Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୧୦ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୪୨କୁ ବୃଦ୍ଧି
  • ||
  • ରାଜ୍ୟରେ ପୁଣି ବଢିଲା ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୭୪୨୬ କୋଭିଡ୍ ପଜିଟିଭ୍, ୧୨୨୫୨୬୮ରେ ପହଞ୍ଚିଲା ସଂଖ୍ୟା
  • ||
  • କମିବ ତାପମାତ୍ରା, ୨୮ରୁ ବଢିବ ଶୀତ
  • ||
  • ଆଜି ୭୩ ତମ ସାଧାରଣତନ୍ତ୍ର ଦିବସ, କୋଭିଡ କଟକଣାରେ ହେବ ପତାକା ଉତ୍ତୋଳନ
  • ||
  • ଦେଶ ପାଳୁଛି ୭୩ତମ ଗଣତନ୍ତ୍ର ଦିବସ, ରାଜପଥରେ ପ୍ରଦର୍ଶିତ ହେବ ୨୧ ପ୍ରଜ୍ଞାପନ ମେଢ
  • ||

ଏହି ରାଜାଙ୍କ ଅନ୍ତ୍ୟେଷ୍ଟିରେ ଖର୍ଚ୍ଚ ହୋଇଥିଲା ପୁରା ୬ଶହ କୋଟି ଟଙ୍କା, ସୁନା ରଥରେ ବୁହାହୋଇ ଶ୍ମସାନକୁ ଯାଇଥିଲା ଶବ

28/08/2019 at 4:16 PM

କୁହାଯାଏ ମଣିଷ ଦୁନିଆରୁ କିଛି ନେଇଯାଇ ପାରେନା। ଯେମିତି ଆସିଥାଏ ତାକୁ ସେମିତି ଖାଲି ହାତରେ ଫେରିବାକୁ ପଡିଥାଏ। ଏଣୁ ଲୋକେ  ଯେତେବେଳେ ମୃତ୍ୟୁର ନିକଟତର ହୁଅନ୍ତି  ତାଙ୍କ ନିଜ ଘରେ ବି ତାଙ୍କର ଆଉ ଆଦର ନଥାଏ।  ହେଲେ ତାଙ୍କ ପରଲୋକ ପରେ ବାହାରକୁ ଦେଖାଇବାକୁ ଘର ଲୋକେ ବେହିସାବ ଖର୍ଚ୍ଚ କରିଥାନ୍ତି । ଏପରି ଏକ ଅନ୍ତ୍ୟେଷ୍ଟି ଥାଇଲ୍ୟାଣ୍ଡ ରାଜାଙ୍କ ପରଲୋକରେ ହୋଇଥିଲା। ଯେଉଁଥି ଲାଗି ରାଜକୋଷରୁ ଖର୍ଚ୍ଚ ହୋଇଥିଲା ପୁରା ୬ଶହ କୋଟି ଟଙ୍କା।

ବିଶ୍ୱର ସୁନ୍ଦରତମ ସ୍ଥାନ ମଧ୍ୟରେ ଥାଇଲ୍ୟାଣ୍ଡ ଅନ୍ୟତମ। ସୁନ୍ଦରତା ଲାଗି ଦେଶର ଯେତିକି ପ୍ରସିଦ୍ଧି ରହିଛି ତାର ଧାର୍ମିକ ଓ ସାମାଜିକ ରିତିରିବାଜ ଲାଗି ମଧ୍ୟ ଦେଶ ସେତିକି ପ୍ରସିଦ୍ଧ। ଏଠାରେ ରାଜା ହିଁ ସର୍ବେସର୍ବା। ଏମିତିରେ କହିବାକୁ ଗଲେ ଥାଇଲ୍ୟାଣ୍ଡରେ ରାଜା ହିଁ ଲୋକଙ୍କ ଭଗବାନ। ଏଣୁ ରାଜାଙ୍କ ପରଲୋକରେ ଅନ୍ତ୍ୟେଷ୍ଟି ମଧ୍ୟ ରାଜକୀୟ ହୋଇଥାଏ। ଦେଶର ପୂର୍ବତନ ରାଜା ଭୂମିଭୋଲ ଅଦୁଲ୍ୟାଦେଜଙ୍କର ଗତ ୨୦୧୬ ମସିହାରେ ପରଲୋକ ହୋଇଥିଲା। ରାଜାଙ୍କ ପରଲୋକରେ ଦେଶ ଗୋଟିଏ ବର୍ଷ ଶୋକପାଳନ  କରିଥିଲା।  ୧୩ ଅକ୍ଟୋବର ୨୦୧୬ରେ ରାଜା ଶେଷ ନିଶ୍ୱାସ ତ୍ୟାଗ କରିଥିଲେ। ଏହାର ବର୍ଷକ ପରେ ଅର୍ଥାତ ଅକ୍ଟୋବର ୨୦୧୭ରେ ରାଜାଙ୍କ ଅନ୍ତ୍ୟେଷ୍ଟୀ ଅନୁଷ୍ଠିତ ହୋଇଥିଲା।

