ କରାଯିବାରୁ ଏମଏସ୍ଆରଡିସି ନିଷ୍ପତ୍ତିରୁ ଓହରି ଯାଇଥିଲେ।

   Related Posts