Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବ୍ରହ୍ମପୁର ; ବ୍ରହ୍ମପୁର ବଡବଜାର ଥାନା ଅନ୍ତର୍ଗତ ଗଣେଶ ନଗରରେ ପୁଲିସ୍ ର ଚଢାଉ
  • ||
  • ନକଲି ଟମାଟ, ଚିଲି, ସୋୟା ସୋସ୍ ୟୁନିଟ୍ ଉପରେ ଚଢାଉ
  • ||
  • କେତେ ପରିମାଣର ନକଲି ସାମଗ୍ରୀ ଜବତ, ତାହା ତଦନ୍ତ ପରେ ଜଣାପଡିବ ବୋଲି ପୁଲିସର ସୂଚନା
  • ||
  • ବରଗଡ଼ରେ ବିରାଟ ଚାଷୀ ସମାବେଶ, ଯୋଗଦେଲେ ୧୦ ଜିଲ୍ଲାର ୫ ହଜାର କୃଷକ
  • ||
  • ଜୟପୁର : ଜୟପୁର କୋଟପାଡରେ ନକଲି ବିଦେଶୀ ମଦ କରାଖାନା ଠାବ, ବିପୁଳ ପରିମାଣର ନକଲି ମଦ
  • ||
  • ଜଳେଶ୍ଵର : STFର ଚଢାଉ ବେଳେ ଜଳେଶ୍ୱର ବଜାରରୁ ନକଲି ପାନ ମସଲା ଜବତ, ଦୁଇ ଅଟକ
  • ||
  • ଜଳେଶ୍ଵର : ଜଳେଶ୍ଵର ଝାଡ଼େଶ୍ୱରପୁର ବସ୍ତିରୁ ବିପୁଳ ପରିମାଣର ବ୍ରାଉନସୁଗାର ଜବତ, ଅଭିଯୁକ୍ତ ଫେରାର
  • ||
  • ବଲାଙ୍ଗୀର : ବୋଲେରୋ ଧକ୍କାରେ ସାଇକେଲ୍ ଆରୋହୀ ମୃତ, କ୍ଷତିପୂରଣ ଦାବିରେ ମୃତଦେହ ରଖି ରାସ୍ତାରୋକ
  • ||
  • ଭୁବନେଶ୍ବର : ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୪ ଛୁଇଁଲା ମୃତକଙ୍କ ସଂଖ୍ୟା
  • ||
  • କଟକ ନେତାଜୀ ବସ୍ ଟର୍ମିନାଲର ଶିଳାନ୍ୟାଶ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ
  • ||

ଡାକ୍ତରଙ୍କ ପାଖେ ଚିକିତ୍ସା ଫେଲ୍ : ଲକ୍ଷଣ ଥାଇ ଦୁଇ ଥର କୋଭିଡ୍ ରିପୋର୍ଟ ନେଗେଟିଭ୍, ଚାଲିଗଲା ପ୍ରାଣ

5/07/2020 at 9:55 AM

ନୂଆଦିଲ୍ଲୀ ୦୫।୦୭: ଚାରିଆଡେ କରୋନା ମହାମାରୀ ବ୍ୟାପିବାରେ ଲାଗିଛି । ଦିନ ଯେତିକି ବଢିଚାଲିଛି, କରୋନା ମଧ୍ୟ ସେହିପରି ଅନେକ ଚିନ୍ତା ବଢାଇଚାଲିଛି । ଏହିପରି ଏକ ଘଟଣା ଆସିଛି ନୂଆଦିଲ୍ଲୀରୁ । ଦିଲ୍ଲୀର ମୌଲାନା ଆଜାଦ ଇନ୍‌ଷ୍ଟିଚ୍ୟୁଟ୍‌ ଫର୍‌ ଡେଣ୍ଟାଲ ସାଇନ୍ସେସ୍‌ (ଏମ୍‌ଏଆଇଡିଏସ୍‌)ର ଜଣେ ଜୁନିୟର ରେସିଡେଣ୍ଟ ଡାକ୍ତର ପ୍ରାଣ ହରାଇଛନ୍ତି । ତାଙ୍କଠାରେ କରୋନା ଲକ୍ଷଣ ଥିଲା । କିନ୍ତୁ ଦୁଇଥର ତାଙ୍କ ନମୁନା ରିପୋର୍ଟ ନେଗେଟିଭ୍‌ ଆସିଥିଲା । ହସ୍ପିଟାଲର ଜଣେ ବରିଷ୍ଠ ଡାକ୍ତରଙ୍କ ମୁତାବକ ହୃଦ୍‌ଘାତରେ ତାଙ୍କର ପରଲୋକ ଘଟିଛି।

