Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବ୍ରହ୍ମପୁର ; ବ୍ରହ୍ମପୁର ବଡବଜାର ଥାନା ଅନ୍ତର୍ଗତ ଗଣେଶ ନଗରରେ ପୁଲିସ୍ ର ଚଢାଉ
  • ||
  • ନକଲି ଟମାଟ, ଚିଲି, ସୋୟା ସୋସ୍ ୟୁନିଟ୍ ଉପରେ ଚଢାଉ
  • ||
  • କେତେ ପରିମାଣର ନକଲି ସାମଗ୍ରୀ ଜବତ, ତାହା ତଦନ୍ତ ପରେ ଜଣାପଡିବ ବୋଲି ପୁଲିସର ସୂଚନା
  • ||
  • ବରଗଡ଼ରେ ବିରାଟ ଚାଷୀ ସମାବେଶ, ଯୋଗଦେଲେ ୧୦ ଜିଲ୍ଲାର ୫ ହଜାର କୃଷକ
  • ||
  • ଜୟପୁର : ଜୟପୁର କୋଟପାଡରେ ନକଲି ବିଦେଶୀ ମଦ କରାଖାନା ଠାବ, ବିପୁଳ ପରିମାଣର ନକଲି ମଦ
  • ||
  • ଜଳେଶ୍ଵର : STFର ଚଢାଉ ବେଳେ ଜଳେଶ୍ୱର ବଜାରରୁ ନକଲି ପାନ ମସଲା ଜବତ, ଦୁଇ ଅଟକ
  • ||
  • ଜଳେଶ୍ଵର : ଜଳେଶ୍ଵର ଝାଡ଼େଶ୍ୱରପୁର ବସ୍ତିରୁ ବିପୁଳ ପରିମାଣର ବ୍ରାଉନସୁଗାର ଜବତ, ଅଭିଯୁକ୍ତ ଫେରାର
  • ||
  • ବଲାଙ୍ଗୀର : ବୋଲେରୋ ଧକ୍କାରେ ସାଇକେଲ୍ ଆରୋହୀ ମୃତ, କ୍ଷତିପୂରଣ ଦାବିରେ ମୃତଦେହ ରଖି ରାସ୍ତାରୋକ
  • ||
  • ଭୁବନେଶ୍ବର : ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୪ ଛୁଇଁଲା ମୃତକଙ୍କ ସଂଖ୍ୟା
  • ||
  • କଟକ ନେତାଜୀ ବସ୍ ଟର୍ମିନାଲର ଶିଳାନ୍ୟାଶ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ
  • ||

ଆଇସିସି ଟେଷ୍ଟ ରାଙ୍କିଙ୍ଗ୍: କୋହଲିଙ୍କୁ ପଛରେ ପକାଇ ଦ୍ଵିତୀୟରେ ପହଞ୍ଚିଲେ ସ୍ମିଥ୍, ପୂଜାରାଙ୍କୁ ଫାଇଦା, ୧୯ଟି ସ୍ଥାନ ଉପରକୁ ଉଠିଲେ ପନ୍ତ

12/01/2021 at 4:07 PM

ଦୁବାଇ ୧୨।୦୧:  ଭାରତ ଓ ଅଷ୍ଟ୍ରେଲିଆ ମଧ୍ୟରେ ସିଡନୀରେ ସମାପ୍ତ ତୃତୀୟ ଟେଷ୍ଟ ପରେ ଅନ୍ତରାଷ୍ଟ୍ରୀୟ କ୍ରିକେଟ୍ ପରିଷଦ(ଆଇସିସି) ମଙ୍ଗଳବାର ସଦ୍ୟତମ ଟେଷ୍ଟ ରାଙ୍କିଙ୍ଗ୍ ଜାରି କରିଛି। ଭାରତୀୟ କ୍ରିକେଟ୍ ଦଳର ଅଧିନାୟକ ବିରାଟ କୋହଲି ଆଇସିସି ଟେଷ୍ଟ ବ୍ୟାଟସମ୍ୟାନ ମାନ୍ୟତାରେ ତୃତୀୟ ସ୍ଥାନକୁ ଖସିଛନ୍ତି। ସିଡନୀ ଟେଷ୍ଟରେ ଦମଦାର ପ୍ରଦର୍ଶନ କରିଥିବା ଅଷ୍ଟ୍ରେଲିଆର ବରିଷ୍ଠ ଖେଳାଳି ଷ୍ଟିଭ୍ ସ୍ମିଥ୍‌ ଦ୍ଵିତୀୟ ସ୍ଥାନକକୁ ଉନ୍ନିତ ହୋଇଛନ୍ତି।

