Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୧୨ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୫୪୦ କରୋନା ସଂକ୍ରମିତ ଚିହ୍ନଟ
  • ||
  • ଡିସେମ୍ବର ୩୧ପୂର୍ବରୁ ବସିବ ବିଧାନସଭାର ଶୀତ ଅଧିବେଶନ
  • ||
  • କରୋନାର ଦୈନିକ ସଂକ୍ରମଣରେ ବୃଦ୍ଧି, ୨୪ଘଣ୍ଟାରେ ୪୩୮୯୩ ନୂଆ ଆକ୍ରାନ୍ତ ଚିହ୍ନଟ
  • ||
  • ଅପରେସନ ଅଲ୍ଆଉଟ୍ : ସେନା ଗୁଳିରେ ୨ ଆତଙ୍କୀ ନିହତ, ବନ୍ଧୁକ ଓ ଗୁଳି ଜବତ
  • ||
  • ବିହାର ନିର୍ବାଚନ : ପ୍ରଥମ ପର୍ଯ୍ୟାୟ ପାଇଁ ମତଦାନ ଆରମ୍ଭ, ୭୧ଟି ଆସନରେ ଚାଲିଛି ଭୋଟିଂ
  • ||

କ୍ଵାରେଣ୍ଟାଇନ ସେଣ୍ଟରରେ ତବଲିଗି ଜମାତ ସଦସ୍ୟଙ୍କ କେଳେଙ୍କାରୀ, ଡାକ୍ତରଙ୍କ ଉପରକୁ ପକାଇଲେ ଛେପ : ମାଗିଲେ ଅନୁପଯୁକ୍ତ ଜିନିଷ

2/04/2020 at 1:28 PM

ନୂଆଦିଲ୍ଲୀ ୦୨/୦୪ : ନିଜାମୁଦ୍ଦିନ ମର୍କଜରୁ ବାହାରିଥିବା ପ୍ରାୟ ୨୩୦୦ ଅଧିକ ଲୋକଙ୍କୁ କ୍ଵାରେଣ୍ଟାଇନ ସେଣ୍ଟର ଏବଂ ଡାକ୍ତରଖାନାରେ ଭର୍ତ୍ତି କରାଯାଇଛି। ଉତ୍ତର ରେଳବାଇ ମୁଖ୍ୟ ଜନସମ୍ପର୍କ ଅଧିକାରୀ (ସିପିଆରଓ) ଦୀପକ କୁମାର କହିଛନ୍ତି ଯେ, ତବଲିଗୀ ଜାମାତ ନିଜାମୁଦ୍ଦିନର ୧୬୭ ଜଣ ଲୋକ ଗତକାଲି ରାତି ୯.୪୦ ମିନିଟ ସମୟରେ ୫ ଟି ବସ ଯୋଗେ ତୁଗଲକାବାଦ କ୍ଵାରେଣ୍ଟାଇନ ସେଣ୍ଟର ପହଞ୍ଚିଥିଲେ। ୯୭ ଜଣଙ୍କୁ ଡିଜେଲ ସେଡ ଟ୍ରେନିଂ ସ୍କୁଲ ହଷ୍ଟେଲରେ ଏବଂ ୭୦ ଜଣଙ୍କୁ ଆରପିଏଫ ବ୍ୟାରେକ କ୍ୟାଣ୍ଟିନ ସେଣ୍ଟରରେ ରଖାଯାଇଛି। ସେ କହିଛନ୍ତି ଯେ ଏହି ଲୋକମାନେ କର୍ମଚାରୀଙ୍କ ସହ ଦୁର୍ବ୍ୟବହାର କରିଥିଲେ ଏବଂ ଡାକ୍ତରଙ୍କ ସମେତ ଅନ୍ୟମାନଙ୍କ ଉପରେ ଛେପ ପକାଇବା ଆରମ୍ଭ କରିଥିଲେ।

