ଗଜପତି ୧୬/୪: ଗଜପତି ଜିଲ୍ଲା ପାରଳାଖେମୁଣ୍ଡି ପୋଲିସକୁ ସଫଳତା । ଲଟେରୀ ଠକଙ୍କୁ ଧରିବାରେ ସଫଳ ହୋଇଛି ପୋଲିସ । ପାରଳାଖେମୁଣ୍ଡି ଥାନା ରଣୀପେଣ୍ଠ ଗାଁରେ ୩ ଯୁବକ ଲଟେରୀ ସ୍କିମରେ ଲୋକଙ୍କୁ ସୁନା ,ଗହଣା, ଆସବାବପତ୍ର ଯୋଗାଇଦେବାକୁ କହି ଲକ୍ଷ୍ମୀ ଗଣେଶ ଲଟେରୀ ନାଁରେ ଏସ ସଂସ୍ଥା ଆରମ୍ଭ କରିଥିଲେ ।
ଏଥିପାଇଁ ଲୋକଙ୍କଠୁ ଲକ୍ଷାଧିକ ଟଙ୍କା ଠକି ନେଇଥିବା ଅଭିଯୋଗ ହୋଇଛି । ଗିରଫ ୨ ଯୁବକ ହେଲେ ବାଡୁ ଗଣପତି ଏବଂ ସୁନାଶଗଡ଼ ପ୍ରତାପ । ଏହି ଦୁଇଜଣ ରଣୀପେଣ୍ଠ ଗାଁର ବଡ଼ ସାହିର ବିଭିନ୍ନ ପ୍ରଲୋଭନ ସ୍କିମ କରି ସାଧାରଣ ଲୋକଙ୍କୁ ଠକି ଚାଲିଥିଲେ । ୧୫ଦିନରେ ୫୦୦ରୁ ଅଧିକ ଲୋକଙ୍କ ଠାରୁ ନେଇ ଠକେଇ କରିଥିଲେ ଟଙ୍କା। ହେଲେ ପୋଲିସ ଏକ ବିଶ୍ୱସ୍ତ ସୂତ୍ରରୁ ଖବର ପାଇ ଚଢ଼ାଉ କରିବା ସମୟରେ ବିଭିନ ଲୋକଙ୍କ ଠାରୁ ନେଇଥିବା ଅର୍ଥର ଦସ୍ତାବିଜ ପାଇଥିଲା । ତାରି ଆଧାରରେ ପାରଳାଖେମୁଣ୍ଡି ପୋଲିସ ଏହି ଦୁଇଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି ।