ଭଦ୍ରକ ୧୫।୦୪: ପାରା ପାଇଁ ମହାଭାରତ । ପୋଷା ପାରାକୁ ଖାଇଦେଲା ପଡୋଶୀ ଘରର ବିଲେଇ । ଯାହାକୁ ନେଇ ଦୁଇ ପରିବାର ମଧ୍ୟରେ ଘଟିଛି ଗଣ୍ଡଗୋଳ । ମାର୍ପିଟରେ ଉଭୟ ପକ୍ଷରୁ ୩ ଜଣ ବ୍ୟକ୍ତି ଆହତ ହୋଇଥିବା ଜଣାପଡିଛି । ସମସ୍ତ ଆହତଙ୍କୁ ଉଦ୍ଧାର କରି ସ୍ଥାନୀୟ ମେଡିକାଲରେ ଭର୍ତ୍ତି କରାଯାଇଥିଲା । ଭଦ୍ରକ ସହରାଞ୍ଚଳ ଥାନା ବରାଳପୋଖରୀ ଅଞ୍ଚଳରେ ଘଟିଛି ଏପରି ଅଭବାନୀୟ ଘଟଣା ।
{"id":438680,"sizeSlug":"large","linkDestination":"none"}
ଖବର ଅନୁଯାୟୀ, ବରାଳପୋଖରୀ ଅଞ୍ଚଳରେ ଗୋଟିଏ ପରିବାର ପାରାକୁ ପାଳିଥାନ୍ତି । ତେବେ ପଡୋଶୀର ଅନ୍ୟ ଏକ ଘର ପୋଶିଥିବା ବିଲେଇଟି , ସେହି ପାରାକୁ ଖାଇଦେଇଥିଲା । ଯାହାଫଳରେ ଉଭୟ ପରିବାର ମଧ୍ୟରେ ପାଟିତୁଣ୍ଡ ଓ ବିବାଦ ହୋଇଥିଲା । ଦେଖୁ ଦେଖୁ ବିବାଦ ବଢିବାରେ ଲାଗିଥିଲା । ଏପରିକି ଶାବଳରେ ଆକ୍ରମଣ ମଧ୍ୟ କରାଯାଇଥିଲା । ତେବେ ଏହି ମାର୍ପିଟ୍ରେ ଉଭୟ ପକ୍ଷରୁ ୩ଜଣ ଆହତ ହୋଇ ଭଦ୍ରକ ମେଡିକାଲରେ ଭର୍ତ୍ତି ହୋଇଛନ୍ତି ।
{"id":438681,"sizeSlug":"large","linkDestination":"none"}
ଏହାପୂର୍ବରୁ ୨ପରିବାର ମଧ୍ୟରେ ଅନେକ ଥା ଝଗଡ଼ା ଲାଗିଥିଲା । ଏବେ ୨ ପରିବାର ସାମନ୍ୟ ଘଟଣାକୁ କେନ୍ଦ୍ର କରି ମାର୍ପିଟ୍ ହୋଇଛନ୍ତି । ଏହି ଘଟଣାକୁ ନେଇ ଉଭୟ ପକ୍ଷ ଥାନାରେ ଅଭିଯୋଗ କରିଛନ୍ତି । ପୋଲିସ ଅଭିଯୋଗ ପାଇବା ପରେ ତଦନ୍ତ ଆରମ୍ଭ କରିଛି ।