ରିପୋର୍ଟ ଅନୁଯାୟୀ, ଏହି ଲୋକମାନେ ସକାଳୁ ଅନିୟନ୍ତ୍ରିତ ଥିଲେ ଏବଂ ଖାଦ୍ୟ ପାନୀୟକୁ ନେଇ ଅନୁପଯୁକ୍ତ ଦାବି କରୁଥିଲେ। ସେମାନେ କ୍ଵାରେଣ୍ଟାଇନ ସେଣ୍ଟରର କର୍ମଚାରୀଙ୍କୁ ଦୁର୍ବ୍ୟବହାର କରିଥିଲେ। ଏହା ବ୍ୟତୀତ ସେମାନେ ସମସ୍ତ କାର୍ଯ୍ୟରତ ଲୋକ ଏବଂ ଡାକ୍ତରଙ୍କ ଉପରେ ଛେପ ପକାଇବା ଆରମ୍ଭ କରିଥିଲେ। ଡାକ୍ତରଙ୍କ ତାଗିଦକୁ ଖାତିର ନ କରି ସେମାନେ ହଷ୍ଟେଲ ବିଲଡିଂରେ ମଧ୍ୟ ବୁଲୁଥିଲେ। ଏମାନଙ୍କ ପାଇଁ ପର୍ଯ୍ୟାପ୍ତ ସୁରକ୍ଷା ବ୍ୟବସ୍ଥା କରିବାକୁ କିମ୍ବା ସେମାନଙ୍କୁ ନିୟନ୍ତ୍ରଣ କରିବା ପାଇଁ ଏକ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରିବାକୁ ଦିଲ୍ଲୀ ଦକ୍ଷିଣ ପୂର୍ବ ଡିଏମଙ୍କୁ କୁହାଯାଇଥିଲା। ଅପରାହ୍ନ ସାଢେ ୫ଟା ସମୟରେ ୪ ଦିଲ୍ଲୀ ପୋଲିସ ନିକ ଏବଂ୬ ଜଣ ସିଆରପିଏଫ ଯବାନଙ୍କ ସହ ଏକ ପିସିଆର ଭ୍ୟାନ୍ କ୍ୟାଣ୍ଟିନ ସେଣ୍ଟରରେ ନିୟୋଜିତ କରାଯାଇଥିଲା।

ଦିଲ୍ଲୀର ଉପମୁଖ୍ୟମନ୍ତ୍ରୀ ମନୀଷ ସିସୋଡିଆ ବୁଧବାର ଟ୍ୱିଟ୍ କରି କହିଛନ୍ତି ଯେ, “ପ୍ରାୟ 36 ଘଣ୍ଟିଆ ଏହି ଅପରେସନରେ ମେଡିକାଲ କର୍ମଚାରୀ, ପ୍ରଶାସନ, ପୋଲିସ, ଡିଟିସି କର୍ମଚାରୀ ସମସ୍ତେ ଏକାଠି କାମ କରି ନିଜ ଜୀବନକୁ ବିପଦରେ ପକାଇ କାମ କରିଛନ୍ତି । ଏମାନଙ୍କୁ ହୃଦୟର ସହ ସାଲ୍ୟୁଟ୍। ନିଜାମୁଦ୍ଦିନର ଆଲମି ମର୍କଜରେ ଦୀର୍ଘ ୩୬ ଘଣ୍ଟା ଅପରେସନ ଦ୍ୱାରା ସକାଳ ଚାରିଟାରେ ସମ୍ପୁର୍ଣ୍ଣ କୋଠାକୁ ଖାଲି କରାଯାଇଥିଲା । ଏହି ବିଲ୍ଡିଂରୁ ମୋଟ ୨୩୬୧ଜଣ ଲୋକ ବାହାରକୁ ଆସିଥିଲେ। ଏଥିମଧ୍ୟରୁ ୬୧୭ ଜଣ ଡାକ୍ତରଖାନାରେ ଥିଲେ ଏବଂ ଅନ୍ୟମାନଙ୍କୁ କ୍ଵାରେଣ୍ଟାଇନ ସେଣ୍ଟରକୁ ପଠାଯାଇଥିଲା ।

   Related Posts