ସାନଖେମୁଣ୍ଡି ୦୩।୦୧: ଗଂଜାମ ଜିଲ୍ଲା ଚିକିଟି ବ୍ଲକ ସୋରଳରେ ଅଭାବନୀୟ ଘଟଣା ଘଟିଯାଇଛି । ମଦ ବେପାରୀଙ୍କୁ ଧରିବାକୁ ଯାଇ ହଟହଟା ହୋଇଛନ୍ତି ଅବକାରୀ ବିଭାଗ ଅଧିକାରୀ ଓ ତହସିଲଦାର । ଯାହାର ଭିଡିଓ ସୋସିଆଲ୍ ମିଡିଆରେ ଭାଇରାଲ ହେବାର ଲାଗିଛି ।
{"id":386168,"sizeSlug":"large","linkDestination":"none"}ଖବର ଅନୁଯାୟୀ, ସୋରଳରେ ଗତକାଲି ସଂଧ୍ୟାରେ ଚିକିଟି ଅବକାରୀ ବିଭାଗ ଅଧିକାରୀ ଓ ଚିକିଟି ତହସିଲଦାର ପହଞ୍ଚିଥିଲେ । ଦେଶୀ ମଦ ବିକ୍ରି କରୁଥିବା ଦୁଇ ଜଣଙ୍କୁ ଗିରଫ କରିବା ପରେ ଉତ୍ତେଜନା ପ୍ରକାଶ ପାଇଥିଲା । କେବଳ ଏହି ଦୁଇ ଜଣ ନୁହଁନ୍ତି ଅନେକ ବ୍ୟକ୍ତି ଦେଶୀ ଓ ବିଦେଶୀ ମଦ ବିକ୍ରି କରୁଛନ୍ତି। ତେଣୁ ସେମାନଙ୍କୁ ମଧ୍ୟ ଗିରଫ କରିବା ପାଇଁ ଦାବି ଜଣାଇ ଏକ ଘଣ୍ଟା ଅଟକ ରଖିଥିଲେ ଗ୍ରାମବାସୀ । ତେବେ ଦୁଇ ଜଣଙ୍କୁ ସେଠାରେ ଛାଡିବା ପରେ ଅଫିସର ଫେରିଥିଲେ । ଏହି ଘଟଣା ସଂପୃକ୍ତ ଅଞ୍ଚଳରେ ଆଲୋଡନ ସୃଷ୍ଟି କରିବା ସହ ସାମାଜିକ ଗଣମାଧ୍ୟମରେ ଏହି ଭିଡ଼ିଓ ଭାଇରାଲ ହେବାରେ ଲାଗିଛି ।