Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଡ୍ରଗ୍ସ ଲିଙ୍କ୍ ମାମଲାରେ NCBରେ ହାଜର ହେଲେ ଅନନ୍ୟା ପାଣ୍ଡେ, ଆର୍ଯ୍ୟନ ସହ ହ୍ବାଟସଆପ୍‌ ଚାଟ୍‌କୁ ନେଇ ମାରାଥନ୍‌ ଜେରା
  • ||
  • ଭୁବନେଶ୍ୱର : STF ପଞ୍ଝାରେ ବ୍ରାଉନସୁଗାର ବେପାରୀ, ୧କୋଟିରୁ ଅଧିକ ଟଙ୍କାର ଧଳାଜହର ଜବତ
  • ||
  • କଳାହାଣ୍ଡି : ମହାଲିଙ୍ଗ୍ ସନସାଇନ୍ ପବ୍ଲିକ୍ ସ୍କୁଲରେ ପ୍ରଶାସନର ତଦନ୍ତ, କାଗଜପତ୍ର ଯାଞ୍ଚ ସହ ଆୟବ୍ୟୟ ଅଟକଳର ଚାଲିଛି ଖୋଳତାଡ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୨ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୫୨୪ କୋଭିଡ୍ ପଜିଟିଭ୍
  • ||
  • ଟି୨୦ ବିଶ୍ୱକପ : ସୁପର-୧୨ରେ ଶ୍ରୀଲଙ୍କା, ୭୦ରନରେ ଆୟରଲ୍ୟାଣ୍ଡକୁ ଦେଲା ମାତ୍
  • ||
  • +୩ରେ ଲକ୍ଷେ ସିଟ୍ ଖାଲି, ଗୁରୁବାର ସ୍ପଟ୍ ଆଡମିଶନ ପାଇଁ ଆବେଦନ
  • ||
  • ରାଜ୍ୟରେ ଖରାଟିଆ ପାଗ, ୨୩ ସୁଦ୍ଧା ଫେରିଯିବ ମୌସୁମୀ
  • ||
  • ରାଜଧାନୀରେ ରହିବନି ମୁକୁଳା ଡ୍ରେନ୍ : ଦୁଇ ପାର୍ଶ୍ୱରେ ଲାଗିବ ତାରଜାଲି, ସମ୍ପ୍ରସାରଣ ହେବ ସଙ୍କୁଚିତ ନାଳ
  • ||

ଆସନ୍ତା ମାସରେ ଭାରତରେ ଆରମ୍ଭ ହୋଇପାରେ 5G ଟ୍ରାଏଲ : ଚୀନ କମ୍ପାନୀକୁ ନୋ ଏଣ୍ଟ୍ରି

16/08/2020 at 3:06 PM

ନୂଆଦିଲ୍ଲୀ ୧୬/୦୮ : ଦେଶରେ ଟେଲିକମ ସେକ୍ଟରକୁ ନୂଆ ଦିଗ ଆଡକୁ ଆଗକୁ ବଢାଇବାକୁ 5G ସେବା ଉପରେ କାମ ଚାଲିଛି | ଆସନ୍ତା ମାସରେ ଅର୍ଥାତ ସେପ୍ଟେମ୍ବର ମାସରେ 5G ଟ୍ରାଏଲ ଆରମ୍ଭ ହୋଇପାରେ ବୋଲି କୁହାଯାଉଛି | ଏଥିପାଇଁ ଦୂର ସଞ୍ଚାର ବିଭାଗ କମ୍ପାନୀଗୁଡିକର ସ୍ପେକଟ୍ରମ ଉପଲବ୍ଧ କରାଇବାକୁ ବିଚାର କରାଯାଉଛି ଯେପରିକି ଏହାର ଟ୍ରାଏଲ କରାଯାଇପାରିବ | ତେବେ ସ୍ପେକଟ୍ରମ ନିଲାମୀ ଏବେ ହେବନାହିଁ |

