Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଚାନ୍ଦବାଲି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରର ନବଜାତ ଶିଶୁର ମୃତ୍ୟୁକୁ ନେଇ ଉତ୍ତେଜନା

11/04/2019 at 2:21 PM

ଚାନ୍ଦବାଲି ୧୧|୪ : ଭଦ୍ରକ ଜିଲ୍ଲା ଚାନ୍ଦବାଲି ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ନବଜାତ ଶିଶୁର ମୃତ୍ୟୁକୁ ନେଇ ଉତ୍ତେଜନା ଦେଖାଦେଇଛି । ମୃତ ଶିଶୁର ପରିବାରଲୋକ ତଦନ୍ତ ଦାରି କରିଛନ୍ତି ।

ଚାନ୍ଦବାଲି ଭାଟପଡା ପଞ୍ଚାୟତର ମନୋଜ ବହେରାଙ୍କ ସ୍ତ୍ରୀ ଅନୁଷ୍କା ବେହେରାଙ୍କ ଗର୍ଭ ଯନ୍ତ୍ରଣା ହେବାରୁ ତାଙ୍କୁ ସୋମବାର ଦିନ  ଚାନ୍ଦବାଲି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା । ମଙ୍ଗଳବାର ଦିନ ପ୍ରସୂତିଙ୍କର ପୁତ୍ର ସନ୍ତାନଟିଏ ହେବାରୁ ମା ଓ ଛୁଆ ଉଭୟ ଚାନ୍ଦବାଲି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଚିକିତ୍ସିତ ହେଉଥିଲେ । ଗତକାଲି ରାତିରେ ଶିଶୁର  ଦେହ ଖରାପ ହେବାରୁ ମହିଳାଙ୍କ ପରିବାରଲୋକେ ଡ୍ୟୁଟିରେ ଥିବା ଡାକ୍ତରଙ୍କୁ ଡାକିବାରୁ ଡାକ୍ତର ଆସିନଥିଲେ ।

ପରେ ଡାକ୍ତର ନଆସିବାରୁ ଶିଶୁଟିର ମୃତ୍ୟୁ ହୋଇଥିଲା । ଏହି ଘଟଣାକୁ ନେଇ ପରିବାର ଲୋକ ଡାକ୍ତରଙ୍କ ଅବହେଳା ଦର୍ଶ।ଇ ଚାନ୍ଦବାଲି ଥାନାରେ ଅଭିଯୋଗ କରିବା ସହ ମୃତ ଶିଶୁକୁ ଚାନ୍ଦବାଲି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ରଖି କ୍ଷତିପୂରଣ ଦାବି କରିଛନ୍ତି । ଏହି ଘଟଣାରେ ଚାନ୍ଦବାଲି ଥାନାର ଅଧିକାରୀଙ୍କ ହସ୍ତକ୍ଷେପ ପରେ ଘଟଣା ଶାନ୍ତ ପଡିଥିଲା । ମାତ୍ର ମୃତ ଶିଶୁର ପରିବାର ଲୋକ ଘଟଣାର ତଦନ୍ତ ପାଇଁ ଦାବି କରିଛନ୍ତି । 

   Related Posts