Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଚୀନରେ ଦ୍ରୁତ ବେଗରେ ବ୍ୟାପିଲା କରୋନାର ଡେଲ୍‌ଟା ଭାରିଏଣ୍ଟ, ବେଜିଂ ସହ ୧୫ ସହରରେ ଆତଙ୍କ, ଉଡାଣ ବାତିଲ୍
  • ||
  • ରାଜ୍ୟରେ ସୁସ୍ଥ ହେଲେ ଆଉ ୧୮୪୧ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୪୭୬ ଡିସଚାର୍ଜ
  • ||
  • ଲଦାଖରେ ଭାରତ-ଚୀନ ମଧ୍ୟରେ ଉତ୍ତେଜନା କେବେ ସମାପ୍ତ ହେବ ? ଡ୍ରାଗନ ସହ ୧୨ତମ ବୈଠକ ଆସନ୍ତାକାଲି
  • ||
  • ବାଂଶପାଳ : ଗାଁରେ ପଶି ଘର ଭାଙ୍ଗିଲା ଦନ୍ତା, କାନ୍ଥ ପଡି ସ୍ବାମୀ-ସ୍ତ୍ରୀ ଗୁରୁତର
  • ||
  • ରାଉରକେଲା : ଅଲୋଡା ହେଲା ନବଜାତ ଶିଶୁପୁତ୍ର, ଡଷ୍ଟବିନ୍‌ରୁ ଉଦ୍ଧାର
  • ||
  • ରାଇରଙ୍ଗପୁର : ଦୁଇ ବାଇକ୍ ମୁହାଁମୁହିଁ ଧକ୍କା, ରାସ୍ତା କଡକୁ ଛିଟିକି ପଡିଲେ ୨ ଚାଳକ : ମେଡିକାଲରେ ହେଲା ମୃତ୍ୟୁ
  • ||
  • କଟକ : ଦୁଷ୍କର୍ମକାରୀଙ୍କୁ ୧୦ବର୍ଷ ଜେଲ୍‌ ସହ ୧୦ହଜାର ଜରିମନା : ପୀଡିତାଙ୍କୁ ଦେବେ ୨ଲକ୍ଷ ଟଙ୍କାର କ୍ଷତିପୂରଣ
  • ||
  • ଭୁବନେଶ୍ବର : ଭିଜିଲାନ୍ସ ଜାଲରେ OSSC ସଦସ୍ୟଙ୍କ ପିଏସ୍ : ଜବତ ହେଲାଣି ନଗଦ ଲକ୍ଷାଧିକ ଟଙ୍କା ସହ ଫ୍ଲାଟ୍ ଆଉ ପ୍ଲଟ୍
  • ||
  • ରାୟଗଡା : ଆନ୍ଧ୍ରପ୍ରଦେଶ ଚିଙ୍ଗୁଡି ବନ୍ଧରେ ଅଘଟଣ : ବିଦ୍ୟୁତ ଆଘାତରେ ୬ ଓଡିଆ ଶ୍ରମିକଙ୍କ ମୃତ୍ୟୁ
  • ||
  • ଭୁବନେଶ୍ବର : ବଦଳିଲା ନିୟମ : ୬୩,୩୦୩ ପ୍ରାଥମିକ ଶିକ୍ଷକ ପାଇବେ ପଦୋନ୍ନତି, ରେସିଡେନ୍ସି ପିରିୟଡ୍ କମାଇଲେ ରାଜ୍ୟ ସରକାର
  • ||

ମହାପ୍ରସାଦ ବିକ୍ରି ହେବ କେଉଁଠି ? ଶ୍ରୀଗୁଣ୍ଡିଚା ମନ୍ଦିରରେ ବିକ୍ରି ପାଇଁ କହୁଛନ୍ତି ସରକାର, ରାଜି ନୁହେଁ ସୂପକାର ନିଯୋଗ, ରଖିଲେ ବିକଳ୍ପ ପ୍ରସ୍ତାବ

