Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଫେବୃଆରୀ ୨ରେ ପ୍ରକାଶ ପାଇବ ସିବିଏସଇ ଦଶମ ଓ ଦ୍ବାଦଶ ପରୀକ୍ଷା ସୂଚୀ
  • ||
  • ରାସ୍ତା କାର୍ଯ୍ୟର ତଦାରଖ କଲେ ସାଂସଦ ମଞ୍ଜୁଲତା ମଣ୍ଡଳ, ପିଚୁ ଉଠିଯାଉଥିବା ନେଇ ହୋଇଥିଲା ଅଭିଯୋଗ
  • ||
  • ମୁନିଗୁଡା : ମାଲବାହୀ ଟ୍ରେନ୍‌ର ୪ଟି ବଗି ଲାଇନଚ୍ୟୁତ, ରାୟଗଡା-ଟିଟିଲାଗଡ ମଧ୍ୟରେ ରେଳ ଚଳାଚଳ ବାଧାପ୍ରାପ୍ତ
  • ||
  • ଭୁବନେଶ୍ବର : ପିପିଲି ଉପନିର୍ବାଚନ ପାଇଁ ପ୍ରତାପ ଦେବଙ୍କୁ ପର୍ଯ୍ୟବେକ୍ଷକ ଦାୟିତ୍ବ ଦେଲା ବିଜେଡି
  • ||
  • କୋରାପୁଟ : ଘାଟିରେ ସିରିଜ୍ ଦୁର୍ଘଟଣା, ତେଲ ଟ୍ୟାଙ୍କରକୁ ପିଟିଲା ଟ୍ରକ୍, ବ୍ରେକ୍ ଫେଲ୍ ହେବାରୁ ଟ୍ରକ୍କୁ ଧକ୍କାଦେଲା ପିକଅପ୍ ଭ୍ୟାନ୍
  • ||
  • ରାଉରକେଲା : ଯୁବକଙ୍କ ଗଳିତ ମୃତଦେହ ଉଦ୍ଧାର, ଶନିବାର ରାତିରୁ ଥିଲେ ନିଖୋଜ, ହତ୍ୟା ଅଭିଯୋଗ ଆଣିଲେ ପରିବାର
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୧୩ କୋଭିଡ୍ ପଜିଟିଭ୍‌, ୩୩୪୭୮୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଜଗତସିଂହପୁର : ବ୍ୟାଙ୍କ୍ ଲୁଟ୍ ଉଦ୍ୟମ ପଣ୍ଡ, ଆଲମିରାରେ ନିଆଁ ଲାଗି ପୋଡିଗଲା ବହୁ ଗୁରୁତ୍ବପୂର୍ଣ୍ଣ କାଗଜପତ୍ର
  • ||
  • ଯାଜପୁର : ରାସ୍ତାକଡରୁ ରମାଦେବୀ ଛାତ୍ରୀଙ୍କ ମୃତଦେହ ମିଳିବା ଘଟଣାରେ ୨ ଅଭିଯୁକ୍ତକୁ ଚିହ୍ନଟ କଲା ପୋଲିସ
  • ||
  • ଆଠମଲ୍ଲିକ : ବାରହା ଶିକାର ପାଇଁ ବିଦ୍ୟୁତ୍ ତାର ବିଛାଇଥିଲେ, ସଂସ୍ପର୍ଶରେ ଆସି ଚାଲିଗଲା ନିଜ ଜୀବନ
  • ||

ନେପାଳୀ ବୋହୂ ଲାଗି ସୀମାରେ ଉତ୍ତେଜନା, ସୁରକ୍ଷା ବଳ ଗୁଳିକାଣ୍ଡରେ ଭାରତୀୟ ନାଗରିକ ମୃତ, ୩ ଆହତ

12/06/2020 at 7:58 PM

ସୀତାମଢୀ ୧୨।୬: ନେପାଳୀ ବୋହୂକୁ ନେଇ ଶୁକ୍ରବାର ଭାରତ-ନେପାଳ ସୀମାରେ ଉତ୍ତେଜନା ଦେଖା ଦେଇଛି। ଫଳରେ ନେପାଳ ସୀମା ପୋଲିସ (ଏପିଏଫ) କାର୍ଯ୍ୟାନୁଷ୍ଠାନ କରିବାରୁ ଜଣେ ଭାରତୀୟ ନାଗରିକ ପ୍ରାଣ ହରାଇଥିବା ବେଳେ ଅନ୍ୟ ୩ ଜଣ ଆହତ ହୋଇଛନ୍ତି। ଘଟଣାରେ ନେପାଳ ସୀମା ପୋଲିସ ଜଣେ ଭାରତୀୟ ନାଗରିକଙ୍କୁ ଗିରଫ ମଧ୍ୟ କରିଥିବା ଜଣାପଡିଛି।  