୨୬ ବର୍ଷୀୟ ଜୁନିୟର ରେସିଡେଣ୍ଟ ଡାକ୍ତର ଅଭିଷେକ ଭୟାନା ଗୁରୁବାର ସକାଳେ ନିଜ ଭାଇ ଅମନ୍‌ (୩୧)ଙ୍କୁ ସ୍ୱାସ୍ଥ୍ୟାବସ୍ଥା ବାବଦରେ ବତାଇଥିଲେ । କରୋନାର ସବୁ ଲକ୍ଷଣ ସେ ଅନୁଭବ କରୁଥିବା ଦର୍ଶାଇଥିଲେ । କିନ୍ତୁ ତାଙ୍କର ଦୁଇଥର ଯାକ ନମୁନା ରିପୋର୍ଟ ନେଗେଟିଭ୍‌ ଆସିଥିଲା । ଶେଷରେ ତାଙ୍କ ସ୍ୱାସ୍ଥ୍ୟାବସ୍ଥା ଗୁରୁତର ହୋଇପଡ଼ିଥିଲା । ଛାତିରେ ଯନ୍ତ୍ରଣା ଅନୁଭବ କରିଥିଲେ । ଶ୍ୱାସକ୍ରିୟାରେ ବି ସମସ୍ୟା ଉପୁଜିଥିଲା । ଏହାପରେ ତାଙ୍କର ମୃତ୍ୟୁ ଘଟିଥିଲା । ଅଭିଷେକ ଉକ୍ତ ଡେଣ୍ଟାଲ ହସ୍ପିଟାଲର ଓରାଲ ସର୍ଜରି ବିଭାଗରେ ନିଯୁକ୍ତି ମିଳିଥିଲା ।

ଅଭିଷେକ ଏମ୍‌ସ ଏମ୍‌ଡିଏସ୍‌ ପରୀକ୍ଷାରେ ୨୧ତମ ର‌୍ୟାଙ୍କ ପାଇଥିଲେ । ଏହାପରେ ସେ କାଉନସେଲିଙ୍ଗ୍‌ ପାଇଁ ଜୁନ୍‌ ୨୬ରେ ରୋହତକ୍‌ ଚାଲିଆସିଥିଲେ । ଶୁକ୍ରବାର ଅପରାହ୍ନରେ ଅଭିଷେକଙ୍କର ଅନ୍ତ୍ୟେଷ୍ଟି କ୍ରିୟା ସମ୍ପନ୍ନ ହୋଇଯାଇଛି । ଏମ୍‌ଏଆଇଡିଏସ୍‌ର ଜଣେ ବରିଷ୍ଠ ଡାକ୍ତରଙ୍କ ମୁତାବକ ଅଭିଷେକ ବେଶ୍‌ ଉତ୍ସାହୀ ଓ ପରିଶ୍ରମୀ ଥିଲେ । ତାଙ୍କଠାରେ କରୋନା ଭୂତାଣୁ ସଂକ୍ରମଣର ସବୁ ଲକ୍ଷଣ ଥିଲା । କିନ୍ତୁ ତାଙ୍କ ନମୁନା ପରୀକ୍ଷା ରିପୋର୍ଟ ପଜିଟିଭ୍‌ ଆସି ନ ଥିଲା । ହୃଦ୍‌ଘାତରେ ତାଙ୍କର ମୃତ୍ୟୁ ଘଟିଥିଲା । ଭାଇ ଅମନ୍‌ କହିଛନ୍ତି, ଗୁରୁବାର ସକାଳେ ଅଭିଷେକ ଅତ୍ୟନ୍ତ କ୍ଳାନ୍ତି ଅନୁଭବ କରିଥିଲା। କିନ୍ତୁ ସବୁ ଠିକ୍‌ ହୋଇଯିବ ବୋଲି ମୁଁ ତାକୁ କହିଥିଲି। ସେ ଆଜି ଆମ ସହ ନାହିଁ ବୋଲି ବିଶ୍ୱାସ ହେଉନାହିଁ । ଜୁଲାଇ ୨୨ରେ ସେ ୨୭ ବର୍ଷରେ ପଦାର୍ପଣ କରିଥାନ୍ତା ।

   Related Posts