26/07/2020 at 3:56 PM

ପୁରୀ ୨୬।୦୭: କୋଭିଡ୍‌ ଲକ୍‌ଡାଉନ କାରଣରୁ ଭକ୍ତଙ୍କୁ ଶ୍ରୀମନ୍ଦିର ପ୍ରବେଶ ମନା । ଚାରି ମାସ ହେଲାଣି ଏହି କଟକଣା ଲାଗୁ ହେଲାଣି । ଭକ୍ତମାନେ ମହାପ୍ରସାଦ ପାଇବାରୁ ବଞ୍ଚିତ ହୋଇଛନ୍ତି । ଏହାର ପ୍ରତିକାର ପାଇଁ ଶ୍ରୀମନ୍ଦିର ପ୍ରଶାସନର ଦୃଷ୍ଟି ଆକର୍ଷଣ କରାଯାଇଥିଲା । ପ୍ରଶାସନ ପ୍ରସ୍ତାବ ଦେଉଛି ଶ୍ରୀଗୁଣ୍ଡିଚା ମନ୍ଦିରରେ ମହାପ୍ରସାଦ ବିକ୍ରି କରାଯାଉ । ଘୋଷଯାତ୍ରା ବେଳେ ଭକ୍ତ ଶ୍ରୀଗୁଣ୍ଡିଚା ମନ୍ଦିର ନିକଟରୁ ମହାପ୍ରସାଦ ପାଇଥିଲେ । ତେଣୁ ଏଠାରେ ଭକ୍ତଙ୍କ ପାଇଁ ମହାପ୍ରସାଦ ବିକ୍ରି କରିବାକୁ ପ୍ରଶାସନ ପ୍ରସ୍ତାବ ଦେଇଥିଲା । ଏ ସମ୍ପର୍କରେ ସୁଆର ମହାସୁଆର ନିଯୋଗର ବୈଠକ ବସିଥିଲା । ଶ୍ରୀମନ୍ଦିର ପ୍ରଶାସନର ପ୍ରସ୍ତାବକୁ ସୁପକାର ନିଯୋଗ ବୈଠକ ଅଗ୍ରାହ୍ୟ କରି ଦେଇଥିବାର ସୂଚନା ମିଳିଛି।

ପ୍ରତି ବଦଳରେ ନିଯୋଗ ପକ୍ଷରୁ ମହାପ୍ରସାଦର ସୁଲଭ ପ୍ରାପ୍ତି ପାଇଁ ଏକ ପ୍ରସ୍ତାବ ମନ୍ଦିର ପ୍ରଶାସନକୁ ଦିଆଯାଇଛି । ଉତ୍ତର ଦ୍ୱାର ଏବଂ ଦକ୍ଷିଣ ଦ୍ୱାର ସାମନାରେ ଉଚ୍ଛେଦ ହୋଇଥିବା ମଠ ଜାଗାରେ ଦୁଇଟି ସ୍ୱତନ୍ତ୍ର କାଉଣ୍ଟର ଖୋଲି ମହାପ୍ରସାଦ ବିକ୍ରି ନିମନ୍ତେ ନିଯୋଗ ପ୍ରଶାସନକୁ ପ୍ରସ୍ତାବ ଦେଇଛି । ଏହି ନେଇ କୌଣସି ନିଷ୍ପତ୍ତି ବର୍ତ୍ତମାନ ସୁଦ୍ଧା ହୋଇପାରିନାହିଁ ବୋଲି ସୁଆର ମହାସୁଆର ନିଯୋଗ ସମ୍ପାଦକ କାଳିଆ ପ୍ରତିହାରୀ ସୂଚନା ଦେଇଛନ୍ତି । ସେ କହିଛନ୍ତି ଆମେ ଶୃଙ୍ଖଳାର ସହ ଗୁଣ୍ଡିଚା ମନ୍ଦିର ପାଖ ବସ୍‌ଷ୍ଟାଣ୍ଡରେ ରଥଯାତ୍ରା ବେଳେ ମହାପ୍ରସାଦ ବିକ୍ରି କରିଥିଲୁ । ଏବେ ଶ୍ରୀଗୁଣ୍ଡିଚା ମନ୍ଦିରକୁ ମହାପ୍ରସାଦ ବୋଝେଇ ନେଇ ରଖିବୁ । ଗ୍ରାହକ ନ ଆସିଲେ ଫେରାଇ ଆଣିବୁ । ଏବେ ତ ଲକ୍‌ଡାଉନ୍‌ କାରଣରୁ ନିଯୋଗ ଏବଂ ସୁପକାରମାନେ ବିପୁଳ କ୍ଷତିର ସମ୍ମୁଖୀନ ହୋଇଛନ୍ତି । ପୁଣି ଥରେ ଗାଡ଼ି ଭଡ଼ା ଦେଇ ମହାପ୍ରସାଦ ବୋଝେଇ ନେବା ଏବଂ ଫେରାଇ ଆଣିବା ଖର୍ଚ୍ଚ ଆମକୁ ବାଧିବ । ତେଣୁ ନିଯୋଗ ଶ୍ରୀମନ୍ଦିର ଉତ୍ତର ଏବଂ ଦକ୍ଷିଣ ଦ୍ୱାର ସାମ୍ନାରେ ଷ୍ଟଲ ପକାଇ ମହାପ୍ରସାଦ ବିକ୍ରି ପାଇଁ ପ୍ରସ୍ତାବ ଦେଇଛି । ଏହା କାର୍ଯ୍ୟକାରୀ ହେଲେ ଆମେ ଉପକୃତ ହୋଇପାରିବୁ ।

