ସୋର ୨୬।୧୦: ମଦ କାଉଣ୍ଟର ପରିସରରେ ଦୁଇ ଜଣ ଚାଷୀଙ୍କୁ ଆକ୍ରମଣ । ମଦ୍ୟପାନ କରି ୪ଜଣ ଯୁବକ ଦୁଇ ଜଣ ଚାଷୀଙ୍କୁ ଆକ୍ରମଣ କରି ଲହୁ ଲୁହାଣ  କରିଥିବା ଅଭିଯୋଗ ଆସିଛି ।  ଗୁରୁତର ଚାଷୀଙ୍କୁ  ସିମୁଳିଆ ମେଡିକାଲରେ ଭର୍ତ୍ତି କରାଯାଇଛି। ବାଲେଶ୍ୱର ଜିଲ୍ଲା ସିମୁଳିଆ ଥାନା ଜାମୁଝାଡ଼ି ଅଞ୍ଚଳର  ଘଟଣା ।

{"id":350920,"sizeSlug":"large"}

ଖବର ଅନୁଯାୟୀ,  ବାଉରିପଦା ଅଞ୍ଚଳର ଚାରି ଜଣ ଯୁବକ ମଦ୍ୟପାନ କରୁଥିଲେ । ସେହି ବାଟ ଦେଇ ଜଣେ ଚାଷୀ କ୍ଷେତକୁ ଯାଉଥିବା ବେଳେ ଉଭୟଙ୍କ ମଧ୍ୟରେ ବଚସା ହୋଇଥିଲା ।  ହଠାତ୍‌ ୪ଜଣ ଯୁବକ ଚାଷୀଙ୍କୁ ଆକ୍ରମଣ କରିଥିଲେ । ଏହାର ଖବର ପାଇ ଚାଷୀର ସମ୍ପର୍କୀୟ ଭାଇ ରକ୍ଷା କରିବାକୁ  ଆସି ସିଏ ମଧ୍ୟ ଆକ୍ରମଣର ଶୀକାର ହୋଇଥିଲେ। ଯାହାଫଳରେ ୪ଜଣ ଯୁବକ ଦୁଇ ଜଣ ଚାଷୀ ଙ୍କୁ  ପଥର ଏବଂ ବାଡ଼ିରେ ଆକ୍ରମଣ କରିଥିଲେ।

{"id":350923,"sizeSlug":"large"}

ଆକ୍ରମଣରେ ଜଣେ ଚାଷୀର ମୁଣ୍ଡରେ ଶକ୍ତ ଆଘାତ ହୋଇଥିଲା ବେଳେ ଜଣଙ୍କ ଆଖି ପତା ଫାଟି ଯାଇଥିବାର ସୂଚନା ମିଳିଛି । ସେପଟେ ଘଟଣାସମ୍ପର୍କରେ ଖବର ପାଇ ସିମୁଳିଆ ପୋଲିସ ଘଟଣା ସ୍ଥଳରେ ପହଞ୍ଚି ୪ଜଣ ଯୁବକଙ୍କୁ ଅଟକ ରଖାଯାଇଛି ।ତେବେ ଅଟକ ଥିବା ଯୁବକଙ୍କ ମଧ୍ୟରେ ଜଣେ ବ୍ୟାଙ୍କ ମ୍ୟାନେଜର ଥିବା ସୂଚନା ରହିଛି । ସେହିପରି  ଗୁରୁତରଙ୍କୁ ସିମୁଳିଆ ମେଡିକାଲରେ ଭର୍ତ୍ତି କରିଥିଲେ।। ଗୁରୁତର ଦୁଇ ଜଣ ହେଲେ ଗଜେନ୍ଦ୍ର ବେହେରା ଓ ପ୍ରହ୍ଲାଦ ପାତ୍ର ବୋଲି ଜଣାପଡିଛି। ଅନ୍ୟପଟେ ମଦ କାଉଣ୍ଟର ଭିତରେ ମଦ୍ୟପାନ କରିବା ପାଇଁ ନିୟମ ନଥିବା ବେଳେ କିଭଳି ମଦ କାଇଣ୍ଟର ଭିତରେ ମଦ୍ୟପାନ କରିବାକୁ ସୁଯୋଗ ଦେଲେ ସେ ନେଇ ସାଧାରଣରେ  ପ୍ରଶ୍ନବାଚୀ ସୃଷ୍ଟି କରିଛି।