ଅନ୍ୟପଟେ ଭାରତୀୟ କ୍ରିକେଟ୍‌ ଦଳର ‘ନୂତନ ଓ୍ଵାଲ’ କୁହାଯାଉଥିବା ମଧ୍ୟକ୍ରମ ବ୍ୟାଟସମ୍ୟାନ ଚେତେଶ୍ଵର ପୂଜାରା ଦୁଇଟି ସ୍ଥାନ ଉପରକୁ ଉଠି ଅଷ୍ଟମ ସ୍ଥାନରେ ରହିଛନ୍ତି। କୋହଲି ୮୭୦ ପଏଣ୍ଟ ସହ ତୃତୀୟରେ ଅଛନ୍ତି। ସ୍ମିଥ୍ ୯୦୦ ପଏଣ୍ଟ ସହ ଦ୍ଵିତୀୟ ସ୍ଥାନରେ ରହିଥିବା ବେଳେ ନ୍ୟୁଜିଲାଣ୍ଡର ଅଧିନାୟକ କେନ୍ ଓ୍ଵିଲିୟମସନ ୯୧୯ ପଏଣ୍ଟ ସହ ଶୀର୍ଷରେ ରହିଛନ୍ତି। ସ୍ମିଥ୍ ସିଡନୀ ଟେଷ୍ଟରେ ୧୩୧ ଓ ୮୧ ରନର ଦମଦାର ଇନିଂସ ଖେଳିଥିଲେ। ଯାହାର ଫାଇଦା ତାଙ୍କୁ ରାଙ୍କିଙ୍ଗ୍‌ରେ ମିଳିଛି। ଓ୍ଵିଲିୟମସନ ପାକିସ୍ତାନ ବିପକ୍ଷ ଶେଷ ଟେଷ୍ଟରେ ୨୩୮ ରନର ମାରାଥନ ଇନିଂସ ଖେଳିଥିଲେ।

ସେହି ପରି ଭାରତୀୟ ଟେଷ୍ଟ ଦଳର କାର୍ଯ୍ୟକାରୀ ଅଧିନାୟକ ଆଜିଙ୍କ୍ୟ ରାହାଣେ ଗୋଟିଏ ସ୍ଥାନ ତଳକୁ ଖସି ସପ୍ତମରେ ଅଛନ୍ତି। ଋଷଭ ପନ୍ତ ସିଡନୀରେ ୩୬ ଓ ୯୭ ରନର ଇନିଂସ ଦମରେ ୧୯ଟି ସ୍ଥାନ ଉପରକୁ ଉଠି ୨୬ତମ ସ୍ଥାନରେ ପହଞ୍ଚିଛନ୍ତି। ହନୁମା ବିହାରୀ ୫୨ତମ, ଶୁବମାନ ଗିଲ୍ ୬୯ତମ ଏବଂ ଆର ଅଶ୍ଵିନ ୮୯ ତମ ସ୍ଥାନରେ ରହିଛନ୍ତି।

ବୋଲିଂରେ ଅଫ ସ୍ପିନର  ରବି ଚନ୍ଦ୍ରନ ଅଶ୍ଵିନ ଦୁଇଟି ସ୍ଥାନ ତଳକୁ ଖସି ନବମ ଥିବା ବେଳେ ଯଶପ୍ରୀତ ବୁମରା ଗୋଟିଏ ସ୍ଥାନ ତଳକୁ ଖସି ଦଶମରେ ରହିଛନ୍ତି। ଏହି ତାଲିକାରେ ପାଟ୍ କମିନ୍ସ ଶୀର୍ଷରେ ଥିବା ବେଳେ ଷ୍ଟୁଆର୍ଟ ବ୍ରଡ୍ ଦ୍ଵିତୀୟରେ ଅଛନ୍ତି।

   Related Posts