Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଯୁକ୍ତ ୨ କଲେଜ୍ ଖୋଲିବାକୁ ପ୍ରସ୍ତୁତି ! ବିଶୋଧନ ଓ ସଫା କରି କ୍ଲାସ୍ ରୁମ୍ ପ୍ରସ୍ତୁତ କରିବାକୁ ଉଚ୍ଚ ଶିକ୍ଷା ବିଭାଗର ନିର୍ଦ୍ଦେଶ
  • ||
  • କମିବାରେ ଲାଗିଛି କରୋନା ସଂକ୍ରମଣ, ଆଜି ସୁସ୍ଥ ହୋଇ ଘରକୁ ଫେରିଲେ ୬୪୨ ଆକ୍ରାନ୍ତ
  • ||
  • ଫ୍ରାନ୍ସରେ ବିଜୟ ମାଲ୍ୟାଙ୍କ ବିରୋଧରେ EDଙ୍କ ବଡ କାର୍ଯ୍ୟାନୁଷ୍ଠାନ, ଜବତ ହେଲା ୧.୬ ମିଲିୟନ ୟୁରୋ ସମ୍ପତ୍ତି
  • ||
  • ଡିସେମ୍ବର ୮ରେ ଭାରତ ବନ୍ଦ ଡାକରା ଦେଲା କୃଷକ ସଂଗଠନ
  • ||
  • ପ୍ରଥମ ଟି-୨୦ରେ କଙ୍ଗାରୁ ଚିତ୍, ଚମକିଲେ ଭାରତୀୟ ବୋଲର, ଅଷ୍ଟ୍ରେଲିଆକୁ ୧୧ ରନରେ ହରାଇଲା ବିରାଟ ବାହିନୀ
  • ||
  • ୪ କ୍ବିଣ୍ଟାଲ ୬୦ କେଜି ଚନ୍ଦନ କାଠ ଜବତ: ଆନୁମାନିକ ମୂଲ୍ୟ ୭୦ ଲକ୍ଷ ଟଙ୍କାରୁ ଅଧିକ
  • ||
  • ଜଳେଶ୍ବର: ବିଶାଖା ଏଗ୍ରୋ ସୋରୁମ୍ ଆଗରେ ଚାଷୀମାନଙ୍କ ପକ୍ଷରୁ ଆମରଣ ଅନଶନ
  • ||
  • ଅପରାହ୍ନରେ ସ୍ଥଳଭାଗ ଛୁଇଁବ ‘ବୁରେଭି’ : କେରଳ-ତାମିଲନାଡୁର କିଛି ଜିଲ୍ଲାରେ ଛୁଟି ଘୋଷଣା, ବିମାନବନ୍ଦର ବନ୍ଦ
  • ||
  • ଜଗତପୁର : ଧାନ କଟାଳୀଙ୍କୁ ଶୁଣ୍ଢରେ କଚାଡି ମାରିଲା ହାତୀ
  • ||
  • ବାଲେଶ୍ବର ଓ ମୟୁରଭଞ୍ଜରେ ମୃଦୁ ଭୂକମ୍ପ ଝଟ୍‌କା ଅନୁଭୂତ
  • ||

ଝାରପଡ଼ା ଜେଲ୍‌ରେ କଏଦୀ ମାର୍‌ପିଟ୍‌, ଜଣଙ୍କ ମୁଥରେ ଅନ୍ୟଜଣଙ୍କ ନାକ ଫାଟିଛି ! ଥାନାରେ ୨ଟି ଏତଲା

23/05/2020 at 2:23 PM

ଭୁବନେଶ୍ୱର ୨୩।୦୫: ଝାରପଡ଼ା ଜେଲ୍‌ରେ ଅଭିଯୁକ୍ତମାନେ ମାର୍‌ପିଟ ହୋଇଛନ୍ତି । ଦୁଇ ଜଣ କଏଦୀ ରକ୍ତାକ୍ତ ହୋଇ ହସ୍ପିଟାଲ୍‌ ଯାଇଛନ୍ତି । ଏ ସମ୍ପର୍କରେ ଲକ୍ଷ୍ମୀସାଗର ଥାନାରେ ଏତଲା ଦିଆଯାଇଛି । ତେବେ ମାର୍‌ପିଟ ନେଇ ଜେଲ୍‌ର ଅଧୀକ୍ଷକ କିଛି କହିନାହାନ୍ତି । ପୁଲିସ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି ।

