Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ସୁସ୍ଥ ହେଲେ ଆଉ ୫୭୩ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୨୮୦ ଡିସଚାର୍ଜ
  • ||
  • ଡ୍ରଗ୍ସ ଲିଙ୍କ୍ ମାମଲାରେ NCBରେ ହାଜର ହେଲେ ଅନନ୍ୟା ପାଣ୍ଡେ, ଆର୍ଯ୍ୟନ ସହ ହ୍ବାଟସଆପ୍‌ ଚାଟ୍‌କୁ ନେଇ ମାରାଥନ୍‌ ଜେରା
  • ||
  • ଭୁବନେଶ୍ୱର : STF ପଞ୍ଝାରେ ବ୍ରାଉନସୁଗାର ବେପାରୀ, ୧କୋଟିରୁ ଅଧିକ ଟଙ୍କାର ଧଳାଜହର ଜବତ
  • ||
  • କଳାହାଣ୍ଡି : ମହାଲିଙ୍ଗ୍ ସନସାଇନ୍ ପବ୍ଲିକ୍ ସ୍କୁଲରେ ପ୍ରଶାସନର ତଦନ୍ତ, କାଗଜପତ୍ର ଯାଞ୍ଚ ସହ ଆୟବ୍ୟୟ ଅଟକଳର ଚାଲିଛି ଖୋଳତାଡ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୨ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୫୨୪ କୋଭିଡ୍ ପଜିଟିଭ୍
  • ||
  • ଟି୨୦ ବିଶ୍ୱକପ : ସୁପର-୧୨ରେ ଶ୍ରୀଲଙ୍କା, ୭୦ରନରେ ଆୟରଲ୍ୟାଣ୍ଡକୁ ଦେଲା ମାତ୍
  • ||
  • +୩ରେ ଲକ୍ଷେ ସିଟ୍ ଖାଲି, ଗୁରୁବାର ସ୍ପଟ୍ ଆଡମିଶନ ପାଇଁ ଆବେଦନ
  • ||
  • ରାଜ୍ୟରେ ଖରାଟିଆ ପାଗ, ୨୩ ସୁଦ୍ଧା ଫେରିଯିବ ମୌସୁମୀ
  • ||
  • ରାଜଧାନୀରେ ରହିବନି ମୁକୁଳା ଡ୍ରେନ୍ : ଦୁଇ ପାର୍ଶ୍ୱରେ ଲାଗିବ ତାରଜାଲି, ସମ୍ପ୍ରସାରଣ ହେବ ସଙ୍କୁଚିତ ନାଳ
  • ||

ବାପା ବିଜେଡି ବିରୋଧୀ, ପୁଅ ବିଜେଡିର ସାଧାରଣ ସଂପାଦକ : ପ୍ରତିଦିନ ଦାମଙ୍କ ଘରେ ଲାଗିଛି କଳି ଝଗଡା

14/03/2019 at 4:15 PM

ଭୁବନେଶ୍ବର ୧୪|୩ : ବରିଷ୍ଠ ନେତା ଡାକ୍ତର ଦାମୋଦର ରାଉତଙ୍କ ଘରେ ଏବେ ପ୍ରବଳ ଅଶାନ୍ତି ଲାଗିରହିଥିବା ପଦାକୁ ଆସିବାରେ ଲାଗିଛି । ଡାକ୍ତର ରାଉତ ବିଜେଡିରୁ ବହିଷ୍କୃତ ହେବା ପରଠାରୁ ତାଙ୍କ ପୁଅ ସମ୍ବିତ ରାଉତ ଓ ଝିଅ ପ୍ରିତିନନ୍ଦା ରାଉତଙ୍କ ରାଜନୈତିକ କ୍ୟାରିୟର ନେଇ ଅଡୁଆ ପରିସ୍ଥିତି ସୃଷ୍ଟି ହୋଇଛି । ବିଜେଡି ବିରୋଧୀ ରାଜନୀତି ନକରିବା ପାଇଁ ଡାକ୍ତର ରାଉତଙ୍କୁ ତାଙ୍କ ପୁଅ ଓ ଝିଅ ପ୍ରବର୍ତ୍ତାଉଥିବା ବେଳେ ଡାକ୍ତର ରାଉତ କିନ୍ତୁ ନଛୋଡବନ୍ଦା । ବିଜେଡି ସୁପ୍ରିମୋ ନବୀନ ପଟ୍ଟନାୟକ ଓ ତାଙ୍କର ନିକଟତମ କିଛି ଯୁବ ରାଜନାତଙ୍କୁ ସେ ବରାବର ଟାର୍ଗେଟ୍ କରିଆସିଛନ୍ତି ।

