Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଷ୍ଟେଟ୍ ବ୍ୟାଙ୍କ ଉପରେ କୋଟିଏ ଟଙ୍କାର ଫାଇନ ଲଗାଇଲେ ରିଜର୍ଭ ବ୍ୟାଙ୍କ, ସବୁଠୁ ବଡ ବ୍ୟାଙ୍କ ବିରୋଧରେ ଋଣ ନିୟମ ଉଲ୍ଲଙ୍ଘନ ଅଭିଯୋଗ
  • ||
  • ଶ୍ରେୟସ ଆୟରଙ୍କ ଉପରେ ମୁମ୍ବାଇ ଇଣ୍ଡିଆନ୍ସର ନଜର, ରାହୁଲ ଓ ଧାଓ୍ୱନ ବି ବଦଳାଇବେ ଟିମ୍ !
  • ||
  • ରାଜ୍ୟରେ ଆଉ ୩ ଜଣ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୦୬କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୨୬୪ କରୋନା ସଂକ୍ରମିତ, ୧୦୪୮୪୯୨ରେ ପହଞ୍ଚିଲା ସଂଖ୍ୟା
  • ||
  • ଜରୁରୀକାଳିନ ପରିସ୍ଥିତି ଘୋଷଣା କଲେ ଗଭର୍ଣ୍ଣର : କରୋନା ସଂକ୍ରମଣ ବଢିବା ପରେ କଟକଣା କଡାକଡି
  • ||
  • ୧୮ କେଜିର ବଜ୍ରକାପ୍ତା ଉଦ୍ଧାର, ଡିଲ୍ ବେଳେ ଧରିଲା ବନ ବିଭାଗ
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୪୬୫ ମୃତ
  • ||
  • ଫସଲ ନଷ୍ଟ କରି ଫେରିଗଲେ ଝାଡଖଣ୍ଡୀ ହାତୀପଲ, କ୍ଷତିପୂରଣ ଦାବି କଲେ ଚାଷୀ
  • ||
  • ଫସଲ ନଷ୍ଟ କରି ଫେରିଗଲେ ଝାଡଖଣ୍ଡୀ ହାତୀପଲ, କ୍ଷତିପୂରଣ ଦାବି କଲେ ଚାଷୀ
  • ||
  • ଓଡିଶା ଉପକୂଳରେ ମାଡ ହେବ ବାତ୍ୟା ! ଡିସେମ୍ବର ୩ରୁ ୬ ଯାଏଁ ପ୍ରବଳ ବର୍ଷା
  • ||

ଚୋରକୁ ପୋଲିସ ଧରିଲାନି, କି ଗାଁକୁ ଆସିଲାନି :ଏବେ ଠେଙ୍ଗା-ଟର୍ଚ୍ଚ ଧରି ପାଳି କରି ଜଗୁଛନ୍ତି ଗାଁଲୋକେ

27/10/2020 at 12:11 PM

ଆଠଗଡ଼ ୨୭।୧୦: ସାଧାରଣ ଲୋକ ମାନଙ୍କ ସୁରକ୍ଷା ବ୍ୟବସ୍ଥା ପାଇଁ ପୋଲିସ ପ୍ରଶାସନକୁ ଅଖଣ୍ଡ କ୍ଷମତା ଦେଇଛନ୍ତି ରାଜ୍ୟ ସରକାର । ଆଇନ ଶୃଙ୍ଖଳା ପରିସ୍ଥିତି ହେଉ ଅବା ସାଧାରଣ ଜୀବନ ଯାପନ କରିବାପାଇଁ ସବୁଠି ଆବଶ୍ୟକତା ରହିଛି । କେଉଁଠି ଠିକଣା ଢଙ୍ଗରେ କାମ କରୁଛି, ତ କେଉଁଠି ଠିକଣା ଢଙ୍ଗରେ କାମ ବି ହେଉନି । ଯାହାର ସମ୍ମୁଖୀନ ହେଉଛନ୍ତି ସାଧାରଣଲୋକ । ଏମିତି ଏକ ଘଟଣା ଦେଖିବାକୁ ମିଳିଛି  କଟକ ସହରଠୁ ମାତ୍ର ୩୦ କିମି ଦୂରରେ ଥିବା ଆଠଗଡ଼ ଥାନା “ବାଇଲୋ” ଗାଁରେ  ।

