ଝାରସୁଗୁଡା ୨୬।୧୨: ପୂର୍ବତନ ବିଧାୟକ ତଥା ପଶ୍ଚିମ ଓଡିଶାର ଜନନେତା ସ୍ୱର୍ଗୀୟ ପ୍ରସନ୍ନ ପଣ୍ଡାଙ୍କ ୨୩ ତମ ଶ୍ରାଦ୍ଧ ଉତ୍ସବ ଅନୁଷ୍ଠିତ ହୋଇଯାଇଛି। କମ୍ୟୁନିଷ୍ଟ ଆନ୍ଦୋଳନର ପୁରୋଧା ଭାବେ ପରିଚିତ ବ୍ରଜରାଜନଗର ନିର୍ବାଚନମଣ୍ଡଳୀରୁ ୬ ଥର ବିଧାୟକ ହୋଇଥିବା ପ୍ରସନ୍ନ ପଣ୍ଡାଙ୍କ ଶ୍ରାଦ୍ଧ ଅବସରରେ ଆଜି ପ୍ରସନ୍ନପଣ୍ଡା ଛକ ଠାରେ ଆୟୋଜିତ ଏକ ସମାରୋହରେ ଅତିରିକ୍ତ ଜିଲ୍ଲାପାଳ ପ୍ରଦୀପ ସାହୁଙ୍କ ସହ ଏଆଇଟିୟୁସିର ରାଜ୍ୟ ସଭାପତି ଅଶୋକ ଦାଶଙ୍କ ସହ ସିପିଆଇ,ସିପିଏମ୍ ଓ କଂଗ୍ରେସର ନେତୃବର୍ଗ ଯୋଗଦେଇ ସ୍ୱର୍ଗୀୟ ନେତାଙ୍କ ସ୍ମୃତି ଚାରଣ କରିବା ସହ ପ୍ରସନ୍ନପଣ୍ଡାଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରିଥିଲେ।