Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦିଲ୍ଲୀ: କରୋନା ଟିକା ନେବା ପରେ ୫୧ ଜଣଙ୍କ ଠାରେ ଦେଖାଗଲା ପାର୍ଶ୍ବ ପ୍ରତିକ୍ରିୟା
  • ||
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୮୯୯ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଆରମ୍ଭ ହେଲା କୋଭିଡ୍ ଟିକାକରଣ, ୧୬୧ କେନ୍ଦ୍ରରେ ଚାଲିଛି ଟିକାଦାନ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୭୮ କୋଭିଡ୍ ସଂକ୍ରମିତ, ୩୩୩୧୨୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଦେଶରେ ଖସୁଛି କରୋନା ଗ୍ରାଫ୍, ଗତ ୨୪ଘଣ୍ଟାରେ ୧୫୧୫୮ କୋଭିଡ଼ ସଂକ୍ରମିତ ଚିହ୍ନଟ
  • ||
  • ଘାଟିରେ ଦୁର୍ଘଟଣା : ଟ୍ରକକୁ ସାମ୍ନା ପଟୁ ପିଟିଲା ବାଇକ୍‌, ଚାଲିଗଲା ଶଳା-ଭିଣୋଇଙ୍କ ଜୀବନ
  • ||
  • ବୈଠକ ପରେ ବୈଠକ କିନ୍ତୁ ଫଳ ଶୂନ ! ୧୯’ରେ ପୁଣି ଚାଷୀ-ସରକାର ଆଲୋଚନା
  • ||
  • ବରଗଡ଼: ବ୍ୟବସାୟୀଙ୍କ ଘରୁ ଲକ୍ଷାଧିକ ଟଙ୍କାର ସୁନା-ଗହଣା ଲୁଟ, ୩ ଲୁଟେରା ଗିରଫ
  • ||

ଭାଙ୍ଗିଯିବ କି ନୀତିଶ କୁମାରଙ୍କ ସରକାର ? କାର୍ଯ୍ୟକର୍ତ୍ତାଙ୍କୁ ତେଜସ୍ବୀଙ୍କ ଆହ୍ବାନ, କହିଲେ- ମଧ୍ୟବର୍ତ୍ତୀ ନିର୍ବାଚନ ପାଇଁ ପ୍ରସ୍ତୁତ ରୁହ

21/12/2020 at 10:32 PM

ପାଟନା ୨୧/୧୨: ଆରଜେଡି ବିଧାନସଭା ନିର୍ବାଚନ ହାରିବା ପରେ ବି ସରକାର ଗଢ଼ିବାର ନିଶା ଛାଡ଼ିନି। ନିର୍ବାଚନ ପରେ ଦଳର ପ୍ରଥମ ବୈଠକରେ ବିରୋଧୀ ଦଳ ନେତା ତେଜସ୍ବୀ ଯାଦବ କର୍ମୀମାନଙ୍କୁ କହିଛନ୍ତି ସଜାଗ ରୁହ ମଧ୍ୟବର୍ତ୍ତୀକାଳୀନ ନିର୍ବାଚନ ହେବ। ଜନତା ମହାମେଣ୍ଟ ସପକ୍ଷରେ ଭୋଟ ଦେଇଛନ୍ତି କିନ୍ତୁ ଯେକୌଣସି ପ୍ରକାରେ କାଟି ଜୁଡ଼ି ସରକାର ଗଠନ ହୋଇଛି। ଏହା ସହ ମକର ସଂକ୍ରାନ୍ତି ପରେ ଧନ୍ୟବାଦ ଯାତ୍ରା ଆରମ୍ଭ କରିବେ ବୋଲି ତେଜସ୍ବୀ ବୈଠକରେ କହିଥିବା ଜଣାପଡ଼ିଛି।

ସମସ୍ତ ପ୍ରାର୍ଥୀ ଓ ଜିଲାଧ୍ୟକ୍ଷଙ୍କୁ ହାରିବାର କାରଣ ପଚରା ଯାଇଛି। ଏବେ ପୂର୍ବ ଭଳି ସ୍ଥିତି ନାହିଁ। ପାର୍ଟିରେ ଅନ୍ତର୍ଘାତ କରୁଥିବା ଲୋକଙ୍କୁ ନିସ୍ତାର ନାହିଁ ବୋଲି ତେଜସ୍ବୀ ଚେତାବନୀ ଦେଇଛନ୍ତି। ରାଜ୍ୟ ମୁଖ୍ୟ ଜଗଦାନନ୍ଦ ସିଂହଙ୍କ ଅଧ୍ୟକ୍ଷତାରେ ପାର୍ଟି କାର୍ଯ୍ୟାଳୟରେ ବସିଥିବା ବୈଠକରେ ତେଜସ୍ବୀ ଯାଦବ କହିଛନ୍ତି, ବିପରୀତ ପରିସ୍ଥିତିରେ ବି ରାଜଦ ବଡ଼ ପାର୍ଟି ଭାବେ ପରିଚୟ ପାଇଛି। ସବୁ ବର୍ଗର ଭୋଟ୍‌ ପାର୍ଟିକୁ ମିଳିଛି। ନିର୍ବାଚନ ଫଳାଫଳ ଆହୁରି ବି ଭଲ ହୋଇଥାନ୍ତା ଯଦି କିଛି ଲୋକ ବିଶ୍ବାସଘାତକତା କରିନଥାନ୍ତେ। ପାର୍ଟିରେ ରହି ବି ମହାମେଣ୍ଟ ସପକ୍ଷରେ କିଛି ଲୋକ କାର୍ଯ୍ୟ କରୁଥିଲେ ବୋଲି ଅଭିଯୋଗ କରିଛନ୍ତି ତେଜସ୍ବୀ।

ଏହା ସହ ଆରଜେଡି ଭାଗରେ ୧୪୪ ସିଟ୍‌ ଥିଲା । ତେଣୁ ଏହାଠୁ ଅଧିକ ସିଟ୍‌ରେ ପ୍ରାର୍ଥୀ ଦେବା ସମ୍ଭବ ନୁହେଁ। କିନ୍ତୁ ଯେଉଁମାନେ ଗଡ଼ବଡ଼ କରିଛନ୍ତି  ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯିବ। ଜିତିଥିବା ଓ ହାରିଥିବା ପ୍ରାର୍ଥୀ ନିଜ ନିର୍ବାଚନ ମଣ୍ଡଳୀର ଲୋକଙ୍କ ସହ ସମ୍ପର୍କରେ ରହିବାକୁ କହିଛନ୍ତି ତେଜସ୍ବୀ। ଏହା ସହ ଏବେ ରାଜ୍ୟରେ ଯେଉଁଭଳି ସ୍ଥିତି ଲାଗି ରହିଛି ୨୦୨୧ରେ ମଧ୍ୟବର୍ତ୍ତୀକାଳୀନ ନିର୍ବାଚନ ହୋଇପାରେ ବୋଲି ସେ କହିଛନ୍ତି।

   Related Posts