ବାଇଲୋ ଗାଁରେ ଶହେରୁ ଅଧିକ ପରିବାର ବସବାସ କରୁଛନ୍ତି । କିନ୍ତୁ ରାତ୍ରି ସମୟରେ ଚୋରମାନଙ୍କ ଦୌରାତ୍ମ ଏହି ଗ୍ରାମର ଲୋକମାନଙ୍କ ନିଦ ହଜାଇ ଦେଇଛି । ବାରମ୍ବାର ଚୋରି ହେଉଥିବା ବେଳେ ଆଠଗଡ଼ ପୋଲିସ ପକ୍ଷରୁ ସୁରକ୍ଷା ପ୍ରଦାନ କରିବା  ଏବେ ଏହି ଗାଁ ପାଇଁ ଚିନ୍ତାର କାରଣ ପାଲଟିଛି,।

ଗ୍ରାମର ଚୋରୀ ସମସ୍ୟା ସମ୍ପର୍କରେ ଅବଗତ କରାଇଥିଲେ ମଧ୍ୟ ଆଠଗଡ଼ ପୋଲିସ ପ୍ରଶାସନ କିଛି ଶୁଣୁ ନଥିବା ଗ୍ରାମବାସୀ ଅଭିଯୋଗ କରିଛନ୍ତି । ଅଭିଯୋଗ ପରେ ପୋଲିସ ପକ୍ଷରୁ ନିଜ ସୁରକ୍ଷା ନିଜେ କର ଓ ତୁମ ଜୀବନ ଭଳି ଆମ ଜୀବନ ପ୍ରତି ବିପଦ ଅଛି ବୋଲି ସଫେଇ ଦେଇଛନ୍ତି ।

ଅନ୍ୟପଟେ ବାଇଲୋ ଗ୍ରାମବାସୀ ଆଠଗଡ଼ ପୋଲିସ ପ୍ରଶାସନ ପାଖରୁ ନିରାଶ ହେବା ପରେ ଏବେ ନିଜସୁରକ୍ଷା ନିଜେ କରିବା ପାଇଁ ଅଣ୍ଟା ଭିଡ଼ିଛନ୍ତି । ଗ୍ରାମର ମୁରବୀ ମାନେ ଗ୍ରାମସଭା ଡକାଇ ପ୍ରତିଦିନ ରାତିରେ ପାଳି କରି ଦଶଜଣ ଲେଖାଏଁ ରାତ୍ରି ୯ଟା ରୁ ସକାଳ ୬ଟା ପର୍ଯ୍ୟନ୍ତ କଡ଼ାପ୍ରହରା ଦେଉଛନ୍ତି । ଖାଲି ସେତିକି ନୁହେଁ ଘର ପିଛା ଦଶ ଟଙ୍କା ଲେଖାଏଁ ଚାନ୍ଦା ଆଦାୟ କରି ଗାଁର ପ୍ରତ୍ୟେକ ଖୁଣ୍ଟରେ ବିଦ୍ୟୁତ ଆଲୋକର ବ୍ୟବସ୍ତା କରିଛନ୍ତି । ଗାଁ କମିଟି ତରଫରୁ ରାତ୍ରି ଜଗୁଆଳି ଭାବରେ କାର୍ଯ୍ୟ ସମ୍ପାଦନ କରୁଥିବା ଲୋକମାନଙ୍କ ପାଇଁ ଏକ ପରିଚୟ ପତ୍ରର ବ୍ୟବସ୍ତା ମଧ୍ୟ କରାଯାଇଛି ।

ଆଠଗଡ଼ ପୋଲିସ ପ୍ରଶାସନର ଏଭଳି ମନ୍ତବ୍ୟ ଓ ରାଜ୍ୟ ସରକାରଙ୍କ ସାଧାରଣ ଜନସାଧାରଣଙ୍କ ପାଇଁ ଆମ ପୋଲିସ କାର୍ଯ୍ୟକ୍ରମ ଆଠଗଡରେ଼ କେତେ ସଫଳ ହୋଇଛି । ତାହା ସ୍ଥାନୀୟ ଅଞ୍ଚଳରେ ବେଶ ଚର୍ଚ୍ଚାର ବିଷୟ ହୋଇଥିବା ବେଳେ ବାଇଲୋ ଗାଁକୁ ସୁରକ୍ଷା ଯୋଗାଇ ଦେବାକୁ ଦାବି ହୋଇଛି ।

   Related Posts