ନିଯୋଗ ସୂଚନା ମୁତାବକ ଶ୍ରୀମନ୍ଦିର ସେବକ ପରିବାର ଲୋକ ଏବଂ ଆଉ କିଛି ଭକ୍ତଙ୍କ ପାଇଁ ମହାପ୍ରସାଦ ପ୍ରସ୍ତୁତ ହେଉଛି । ରୋଷଘରେ ଦଶ ବାରଟି ଚୂଲି କେବଳ ଜଳୁଛି । ଆନନ୍ଦ ବଜାରରେ ଦୁଇଟି ଦୋକାନ ଖୋଲୁଛି । ୩୦୦/୪୦୦ ଲୋକଙ୍କ ପାଇଁ ମହାପ୍ରସାଦ ପ୍ରସ୍ତୁତ ହେଉଛି । ଏହା ବ୍ୟତୀତ ବରାଦି ଭୋଗ ମୁତାବକ କେବେ କେମିତି ରୋଷେଇ ହେଉଛି । ଏହା ଦ୍ୱାରା ୧୨ ଶହରୁ ଅଧିକ ସୁପକାରଙ୍କ ଆର୍ଥିକ ସଙ୍କଟ ପ୍ରତିଦିନ ବଢ଼ୁଛି । ଏହାର ପ୍ରତିକାର ପାଇଁ ନିଯୋଗର ବୈଠକ ଡାକି ଶ୍ରୀମନ୍ଦିରର ଦୁଇ ଦ୍ୱାର ସାମ୍ନାରେ ମହାପ୍ରସାଦ ବିକ୍ରି ପ୍ରସ୍ତାବ ଦିଆଯାଇଛି । ନିଯୋଗ ଆଶା କରୁଛି ଏଥିପାଇଁ ପ୍ରଶାସନ ପକ୍ଷରୁ ଅନୁମତି ମିଳିବ ।

ଭକ୍ତଙ୍କ ପ୍ରବେଶ କଟକଣା ଯୋଗୁ ଶ୍ରୀମନ୍ଦିର ଆନନ୍ଦ ବଜାର ନିର୍ଜନ । ହାତ ଗଣତି ମହାପ୍ରସାଦ ଦୋକାନ ନନ୍ଦବଜାରରେ ଖୋଲୁଛି । ଏହି ଦୋକାନରୁ ମହାପ୍ରସାଦ ବାହାରକୁ ନେଇ ବିତରଣ ହେଉଛି । ଶ୍ରୀଗୁଣ୍ଡିଚା ମନ୍ଦିର ପାଖ ଷ୍ଟଲର ସଫଳତା ଆଧାରରେ ଏବେ ଶ୍ରୀମନ୍ଦିର ଉତ୍ତର ଦ୍ୱାର ସାମ୍ନାରେ ସୁପକାର ନିଯୋଗ ପକ୍ଷରୁ କାଉଣ୍ଟର ଖୋଲାଯାଇଛି । ଏହି କାଉଣ୍ଟରରେ ଭକ୍ତଙ୍କ ଚାହିଦା ମୁତାବକ ମହାପ୍ରସାଦ ପାଇଁ ଅର୍ଥ ଦାଖଲ ହେଉଛି । ଆଗ୍ରହୀ ଲୋକମାନେ ଟିକଟ ନେଇ ମହାପ୍ରସାଦ ପାଇଁ ଅପେକ୍ଷା କରୁଛନ୍ତି । ମହାପ୍ରସାଦ ବାହାରିବା ପରେ ଏହି କାଉଣ୍ଟରରେ ଟିକଟ ଦାଖଲ କରି ଭକ୍ତମାନେ ମହାପ୍ରସାଦ ପାଉଛନ୍ତି । ଅନ୍ୟପକ୍ଷରେ ବରାଦି ମହାପ୍ରସାଦ ପାଇଁ ମଧ୍ୟ ଦକ୍ଷିଣ ଦ୍ୱାର ପାହାଚରେ ମହାପ୍ରସାଦ ରଖି ବିତରଣ କରାଯାଉଛି ।

   Related Posts