Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିଶିଷ୍ଟ ଲେଖିକା ମନୋରମା ମହାପାତ୍ରଙ୍କ ପରଲୋକ
  • ||
  • ଇସ୍ତଫା ଦେଲେ ପଞ୍ଜାବ ମୁଖ୍ୟମନ୍ତ୍ରୀ କ୍ୟାପଟେନ୍ ଅମରିନ୍ଦର ସିଂହ, ରାଜ୍ୟପାଳଙ୍କୁ ଭେଟି ଦେଲେ ରିଜାଇନ୍
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୩୫ ହଜାରରୁ ଅଧିକ କରୋନା ପଜିଟିଭ୍, ୨୮୧ ମୃତ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୬ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୬୯୫ କୋଭିଡ୍ ପଜିଟିଭ୍
  • ||
  • ଉପରୁ ମୁଣ୍ଡରେ କମୁଛି ବନ୍ୟାଜଳ ପ୍ରବାହ, ବନ୍ଦ ହେଲା ହୀରାକୁଦର ୪ ଗେଟ୍
  • ||
  • ବିଲକୁ ଯାଇଥିଲେ ଚାଷୀ, ଦଳି ମାରିଦେଲା ଦନ୍ତା
  • ||
  • ଗୋଟିଏ ଟ୍ରକ୍ ଧକ୍କା ଦେଲା, ଆଉ ଏକ ଟ୍ରକ୍ ଚାପିଦେଲା : ରାସ୍ତା ପାର୍ ବେଳେ ଜୀବନ ହାରିଲେ ସୁବାଷ
  • ||
  • ରାତିରେ ହଠାତ ଘରେ ପଶିଗଲା ଦନ୍ତା, ନାବାଳକକୁ ଆକ୍ରମଣ କରି ମାରିଦେଲା…
  • ||
  • ଦେବୀଗଡା ଘାଟ ନିକଟରୁ ବିଶାଳ ଅଜଗର ଉଦ୍ଧାର, ବନ୍ୟା ଜଳରେ ଭାସି ଆସିଥିବା ସନ୍ଦେହ
  • ||

ବଦ୍ରିନାଥ ମନ୍ଦିର ପରିସରରେ ନମାଜ ପଢିଲେ ଯୁବକ: ଭିଡିଓ ଭାଇରାଲ ପରେ ଉତ୍ତେଜନା,୧୫ ଜଣଙ୍କ ବିରୋଧରେ ମାମଲା

23/07/2021 at 11:42 AM

ଉତ୍ତରପ୍ରଦେଶ ୨୩/୦୭: ଉତ୍ତରାଖଣ୍ଡର ଚାମୋଲି ଜିଲ୍ଲାର ବଦ୍ରିନାଥ ମନ୍ଦିରରେ କିଛି ମୁସଲମାନ ଯୁବକ ନମାଜ ପଢୁଥିବା କରୁଥିବା ଭିଡିଓ ଭାଇରାଲ ପରେ ଉତ୍ତେଜନା । କୁହାଯାଉଛି ଯେ କିଛି ମୁସଲମାନ ଇଦ୍-ଉଲ୍-ଜୁହା ଅବସରରେ ପ୍ରସିଦ୍ଧ ବଦ୍ରିନାଥ ମନ୍ଦିର କମ୍ପ୍ଲେକ୍ସରେ ପ୍ରାର୍ଥନା କରିଥିଲେ । ଯାହାର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି ।

ଚାମୋଲି ପୋଲିସ ଅଧୀକ୍ଷକ ଯଶବନ୍ତ ସିଂହ ଚୌହ୍ୱାନ ଏହି ଘଟଣାରେ କହିଛନ୍ତି ଯେ ସୋସିଆଲ ମିଡିଆରେ ଭାଇରାଲ ହୋଇଥିବା ଭିଡିଓରେ ଅନେକ ମୁସଲମାନ ବଦ୍ରିନାଥ ମନ୍ଦିର ପରିସରରେ ନମାଜ ଦେଉଥିବାର ଦେଖାଯାଇଛି । ଭାଇରାଲ୍ ପୋଷ୍ଟ ଦେଖି ସ୍ଥାନୀୟ ପୋଲିସର ଏକ ଟିମ୍ ତୁରନ୍ତ ଏହି ଅଭିଯୋଗର ତଦନ୍ତ ଆରମ୍ଭ କରିଛନ୍ତି । ପୋଲିସ କହିଛି ଯେ ପ୍ରାଥମିକ ଅନୁସନ୍ଧାନରୁ ଜଣାପଡିଛି ଯେ ଏଭଳି ଘଟଣା ଘଟିନାହିଁ ।