ଶୁକ୍ରବାର ପୂର୍ବାହ୍ନରେ ଲକ୍ଷ୍ନୌ ଜେଲ୍‌ରୁ ଆସିଥିବା ବରୁଣ ଚତୁର୍ବେଦୀ ଟିଭି ଦେଖୁଥିଲେ । ଏହି ସମୟରେ ସେଠାରେ ପହଞ୍ଚିଥିଲେ ରାଜେଶ ବାରିକ ନାମକ କଏଦୀ । ସେ ବରୁଣକୁ ପଚାରିଥିଲେ, ତୁମେ କ’ଣ ପାଇଁ ଥାନାରେ ଏଣୁ ତେଣୁ ଏତଲା ଦେଉଛ । ପୁଲିସ୍‌ ଆସି ଜେଲ୍‌ ଭିତରେ ତଦନ୍ତ କରୁଛି । ଏହି କଥାକୁ ନେଇ ଉଭୟଙ୍କ ମଧ୍ୟରେ କଥା କଟାକଟି ହୋଇଥିଲା । ଏଥିରେ ରାଗି ଯାଇ ରାଜେଶ ପ୍ରଥମେ ବରୁଣଙ୍କ ମୁହଁକୁ ମୁଥ ମାରିଥିଲେ । ବରୁଣଙ୍କ ନାକ ଫାଟି ଯାଇଥିଲା। ବରୁଣ ମଧ୍ୟ ତାଙ୍କୁ ମାଡ଼ ମାରିଥିଲେ । ୱାର୍ଡେନ୍‌ ସେଠାରେ ପହଞ୍ଚି ଉଭୟଙ୍କୁ ଅଟକାଇଥିଲେ । ସେତେବେଳକୁ ରକ୍ତାକ୍ତ ହୋଇ ସାରିଥିଲେ ବରୁଣ । ତାଙ୍କୁ ଜେଲ୍‌ ହସ୍ପିଟାଲ ନିଆ ଯାଇଥିଲା । ରାଜେଶ ମଧ୍ୟ ଆହତ ହୋଇଥିଲେ । ଜେଲ୍‌ ଅଧୀକ୍ଷକ ଉଭୟଙ୍କ ବିରୋଧରେ ଲକ୍ଷ୍ମୀସାଗର ଥାନାକୁ ଏତଲା ପଠାଇଥିଲେ ।

ଏନେଇ ଲକ୍ଷ୍ମୀସାଗର ଥାନା ଆଇଆଇସି ଦୟାନିଧି ନାୟକ କହିଛନ୍ତି, ଜେଲ୍‌ ଭିତରେ ୨ କଏଦୀଙ୍କ ମଧ୍ୟରେ ମାର୍‌ପିଟ ହୋଇଥିବା ଅଭିଯୋଗ ହୋଇଛି । ଉଭୟ ପକ୍ଷରୁ ୨ଟି ଏତଲା ଥାନାକୁ ଆସିଛି । ତଦନ୍ତ ପରେ ଘଟଣାର ସତ୍ୟସତ୍ୟ ଜଣାପଡ଼ିବ । ସେହିପରି କିଛି ଦିନ ତଳେ ଜେଲ୍‌ରେ ଏଟି ଚିଟ୍‌ଫଣ୍ଡର ମୁଖ୍ୟ ପ୍ରଦୀପ ସେଠୀ ଓ ଅନ୍ୟ ଜଣେ କଏଦୀ ନାରଣଙ୍କ ମଧ୍ୟରେ ପାଟିତୁଣ୍ଡ ଓ ମାରପିଟ ଲାଗିଥିଲା । ଏ ବିଷୟରେ ଜାଣିବା ପାଇଁ ଆମେ ଜେଲ୍‌ ଅଧୀକ୍ଷକ ଡି.ଏନ୍‌ ବାରିକଙ୍କୁ ଫୋନ୍‌ କରିଥିଲୁ । ହେଲେ ସେ କିଛି ଉତ୍ତର ଦେଇ ନଥିଲେ । ତେବେ ଜେଲ୍‌ର ଅନ୍ୟ କର୍ମଚାରୀମାନେ ମାର୍‌ପିଟ ହୋଇଥିବା ଘଟଣାକୁ ସ୍ୱୀକାର କରିଛନ୍ତି । କରୋନା ପ୍ରତିଷେଧକ ପାଇଁ ଭିଡିଓ କନ୍‌ଫରେନ୍ସି ମାଧ୍ୟମରେ କଏଦୀଙ୍କୁ କୋର୍ଟରେ ହାଜର କରାଯାଉଛି । ହାକିମଙ୍କ ଆଗରେ ଜେଲ୍‌ ବିରୋଧରେ ଅରୁଣ ଚତୁର୍ବେଦୀ, ତାଙ୍କ ଭାଇ ବରୁଣ ଓ ପ୍ରଦୀପ ସେଠୀ ଅଭିଯୋଗ ଉଠାଇ ଥିଲେ । ଯେଉଁମାନେ ଜେଲ୍‌ ବିରୋଧରେ ଅଭିଯୋଗ କରିଥିଲେ ସେମାନଙ୍କୁ ଆକ୍ରମଣ ହେଉଛି ।

   Related Posts