ଲକ୍ଷ୍ନୌ ୨୦/୬: ସପ୍ତାହାନ୍ତ ଲକଡାଉନ୍ ସମୟରେ ମନ୍ଦିରରେ ସଧାରଣ ଦର୍ଶନ ବନ୍ଦ ଥିବା ବେଳେ ଜିଲ୍ଲାପାଳ ଏବଂ ପରିବାରଙ୍କ ପାଇଁ ନିୟମ ନାହିଁ । ଏମିତି ଏକ ଘଟଣା ବିନ୍ଧ୍ୟାଚଳରେ ଥିବା ମା ବିନ୍ଧ୍ୟାବାସିନୀ ମନ୍ଦିରରେ ଦେଖିବାକୁ ମିଳିଛି। ରବିବାର ପୋଲିସ ଏବଂ ପୁରୋହିତଙ୍କ ମଧ୍ୟରେ ସଂଘର୍ଷ ମଧ୍ୟ ହୋଇଛି। ପୋଲିସ ଅମିତାଭ ବଚ୍ଚନଙ୍କ ପରିବାରର ପୁରୋହିତଙ୍କୁ ନିର୍ଧୁମ ମାଡ଼ ମାରିଥିବା ନେଇ ଭିଡିଓ ଭାଇରାଲ ହୋଇଛି।
ଓ୍ବିକେଣ୍ଡ ଲକ୍ଡାଉନ୍ରେ ପଡ଼ୋଶୀ ଜିଲ୍ଲାର ଡିଏମ ଏବଂ ପରିବାର ମନ୍ଦିରରେ ଦର୍ଶନ କରିଥିଲେ। ଏଥିରେ ପୋଲିସ ମଧ୍ୟ ସହଯୋଗ କରିଥିଲା। ଏହା ଦେଖିବା ପରେ ପୁରୋହିତ ନିଜ ଯଜମାନଙ୍କୁ ମଧ୍ୟ ମନ୍ଦିରରେ ପ୍ରବେଶ କରାଇଥିଲେ। ଏହାକୁ ନେଇ ସେଠାରେ ଉପସ୍ଥିତ ପୋଲିସ ପୁରୋହିତଙ୍କୁ ଘେରିଯାଇ ଗୋଇଠା ବିଧା ମାରିଥିଲେ। ଯାହାର ଏକ ଭିଡିଓ ଏବେ ଭାଇରାଲ୍ ହେଉଛି।
ରାଜ୍ୟ ସରକାରଙ୍କ ଗାଇଡ୍ଲାଇନ୍ ଅନୁସାରେ ଶନିବାର ଏବଂ ରବିବାର ମା ବିନ୍ଧ୍ୟାବାସିନୀଙ୍କ ମନ୍ଦିରରେ ସାଧାରଣ ଦର୍ଶନ ବନ୍ଦ ରହିଛି । କେବଳ ମନ୍ଦିର ପୁରୋହିତ ପୂଜା ପାଠ ପାଇଁ ପ୍ରବେଶ କରୁଛନ୍ତି। କିନ୍ତୁ ରବିବାର ସକାଳ ୧୧ଟାରେ ଚନ୍ଦୌଲୀର ଡିଏମଙ୍କ ପରିବାରକୁ ପୋଲିସ ମନ୍ଦିରରେ ପ୍ରବେଶ ପାଇଁ ଛାଡ଼ିଥିଲା। ଏହା ପରେ ତୀର୍ଥ ପୁରୋହିତ ଅମିତ ପାଣ୍ଡେୟ ନିଜର ଯଜମାନଙ୍କୁ ମାଙ୍କ ଦର୍ଶନ କରାଇବାକୁ ଭିତରକୁ ପ୍ରବେଶ କରାଇଥିଲେ। ଏହାକୁ ନେଇ ପୁରୋହିତ ଏବଂ ପୋଲିସ କର୍ମୀଙ୍କ ମଧ୍ୟରେ ବିବାଦ ଆରମ୍ଭ ହୋଇଥିଲା। ପରେ ପୁରୋହିତଙ୍କୁ ଘେରି ପୋଲିସ ମାଡ଼ ମାରିଥିଲା।
wp:embed {"url":"https://twitter.com/Live_Hindustan/status/1406574719374037003","type":"rich","providerNameSlug":"twitter","responsive":true,"className":""} /wp:embedଏହାକୁ ନେଇ ପଣ୍ଡା ସମାଜର ପୂର୍ବତନ ଅଧ୍ୟକ୍ଷ ରାଜନ ପାଠକ ଘୋର ନିନ୍ଦା କରିଛନ୍ତି। ମନ୍ଦିରରେ ସମସ୍ତ ଦର୍ଶନାର୍ଥୀ ସମାନ। କାହା ସହିତ ଭେଦଭାବ ନହେବା ଉଚିତ ବୋଲି ସେ କହିଛନ୍ତି। ଅମିତ ପାଣ୍ଡେୟ ବଚ୍ଚନ ପରିବାର ସମେତ କଂଗ୍ରେସର ଗାନ୍ଧୀ ପରିବାରର ପୁରୋହିତ। ଗତବର୍ଷ ପ୍ରିୟଙ୍କା ଗାନ୍ଧୀଙ୍କୁ ଅମିତଙ୍କ ପରିବାର ସଦସ୍ୟ ଦର୍ଶନ ଏବଂ ପୂଜନ କରାଇଥିଲେ ।