Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ମନୀଷ ଅନୁରାଗ ମୃତ୍ୟୁ ମାମଲା, କନେଷ୍ଟବଳ ପ୍ରସନ୍ନ ବେହେରା ନିଲମ୍ବିତ
  • ||
  • ଜଗତସିଂହପୁର : ଦେବୀ ନଦୀରେ ବୁଡି ୫ମ ଶ୍ରେଣୀ ଛାତ୍ରଙ୍କ ମୃତ୍ୟୁ, ଅନ୍ୟ ୩ଜଣ ଉଦ୍ଧାର
  • ||
  • ବ୍ରହ୍ମପୁର : ବ୍ରହ୍ମପୁରରେ ସ୍ବର୍ଣ୍ଣିମ ବିଜୟ ବର୍ଷ ପାଳିତ, ପୋଲିସ ରିଜର୍ଭ ଗ୍ରାଉଣ୍ଡରେ ପହଞ୍ଚିଲା ମଶାଲ
  • ||
  • ଭୁବନେଶ୍ବର : ତେଲ ଟ୍ୟାଙ୍କରରେ ଗଞ୍ଜେଇ ଚାଲାଣ, ଅଢେଇ କ୍ବିଣ୍ଟାଲ ଗଞ୍ଜେଇ ସହ ୨ ଜଣଙ୍କୁ ଗିରଫ କଲା ଏନ୍‌ସିବି
  • ||
  • ବାଲିପାଟଣା : ବୃଦ୍ଧଙ୍କୁ ଚାପିଦେଲା ହାଇଓ୍ବା, ଘଟଣାସ୍ଥଳରେ ଚାଲିଗଲା ଜୀବନ
  • ||
  • ସୁନ୍ଦରଗଡ : ଗଛରୁ ଉଦ୍ଧାର ହେଲା ଯୁବକଙ୍କ ଝୁଲନ୍ତା ମୃତଦେହ, ଆତ୍ମହତ୍ୟା ସନ୍ଦେହ
  • ||
  • ବାରିପଦା : ମୟୁରଭଞ୍ଜରେ ସ୍ବାସ୍ଥ୍ୟ ସ୍ମାର୍ଟ କାର୍ଡ ବାଣ୍ଟିଲେ ମୁଖ୍ୟମନ୍ତ୍ରୀ, ବିଭିନ୍ନ ଉନ୍ନୟନମୂଳକ ପ୍ରକଳ୍ପର ଉଦଘାଟନ ଓ ଶିଳାନ୍ୟାସ
  • ||
  • ଭୁବନେଶ୍ବର : ବିନା ଛୁଞ୍ଚିରେ ଟିକା ନେବେ ଶିଶୁ, ଦୁଇଟି ଡୋଜ୍ ନେବା ପାଇଁ ପରାମର୍ଶ
  • ||
  • ଅନୁଗୋଳ : ପ୍ରାତଃ ଭ୍ରମଣରେ ଯାଇଥିବା ବେଳେ ପଡିଗଲେ ହାତୀ ହାବୁଡରେ, ଚାଲିଗଲା ଜୀବନ
  • ||
  • ଲମତାପୁଟ : ଗଞ୍ଜେଇ ଚାଲାଣ ରୋକିବାକୁ କୋରାପୁଟ ପୋଲିସର ବଡ ପଦକ୍ଷେପ, ଆରମ୍ଭ ହେଲା ଅପରେସନ୍ ଗ୍ରୀନ୍ କ୍ଲିନ୍
  • ||

ଟେସ୍‌ଲାର ଚାଳକବିହୀନ କାର୍ ମାରିଲା ଫେଲ୍ ! ଦୁର୍ଘଟଣାରେ ଚାଲିଗଲା ୨ ଜଣଙ୍କ ଜୀବନ, କାର୍ ଚୁରମାର୍

19/04/2021 at 3:25 PM

ହୋଷ୍ଟନ,୧୯/୦୪:  ଟେସଲା କାର୍ ଉପରେ ଅଧିକ ଭରସା କରିବା ପଡିଲା ମହଙ୍ଗା । ବିନା ଡ୍ରାଇଭରରେ ଚାଲୁଥିବା ଗାଡି ଦୁର୍ଘଟଣାର ହେଲା ସମ୍ମୁଖୀନ । ଚାଲିଗଲା ୨ ଜୀବନ ।ଏପରିକି ହୁତୁହୁତୁ ହୋଇ ଜଳିଗଲା କାର୍ । ଆମେରିକାର ହୋଷ୍ଟନ୍ ସହରରେ ଶନିବାର ବିଳମ୍ବିତ ରାତ୍ରରେ ଏପରି ଏକ ଘଟଣା ସାମ୍ନାକୁ ଆସିଛି ।