ବିଜନେସ ଚାନେଲ ସିଏନବିସି ଟିଭି ୧୮ର ରିପୋର୍ଟ ଅନୁଯାୟୀ, ଦୂରସଞ୍ଚାର ବିଭାଗ ଦେଶରେ ଏହି ସେବା ଆରମ୍ଭ କରିବା ପୂର୍ବରୁ ଏହାର ଭଲ ଭାବେ ଟ୍ରାଏଲ କରିବା ଆବଶ୍ୟକ | ରିପୋର୍ଟରେ ଜଣେ ଅଧିକାରୀଙ୍କ ଉଦ୍ଦେଶ୍ୟରେ ଦାବି କରାଯାଇଛି ଯେ କମ୍ପାନୀଗୁଡିକୁ ଅତିକମରେ ୬ ମାସ ପର୍ଯ୍ୟନ୍ତ 5G ଡିଭାଇସ ଓ ସ୍ପେକଟ୍ରମ ଟ୍ରାଏଲ କରିବାକୁ ହେବ | ରିପୋର୍ଟ ଅନୁଯାୟୀ, ଯଦି ଏହି ଟ୍ରାଏଲ ସଫଳ ହୁଏ ତାହେଲେ ଆସନ୍ତା ବର୍ଷ 5G ସ୍ପେକଟ୍ରମ ନିଲାମୀ ଉପରେ ସରକାର ବିଚାର କରିବେ | 5G ଆସିବାପରେ ଦେଶରେ ଇଣ୍ଟରନେଟ ସ୍ପିଡ଼ ଆହୁରି ବଢିବ ଏବଂ ଲୋକଙ୍କ ଇଣ୍ଟରନେଟ ବ୍ୟବହାର କରିବାକୁ ଆହୁରି ସୁବିଧା ହେବ ଏବଂ ଏହାର ଅନୁଭବ ମଧ୍ୟ ଭଲ ରହିବ |

ଦେଶରେ ବର୍ତ୍ତମାନ 4G ସେବା ଚାଲୁଚି | ୨୦୧୨ ମସିହାରେ ବ୍ରଡ଼ବ୍ରାଣ୍ଡ ଭାବେ 4G ସେବା ଆରମ୍ଭ ହୋଇଥିଲା | ୨୦୧୪ ମସିହାରେ ଏୟାରଟେଲ 4G ମୋବାଇଲ ସେବା ଆରମ୍ଭ କରିଥିଲା | ଏହାପରେ ଧୀରେ ଧୀରେ ସମସ୍ତ ପ୍ରମୁଖ କମ୍ପାନୀ 4G ସେବା ଆରମ୍ଭ କରିଥିଲେ |

ରିପୋର୍ଟରେ କୁହାଯାଇଛି ଯେ, ଏହି ଟ୍ରାଏଲ ପାଇଁ ଚୀନ କମ୍ପାନୀଗୁଡିକୁ ଏଣ୍ଟ୍ରି ଦିଆଯିବ ନାହିଁ | ଚୀନ କମ୍ପାନୀ 5G ସେବା ଟ୍ରାଏଲ କିମ୍ବା ନିଲାମୀରେ ସାମିଲ ହୋଇପାରିବେ ନାହିଁ ବୋଲି ଟେଲିକମ ବିଭାଗ ପରାମର୍ଶ ଦେଇଛି | ଟେଲିକମ ବିଭାଗ ଅଧିକାରୀଙ୍କ ଅନୁଯାୟୀ, ଟ୍ରାଏଲରେ ସାମିଲ ହେବ ପାଇଁ ନୋକିଆ, ସାମସଙ୍ଗ, ଏରିକ୍ସନ୍ କୁ ଅନୁମତି ମିଳିଛି | ଏହିସବୁ କମ୍ପାନୀର ଡିଭାଇସରେ ସର୍ବ ପ୍ରଥମେ 5G ସେବା ଟ୍ରାଏଲ କରାଯିବ |

   Related Posts