Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଳାହାଣ୍ଡି : ମମିତା ମେହେର ହତ୍ୟା ଘଟଣା : ମହାଲିଙ୍ଗ୍ ଷ୍ଟାଡିୟମ୍‌ରେ ଅନୁଧ୍ୟାନ କଲେ ମହିଳା କମିଶନ ଅଧ୍ୟକ୍ଷା
  • ||
  • ଭୁବନେଶ୍ବର : ପୁରୀ ନୀଳାଚଳ ହୋଟେଲ ବିକ୍ରି ପାଇଁ ଚାଲିଥିଲା ଯୋଜନା, ୫୦ଲକ୍ଷ ଟଙ୍କା ହେରଫେର ଅଭିଯୋଗରେ ଜଣେ ଗିରଫ
  • ||
  • ଭୁବନେଶ୍ବର : ଶସ୍ତା ରାଜନୀତି କରୁଛି ବିଜେପି, ମମିତା ମେହେର ପ୍ରସଙ୍ଗକୁ ରାଜନୀତିର ରୂପ ଦିଆଯାଉଛି : ବିଜେଡି
  • ||
  • ଭଦ୍ରକ : ଏକତରଫା ପ୍ରେମ : ନାବାଳିକା ଯାଉଥିବା ବାଇକ୍‌କୁ ଗୋଇଠା ମାରି ଗଡାଇଦେଲେ ଯୁବକ, ଏସ୍‌ପିଙ୍କ ଦ୍ବାରସ୍ଥ ହେଲେ ମା’
  • ||
  • ବାରଙ୍ଗ : ନନ୍ଦନକାନନରେ ବିରଳ ହିମାଳୟ ଅଣ୍ଡିରା ଭାଲୁ ‘ମୋତି’ର ମୃତ୍ୟୁ, ୫କୁ ଖସିଲା ସଂଖ୍ୟା
  • ||
  • ଫୁଲବାଣୀ : କନ୍ଧମାଳକୁ ଛୁଇଁଲା ପହିଲି ଶୀତ, କୁହୁଡି ଚାଦରରେ ଢାଙ୍କି ହେଲାଣି ସହର
  • ||
  • କେନ୍ଦୁଝର : ଶିଶୁ କନ୍ୟାର ଉଲଗ୍ନ ମୃତଦେହ ଉଦ୍ଧାର, ବୁଧବାରଠୁ ଝୁମର ନାଚ ଦେଖିବାକୁ ଯାଇ ନିଖୋଜ ଥିଲେ
  • ||
  • ପାକିସ୍ତାନ ବିପକ୍ଷରେ ଭାରତ ଫେଭରେଟ୍, ବିଜୟ ସମ୍ଭାବନା ଅଧିକ : ଅନୁମାନ ଲଗାଇଲେ ମହମ୍ମଦ ଅମିର
  • ||
  • କଣ୍ଟାବାଞ୍ଜି : ଝରଣୀ ଗାଁରେ ମମିତା ମେହେରଙ୍କ ପରିବାରକୁ ଭେଟିଲେ ରାଜ୍ୟ ମହିଳା ଆୟୋଗ ଅଧ୍ୟକ୍ଷାଙ୍କ ସହ ୪ଜଣିଆ ଟିମ୍
  • ||
  • ପନିପରିବା ଖାଇଦେଉଛନ୍ତି ବାର୍‌ହା, ଚିନ୍ତାରେ ଚାଷୀ
  • ||

ଏବର୍ଷ ଖରା ଆହୁରି କଷ୍ଟ ଦେବ, ତାପମାତ୍ରା ସାଧାରଣଠାରୁ ୧.୫ଡିଗ୍ରି ଅଧିକ ହେବ

20/02/2020 at 2:32 PM

ନୂଆଦିଲ୍ଲୀ ୨୦।୨: ଚଳିତ ବର୍ଷ ଡହଳ ବିକଳ କରିବ ତାତି । ଗ୍ଲୋବାଲ ଓ୍ବାର୍ମିଂ ଏବଂ ପାଣିପାଗ ଚକ୍ରରେ ପରିବର୍ତ୍ତନ ଯୋଗୁଁ ଚଳିତ ବର୍ଷ ପାରଦ ସାମାନ୍ୟରୁ ୧.୫ ଡିଗ୍ରି ଅଧିକ ବଢିପାରେ । ଭାରତୀୟ ପାଣିପାଗ ବିଜ୍ଞାନ କେନ୍ଦ୍ର ପୂର୍ବାନୁମାନ ଅନୁସାରେ ଚଳିତ ବର୍ଷ ମେ ଏବଂ ଜୁନ୍ ମାସରେ ପାରଦ ୪୫ ଡିଗ୍ରି ପର୍ଯ୍ୟନ୍ତ ପହଞ୍ଚିପାରେ ।