ପ୍ରଥମେ ବିଜେଡି ବିରୋଧୀ ଆଞ୍ଚଳିକ ଦଳ ଗଠନ ଉଦ୍ୟମ ଏବଂ ଦୁଇ ଦିନ ତଳେ ଦିଲ୍ଲୀ ଯାଇ ବିଜେପି ସାଙ୍ଗରେ ମୁଲଚାଲ କରି ଦାମ ଫେରିଛନ୍ତି । ଫଳରେ ବିଜେଡିରେ ସମ୍ବିତ ରାଉତଙ୍କ ସ୍ଥିତି ନେଇ ପ୍ରଶ୍ନବାଚୀ ସୃଷ୍ଟି ହୋଇଛି । କେବଳ ସେତିକି ନୁହଁ ଯେକୌଣସି ପରିସ୍ଥିତିରେ ପାରାଦୀପରୁ ପ୍ରାର୍ଥୀ ହେବେ ବୋଲି ମଧ୍ୟ ଦାମ ଦୃଢୋକ୍ତି ପ୍ରକାଶ କରୁଛନ୍ତି । କୌଣସି କାରଣରୁ ଯଦି ସମ୍ବିତ ରାଉତଙ୍କୁ ବିଜେଡି ପାରାଦୀପରେ ପ୍ରାର୍ଥୀ କଲେ ତାହେଲେ ବାପ-ପୁଅ ଭିତରେ ନିଆରା ଲଢେଇ ହେବ ବୋଲି ରୋଚକ ଚର୍ଚ୍ଚା ହେଉଛି । ଏହି ପରିପ୍ରେକ୍ଷୀରେ ଖୋଦି ଡାକ୍ତର ଦାମୋଦର ରାଉତ କହିଛନ୍ତି ନିଜ ରାଜନୈତିକ କ୍ୟାରିୟର ପାଇଁ ନିଷ୍ପତ୍ତି ନେବାର ସ୍ବାଧିନତା ସେ ତାଙ୍କ ପୁଅ ଓ ଝିଅଙ୍କୁ ଦେଇଛନ୍ତି ।

ସୂଚନାଯୋଗ୍ୟ ଯେ, ଦିଲ୍ଲୀରୁ ଫେରିବା ପରେ ବିଜେଡି ସାଧାରଣ ସଂପାଦକ ସମ୍ବିତ ରାଉତ ମଧ୍ୟ ସମାନ କଥା ବାପାଙ୍କ ପାଇଁ କହିଥିଲେ । ସମ୍ବିତ କହିଥିଲେ ଯେ, ଜଣେ ରାଜନେତା ହିସାବରେ ସେ କେଉଁ ଦଳରେ ଯୋଗଦେବେ ସେ ନିଷ୍ପତ୍ତି ନେବାର ସଂପୂର୍ଣ୍ଣ ସ୍ବାଧିନତା ତାଙ୍କ ବାପାଙ୍କର ରହିଛି । ଉଭୟ ବାପା ଓ ପୁଅ ଲୋକ ଦେଖାଣିଆ ଭାବେ ତଥା ଗଣମାଧ୍ୟମକୁ ଏହି ସୂଚନା ଦେଉଥିଲେ ସୁଦ୍ଧା ଅସଲରେ ଦାମଙ୍କ ଘରେ ଏବେ ଏହି ପ୍ରସଙ୍ଗକୁ ନେଇ ଝଡ ସୃଷ୍ଟି ହୋଇଥିବା କୁହାଯାଉଛି । କୌଣସି ରାଜନୈତିକ ଆକ୍ରୋଶମୂଳକ ପଦକ୍ଷେପ ନଉଠାଇବା ପାଇଁ ଦାମଙ୍କ ଉପରେ ସମ୍ବିତ ଚାପ ପ୍ରୟୋଗ କରୁଛନ୍ତି । କିନ୍ତୁ ଦାମ କୌଣସି ମତେ ସମ୍ବିତଙ୍କ ପରାମର୍ଶ ଓ ଚାପକୁ ଗ୍ରହଣ କରୁନାହାନ୍ତି ।

ଆଗାମୀ ନିର୍ବାଚନରେ ଦାମ କେଉଁଠାରୁ ପ୍ରାର୍ଥୀ ହେବେ ବୋଲି ସାମ୍ବାଦିକମାନେ କରିଥିବା ପ୍ରଶ୍ନକୁ ଦାମ ଏଡାଇ ଯାଇଛନ୍ତି । ପୁଣି ଦିଲ୍ଲୀ ଗସ୍ତ କଥାକୁ ମଧ୍ୟ ଦାମ ଅସ୍ବୀକାର କରିଛନ୍ତି । ପୁଅ ସମ୍ବିତ ରାଉତ ପାରାଦୀପରୁ ପ୍ରାର୍ଥୀ ହେବା ପ୍ରସଙ୍ଗରେ ଦାମ ମତ ରଖିଛନ୍ତି । ତା ନିଷ୍ପତ୍ତି ସେ ନିଜେ ନେବ, ତାକୁ କହିବାକୁ ମୁଁ କିଏ ବୋଲି କହିଲେ ଦାମ କହିଛନ୍ତି ।

   Related Posts