ଏହାକୁ ଏକ ସ୍ଥାନୀୟ ଘଟଣା ବୋଲି କହିଛନ୍ତି ଏସଏସବି ଡିଜି କୁମାର ରାଜେଶ ଚନ୍ଦ୍ର। ତେବେ ଘଟଣା ନେପାଳ ସୀମା ଅନ୍ତର୍ଗତ ସରଲାହୀରେ ହୋଇଛି। ସୀତାମଢି ଜିଲ୍ଲା ଜାନକୀ ନଗରର ଲଗନ ଯାଦବଙ୍କ ବୋହୂ ନେପାଳ ସୀମାବର୍ତ୍ତି ସରଲାହୀର। ଦୁଇ ଦେଶଙ୍କ ସୀମା ଏଠାରେ ଲୋକଙ୍କୁ ପୃଥକ କରିପାରିନାହିଁ। ଏଣୁ ଉଭୟ ପଟର ଲୋକଙ୍କ ପାରିବାରିକ ସମ୍ପର୍କ ଥିବା ବେଳେ ସେମାନେ ଅନାୟସରେ ଯା ଆସ ବି କରିପାରୁଛନ୍ତି।

ତେବେ ଶୁକ୍ରବାର ପୂର୍ବାହ୍ନରେ ସୀମା ସୁରକ୍ଷା ବଳ ଜବାନମାନେ ଅଞ୍ଚଳରେ ଲଗନ ଯାଦବଙ୍କ ବୋହୂଙ୍କ ଉପସ୍ଥିତିକୁ ନେଇ ଆପତ୍ତି କରିଥିଲେ। ଏଥିରେ ସ୍ଥାନୀୟ ଲୋକେ ଅସନ୍ତୋଷ ପ୍ରକାଶ କରିବା ସହ ଏକଜୁଟ୍ ହୋଇଯିବାରୁ ଏପିଏଫ ଜବାନ ଗୁଳି ଚାଳନା କରିଥିଲେ। ଫଳରେ ୨୨ ବର୍ଷ ବୟସ୍କ ବିକାଶ ଯାଦବର ପେଟରେ ଗୁଳି ବାଜିବାରୁ ଘଟଣା ସ୍ଥଳରେ ତାର ମୃତ୍ୟୁ ହୋଇଥିଲା। ଏହି ଗୁଳିକାଣ୍ଡରେ ଅନ୍ୟ ୨ ଜଣ ୨୪ବର୍ଷ ବୟସ୍କ ଉଦୟ ଠାକୁର ଓ ୧୮ ବର୍ଷ ବୟସ୍କ ଉମେଶ ରାମ ଗୁରୁତର ଆହତ ହୋଇଥିଲେ। ଆହତ ୨ ଜଣଙ୍କୁ ଚିକିତ୍ସା ଲାଗି ପାଟନା ଅଣାଯାଇଥିବା ବେଲେ ଏପିଏଫ ଲଗନ ଯାଦବଙ୍କୁ ଗିରଫ କରିଛି।

ଏପିଏଫ ଲୋକଙ୍କୁ ଘଉଡାଇବାକୁ ପ୍ରଥମେ ଫାଙ୍କା ଗୁଳିଚାଳନା କରିଥିଲା ବୋଲି କହିଛି। ତେବେ ଉତ୍ତେଜିତ ଲୋକେ ଜବାନଙ୍କ ଠାରୁ ହତିୟାର ଛଡାଇବାକୁ ଉଦ୍ୟମ କରିବାରୁ ସେମାନଙ୍କ ଉପରକୁ ଗୁଳି ଚଳାଇବାକୁ ବାଧ୍ୟ ହୋଇଥିଲା। ଏହି ଘଟଣା ସୀମା ଖମ୍ବ ସଂଖ୍ୟା ୩୧୯ରେ ଘଟିଛି। ଏହି ଅଞ୍ଚଳର ସୁରକ୍ଷା ଦାୟିତ୍ୱ ଭାରତର ୫୧ ଏସଏସବି ବଟାଲିୟନ ହାତରେ ରହିଛି। ମାମଲା ପରେ ଏସଏସବି ସ୍ଥାନୀୟ କମାଣ୍ଡର ନେପାଳର ସମକକ୍ଷ ଅଧିକାରୀଙ୍କ ସହ ସମ୍ପର୍କରେ ଥିବା ପାଟନା ଫ୍ରଣ୍ଟିୟର ଆଇଜି ସଞ୍ଜୟ କୁମାର କହିଛନ୍ତି।  ପରିସ୍ଥିତି ଏବେ ଶାନ୍ତିପୂର୍ଣ୍ଣ ରହିଛି।

   Related Posts