Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୮ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୫୦କୁ ବୃଦ୍ଧି
  • ||
  • ରାଜ୍ୟରେ କମିଲା ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୫୯୦୧ କୋଭିଡ୍ ପଜିଟିଭ୍, ୧୨୩୧୧୬୯ରେ ପହଞ୍ଚିଲା ସଂଖ୍ୟା
  • ||
  • ଜିଲ୍ଲା ପରିଷଦ ନିର୍ବାଚନ ଲଢୁଛନ୍ତି ଡାକ୍ତରାଣୀ, ଚର୍ଚ୍ଚାରେ ବିଜେପି ପ୍ରାର୍ଥୀ ମୋନାଲିସା
  • ||
  • ବିସ୍ଫୋରଣ କରି ଟ୍ରେନ୍ ଲାଇନ ଉଡାଇଲେ ନକ୍ସଲ, ପୋଷ୍ଟରରେ ଦେଲେ ଧମକ
  • ||
  • କୁହୁଡିର ଚାଦରରେ ଜଗତସିଂହପୁର, ଗମନାଗମନ ବାଧାପ୍ରାପ୍ତ
  • ||

ଗଞ୍ଜେଇ ଗଛ ନଷ୍ଟ ବେଳେ ଆଦିବାସୀ-ପୋଲିସ ମୁହାଁମୁହିଁ, ୫୦ଏକର ଜମିରେ ହୋଇଥିଲା ଗଞ୍ଜେଇ ଚାଷ

22/11/2019 at 9:40 AM

ସାନଖେମୁଣ୍ଡି ୨୨।୧୧: ଗଞ୍ଜେଇ ଚାଷ ନଷ୍ଟ କରିବାକୁ ପୋଲିସ ଚଢାଉ କରିଥିବା ବେଳେ ଆଦିବାସୀ ଓ ପୋଲିସ ମୁହାଁମୁହିଁ ହୋଇଛନ୍ତି । ଘଟଣାସ୍ଥଳରେ ଉତ୍ତେଜନା । ସୁରକ୍ଷା ଦୃଷ୍ଟିରୁ ପୋଲିସ ଫୋର୍ସ ମୁତୟନ ହୋଇଛନ୍ତି ।

ଗଞ୍ଜାମ ଜିଲ୍ଲା ଧରାକୋଟ ଓ ବଡଗଡ ସୀମାନ୍ତ ଉପାନ୍ତ ଇଲାକାରେ ଗଞ୍ଜେଇ ଚାଷ ନଷ୍ଟ କରିବାକୁ ପୋଲିସ ଚଢାଉ କରିଥିଲା । ଚଢାଉ ବେଳେ ବିପୁଳ ପରିମାଣର ଗଞ୍ଜେଇ ଗଛ ନଷ୍ଟ କରିଛି ପୋଲିସ । ଗଞ୍ଜେଇ ଚାଷ ନଷ୍ଟ ବେଳେ ଆଦିବାସୀ ପୋଲିସଙ୍କୁ ଆକ୍ରମଣ କରିଥିଲେ । ଫଳରେ ମୁହାଁମୁହିଁ ପରିସ୍ଥିତି ସୃଷ୍ଟି ହୋଇଛି । ସୁରକ୍ଷା ଦୃଷ୍ଟିରୁ ୫ ପ୍ଲାଟୁନ ପୋଲିସ ଫୋର୍ସ ମୁତୟନ କରାଯାଇଛି ।

ସ୍ଥାନୀୟ ଅଞ୍ଚଳରେ ୫୦ଏକର ଜମିରେ ଗଞ୍ଜେଇ ଚାଷ ହେଉଥିବା ପୋଲିସ ସୂଚନା ପାଇଥିଲା । ଫଳରେ ପୋଲିସ ଚଢାଉ କରିଥିଲା । କେତେକ ସ୍ଥାନରେ ଆଦିବାସୀମାନେ ଗଛ କାଟି ରାସ୍ତା ଅବରୋଧ କରିଥିବା ଦେଖିବାକୁ ମିଳିଛି । ବଡ଼ଗଡ଼ ଥାନା ଖଜୁରୀପଦା ଗାଁରେ ପୋଲିସ, ଅବକାରୀ ବିଭାଗ ଓ ସ୍ଥାନୀୟ ତହସିଲଦାରଙ୍କ ଉପସ୍ଥିତିରେ ଗଂଜେଇ ଚାଷ ନଷ୍ଟ ବେଳେ ଶତାଧିକ ଆଦିବାସୀ ପୋଲିସ ମୁହାଁମୁହିଁ ହୋଇଛନ୍ତି । ଘଟଣାସ୍ଥଳରେ ଉତ୍ତେଜନା ଲାଗିରହିଛି ।

   Related Posts