ପୋଲିସ ଅଧିକାରୀ ମାର୍କ ହରମାନ୍‌ଙ୍କ କହିବାନୁସାରେ, ଶନିବାର ରାତିରେ ଏକ କାର୍ ଦୁର୍ଘଟଣା ବାବଦରେ ଖବର ଆସିଥିଲା । କାରଟି ଦ୍ରୁତ ଗତିରେ ଯାଉଥିବା ବେଳେ ଗଛରେ ପିଟି ହୋଇ ଦୁର୍ଘଟଣାର ସମ୍ମୁଖୀନ ହୋଇଥିଲା । ଏଥିରେ ୨ ଜଣ ପ୍ରାଣ ହରାଇଛନ୍ତି । ଜଣେ ମୃତକ ଆଗ ପାସେଞ୍ଜର୍ ସିଟରେ ବସିଥିବା ବେଳେ ଅନ୍ୟ ଜଣେ ପଛ ସିଟରେ ବସିଥିଲେ । ଡ୍ରାଇଭର୍ ସିଟ୍ ଖାଲିଥିଲା । ଫଳରେ କେହି ଡ୍ରାଇଭର ନଥିବା ପ୍ରାୟତଃ ସ୍ପଷ୍ଟ ହୋଇଛି । ଏହି କାର୍ ଅଟୋ ମେଟିକ୍ ବା ବିନା ଡ୍ରାଇଭରରେ ଚାଲୁଥିବାରୁ ୨ ଯାତ୍ରୀ ବେଫିକରହୋଇ ବସି ରହିଥିଲେ । କିନ୍ତୁ କାରଟି ଭୟଙ୍କର ଦୁର୍ଘଟଣାର ସାମ୍ନା କରିଥିଲା ।

ସେ ଆହୁରି ମଧ୍ୟ କହିଛନ୍ତି ଯେ, ଦୁର୍ଘଟଣା ବେଳେ କାରର ଏୟାରବ୍ୟାଗ୍ ଖୋଲିଥିଲା ନା ନାହିଁ ତାହା ସ୍ପଷ୍ଟ ହୋଇପାରି ନାହିଁ । ଏପରିକି ଡ୍ରାଇଭର ଏନଗେଜିଂ ସିଷ୍ଟମ ମଧ୍ୟ ଦୁର୍ଘଟଣା ପୂର୍ବରୁ କାମ ଦେଇଥିଲା ନା ନାହିଁ ସେନେଇ ତଦନ୍ତ ଚାଲିଛି । ମାର୍ଚ୍ଚରେ ୨୭ଟି ଟେସଲା କାର୍ ଦୁର୍ଘଟଣା ବାବଦରେ ଖବର ଆସିଛି । ଏହାମଧ୍ୟରୁ ନିକଟରେ ହିଁ ୩ଟି ଦୁର୍ଘଟଣା ଘଟିଛି ।

ଟେସଲା ପକ୍ଷରୁ ବାରମ୍ବାର ନିଜ ଓ୍ୱେବସାଇଟରେ ବାରମ୍ବାର ଡ୍ରାଇବରଙ୍କୁ ଷ୍ଟିଅରିଂ ନଛାଡିବା ପାଇଁ ଚେତାବନୀ ଦେଉଛି । କାରଣ ଏହାର ଡ୍ରାଇଭର୍ ଆସିଷ୍ଟାନ୍ସ ସିଷ୍ଟମ ସେମି ଅଟୋମେଟିକ୍ ଅଟେ । କିନ୍ତୁ ଅନେକ ଡ୍ରାଇଭର ଚୁପ୍ ଚାପ୍ ରହି ହାତ ଛାଡି ଗାଡି ଚଳାଉଥିବା ସୋସିଆଲ ମିଡିଆରେ ଅନେକ ଭିଡିଓ ସାମ୍ନାକୁ ଆସୁଛି । ସୂଚନାଯୋଗ୍ୟ, ଟେସଲା ଫୁଲ୍ ସେଲ୍ଫ୍ ଡ୍ରାଇଭିଂ ବିଶିଷ୍ଟ କାର୍ ମାର୍କେଟରେ ଲଞ୍ଚ୍ କରିବାକୁ ଯୋଜନା କରୁଛି । ଏହା କମ୍ପାନୀକୁ ଅନେକ ଲାଭ ଦେବ ବୋଲି ନିକଟରେ କହିଥିଲେ କମ୍ପାନୀ ତଥା ସିଇଓ ମୁଖ୍ୟ ଏଲନ୍ ମସ୍କ ।

   Related Posts