ପାକିସ୍ତାନ ୧୪/୦୭ : ପାକିସ୍ତାନରେ ବଡ଼ ଧରଣର ଆତଙ୍କବାଦୀ ଆକ୍ରମଣ । ପାକିସ୍ତାନର ଉତ୍ତର ଭାଗରେ ଥିବା ଏକ ବସ୍ରେ ବିସ୍ଫୋରଣ ହେତୁ ୮ ଜଣଙ୍କ ମୃତ୍ୟୁ ହୋଇଛି । ସୂଚନା ଥାଉକି, ଚାଇନାର ନାଗରିକମାନେ ଏହି ବସ୍ରେ ଯାତ୍ରା କରୁଥିଲେ । ଏକ ନ୍ୟୁଜ୍ ଏଜେନ୍ସି ଅନୁଯାୟୀ, ଏହି ବସ୍ ଚାଇନାର ଇଞ୍ଜିନିୟରମାନଙ୍କୁ ଉପର କୋହିସ୍ତାନର ଡାସୁ ଡ୍ୟାମ୍ କୁ ନେଇ ଯାଉଥିଲା । ଏହି ସମୟରେ ବିସ୍ଫୋରଣ ହେବାରୁ ୮ ଜଣଙ୍କର ମୃତ୍ୟୁ ହୋଇଛି । ଏହାସହ ଏକାଧିକ ଆହତଙ୍କ ଅବସ୍ଥା ସଙ୍କଟାପନ୍ନ ରହିଛି ।
ବସ୍ରେ ୩୦ ଜଣ ଇଞ୍ଜିନିୟର ଓ କର୍ମଚାରୀ ଥିଲେ । ଏହି ବସର ସୁରକ୍ଷା ଦାୟିତ୍ୱ ପାକିସ୍ତାନୀ ସୈନ୍ୟ ହାତରେ ଥିଲା । ହଠାତ୍ ବସରେ ବିସ୍ଫୋରଣ ହୋଇଥିଲା । ଏପର୍ଯ୍ୟନ୍ତ ୮ ଜଣଙ୍କର ମୃତ୍ୟୁ ହୋଇଥିବା ସୂଚନା ମିଳିଛି । ଅନେକ ଆହତଙ୍କ ଅବସ୍ଥା ଗୁରୁତର ଥିବାରୁ ମୃତ୍ୟୁସଂଖ୍ୟା ବୃଦ୍ଧି ପାଇବ ବୋଲି ଆଶା କରାଯାଉଛି । ଆହତମାନଙ୍କୁ ନିକଟସ୍ଥ ଡାକ୍ତରଖାନାରେ ଭର୍ତ୍ତି କରାଯାଇଛି ।