ଜିଲ୍ଲାର ବରିଷ୍ଠ ପୋଲିସ ଅଧିକାରୀ ଏଠାରେ ସୂଚନା ଦେଇଛନ୍ତି ଯେ ପ୍ରାଥମିକ ଅନୁସନ୍ଧାନରୁ ଜଣାପଡିଛି ଯେ ୧୫ ଜଣ ମୁସଲମାନ ଶ୍ରମିକ ହରିନ୍ଦର ସିଂ ନାମକ ଜଣେ କଣ୍ଟ୍ରାକ୍ଟରଙ୍କ ଅଧୀନରେ କାମ କରନ୍ତି । ଏହି ସମସ୍ତ ଶ୍ରମିକ ମନ୍ଦିରଠାରୁ ପ୍ରାୟ ୧ କିଲୋମିଟର ଦୂରରେ ଅବସ୍ଥିତ ଏକ ପାର୍କିଂ ସୁବିଧା ପ୍ରକଳ୍ପରେ କାର୍ଯ୍ୟ କରୁଥିଲେ । ପୋଲିସର ଅନୁସନ୍ଧାନରୁ ଏହା ମଧ୍ୟ ଜଣାପଡିଛି ଯେ ନିର୍ମାଣ କାର୍ଯ୍ୟରେ ବହୁ ସାମଗ୍ରୀ ଥିବାରୁ ସମସ୍ତ ଶ୍ରମିକ ପ୍ରକଳ୍ପ ସ୍ଥଳରେ ରହୁଥିଲେ ।

ଇଦ୍-ଉଲ୍-ଜୁଜା ଅବସରରେ ସେମାନେ ସକାଳ ୭ ଟାରେ ସେଠାରେ ନମାଜ ଅର୍ପଣ କରିଥିଲେ । ଭିଡ଼ ଜମାଇବା ଏବଂ ସାମାଜିକ ଦୂରତାକୁ ଉଲ୍ଲଂଘନ କରିବା ପାଇଁ ବିପର୍ଯ୍ୟୟ ପରିଚାଳନା ଆଇନ ଅନୁଯାୟୀ କଣ୍ଟ୍ରାକ୍ଟର ଏବଂ ଶ୍ରମିକଙ୍କ ବିରୋଧରେ ମାମଲା ରୁଜୁ ହୋଇଛି ବୋଲି ପୋଲିସ ସୂଚନା ଦେଇଛି । ସ୍ଥାନୀୟ ପୌରସଂସ୍ଥାର ପୂର୍ବତନ ଅଧ୍ୟକ୍ଷ ଋଷି ପ୍ରକାଶ ସତୀଙ୍କ ଅଭିଯୋଗକୁ ଭିତ୍ତି କରି ଏକ ମାମଲା ରୁଜୁ ହୋଇଛି ବୋଲି ପୋଲିସ କହିଛି ।

ତେବେ ମନ୍ଦିର ପରିସରରେ ପ୍ରାର୍ଥନା କରାଯାଉଥିବା ଅଭିଯୋଗକୁ ମଧ୍ୟ ପୋଲିସ ଯାଞ୍ଚ କରୁଛି । କେବଳ ଅନୁସନ୍ଧାନ ଆଧାରରେ ଏହି ମାମଲାରେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ପୋଲିସ କହିଛି । ପୋଲିସ ଅଧୀକ୍ଷକ କହିଛନ୍ତି ଯେ ‘ସେପର୍ଯ୍ୟନ୍ତ ମୁଁ ଲୋକମାନଙ୍କୁ କୌଣସି ପ୍ରକାର ଗୁଜବ ପ୍ରଚାର ନକରିବାକୁ ନିବେଦନ କରୁଛି’।

   Related Posts