ସେହିଭଳି ମାର୍ଚ୍ଚ ଏବଂ ଅପ୍ରେଲ ମାସରେ ଦେଶର ଅଧିକାଂଶ ଅଞ୍ଚଳ ବିଶେଷକରି ଉତ୍ତର ଏବଂ ମଧ୍ୟ ଭାରତରେ ତାପମାତ୍ରା ସାମାନ୍ୟରୁ ଅଧିକ ରହିପାରେ । ପାଣିପାଗ ବିଭାଗ ଅନୁସାରେ ଅପ୍ରେଲରେ ଦିଲ୍ଲୀ, ହରିୟାଣା, ଚଣ୍ଡିଗଡ, ଉତ୍ତର ପ୍ରଦେଶ, ମଧ୍ୟ ପ୍ରଦେଶ, ରାଜସ୍ଥାନ ଏବଂ ମହାରାଷ୍ଟ୍ରର ଅଧିକାଂଶ ଅଞ୍ଚଳରେ ତାପମାତ୍ରା ୧ରୁ ୧.୫ ଡିଗ୍ରି ସେଲସିୟସରୁ ଅଧିକ ରହିବ ।

ଫେବୃଆରୀରେ ମହାରାଷ୍ଟ୍ର ଏବଂ ଦକ୍ଷିଣ ଭାରତର ରାଜ୍ୟରେ ତାତି ବଢିବା ଆରମ୍ଭ ହୋଇସାରିଲାଣି । କିଛି ଅଞ୍ଚଳରେ ସର୍ବାଧିକ ତାପମାତ୍ରା ୩୨ରୁ ୩୫ ଡିଗ୍ରୀ ପର୍ଯ୍ୟନ୍ତ ରେକର୍ଡ କରାଯାଇଛି । ଆସନ୍ତା ଦୁଇ ମାସ ମଧ୍ୟରେ ତାପମାତ୍ରା ଆହୁରି ବଢିବ । ସେହିଭଳି ମାର୍ଚ୍ଚରେ ମହାରାଷ୍ଟ୍ର, ଗୁଜରାଟ, ରାଜସ୍ଥାନ ଏବଂ ଦକ୍ଷିଣ ଭାରତର ଆନ୍ଧ୍ରପ୍ରଦେଶ, କର୍ଣ୍ଣାଟକ ଏବଂ ତାମିଲନାଡୁରେ ତାପମାତ୍ରା ୦.୫ରୁ ୧ ଡିଗ୍ରି ସେଲସିୟସ ଅଧିକ ରହିବା ନେଇ ସମ୍ଭାବନା ରହିଛି ।

ପାଣିପାଗ ବିଭାଗର ଅଧିକାରୀଙ୍କ ମୁତାବିକ ସମସ୍ତ ପୂର୍ବାନୁମାନ ଗ୍ଲୋବାଲ ଓ୍ବାର୍ମିଂକୁ ଦେଖି କରାଯାଇଥାଏ । ଏବେ ତାପମାତ୍ରାକୁ ସାମାନ୍ୟରୁ ଅଧିକ ବଢାଉଥିବା କାରକ ଏଲ ନିନୋର ଉପସ୍ଥିତି ଜଣାପଡୁନାହିଁ । ମାତ୍ର ଗତ ବର୍ଷ ଜୁନ୍ ପର୍ଯ୍ୟନ୍ତ ଏସ ନିନୋ ସକ୍ରିୟ ଥିଲା । ଏହାର ପ୍ରଭାବ ଚଳିତ ବର୍ଷ ମଧ୍ୟ ଦେଖିବାକୁ ମିଳିପାରେ । ଏହା ଯୋଗୁଁ ତାପମାତ୍ରା ସାମାନ୍ୟରୁ ଅଧିକ ରହିବ ।

ପାଣିପାଗ ବିଭାଗର ପୂର୍ବାନୁମାନ ଅନୁଯାୟୀ ୨୦୨୦ରୁ ୨୦୬୪ ପର୍ଯ୍ୟନ୍ତ ତାତି ଏବଂ ଲୁ ବୃଦ୍ଧି ହେବା ଜାରି ରହିବ । ଏହା ଗ୍ଲୋବାଲ ଓ୍ବାର୍ମିଂ କାରଣରୁ ହିଁ ହେଉଛି ।

   Related Posts