ବର୍ଷତମାମ ଦେଶରେ ଚାଲିଥିଲା ରାଜାଙ୍କ ଅନ୍ତ୍ୟେଷ୍ଟି ପ୍ରସ୍ତୁତି। ରାଜାଙ୍କ ଅନ୍ତ୍ୟେଷ୍ଟି ଲାଗି ୫ଶହ ମୂର୍ତ୍ତି ନିର୍ମାଣ କରାଯାଇଥିବା ବେଳେ ଶ୍ମଶାନରେ  ସ୍ୱର୍ଣ୍ଣଭଳି ଝଟକୁଥିବା ମଞ୍ଚ ପ୍ରସ୍ତୁତ କରାଯାଇଥିଲା। ରାଜାଙ୍କ ପାର୍ଥିବ ଶରୀରକୁ ବୌଦ୍ଧ ଧର୍ମାନୁସାରେ ଏକ ସ୍ୱର୍ଣ୍ଣ ରଥରେ ଉପବେଶନ କରାଯାଇ ରାଜ ପ୍ରାସାଦ ଠାରୁ ୨ କିଲୋମିଟର ଦୂର ଶ୍ମଶାନକୁ ନିଆଯାଇଥିଲା।  ଏଥିଲାଗି ଲାଗି ଭବ୍ୟ ଶୋଭାଯାତ୍ରା ଆୟୋଜନ କରାଯାଇଥିବା ବେଳେ ହାତୀ ଓ ଅଶ୍ୱମଧ୍ୟ ସାମିଲ ଥିଲେ। ରାଜାଙ୍କ ଶବ ଶୋଭାଯାତ୍ରା ଶ୍ମସାନରେ ପହଞ୍ଚିବାକୁ ପ୍ରାୟ ୩ ଘଣ୍ଟା ଲାଗିଥିଲା। ସେଠାରେ ତାଙ୍କୁ ତୋପ ସଲାମୀ ସହ ଅନ୍ତ୍ୟେଷ୍ଟି ସମ୍ପନ୍ନ ହୋଇଥିଲା।

କୁହାଯାଏ ବିଶ୍ୱରେ ଏପର୍ଯ୍ୟନ୍ତ ହୋଇଥିବା ଅନ୍ତ୍ୟେଷ୍ଟିରେ ରାଜା ଭୂମିଭୋଲ ଅଦୁଲ୍ୟେଦଜଙ୍କ ଅନ୍ତ୍ୟେଷ୍ଟି ସବୁଠୁ ମହଙ୍ଗା। ଆମେରିକାର ମାସଚ୍ୟୁସେଟ୍ ରେ ୧୯୨୭ ମସିହାରେ ଜନ୍ମିତ ରାଜା ଭୂମିଭୋଲ ମାତ୍ର ୧୮ ବର୍ଷ ବୟସରେ ରାଜଗାଦୀ ସମ୍ଭାଳିଥିଲେ। ଚକରୀ ରାଜବଂଶର ନବମ ରାଜା ଥିଲେ ଭୂମିଭୋଲ। ବିଶ୍ୱରେ ସବୁଠୁ ଦୀର୍ଘ ସମୟ ପର୍ଯ୍ୟନ୍ତ ରାଜ ଶାସନ କରିବାରେ ଭୂମିଭୋଲ ଏକମାତ୍ର ରାଜା ଥିଲେ।

   Related Posts