Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗୁଜୁରାଟରେ ଓମିକ୍ରନ ଗଞ୍ଜାମକୁ ବିପଦ : ବଢିବ ସଂକ୍ରମଣ ! ସତର୍କ କଲା ପ୍ରଶାସନ
  • ||
  • ଡ୍ରାଇଭରଙ୍କୁ ମାଗିଲେ ଲାଞ୍ଚ, ନଦେବାରୁ ଆକ୍ରମଣ କରି କଲେ ଲହୁଲୁହାଣ
  • ||
  • ଆଉ ବର୍ଷା ନାହିଁ, ବଦଳିବ ପାଗ : ୧୧ରୁ କମିଯିବ ଶୀତ
  • ||
  • ଆସୁଛନ୍ତି ପୁଟିନ : ମୋଦୀଙ୍କୁ ଭେଟିବେ, ବହୁ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉପରେ ହେବ ଆଲୋଚନା
  • ||

ରାଲି​‌ରେ ନିଜ ପ୍ରାର୍ଥୀଙ୍କ ନାଁ ଭୁଲ୍‌ କହିଦେଲେ ତେଜସ୍ବୀ, ଉପସ୍ଥିତ ଜନତା ଦେଲେ ଏହି ଉତ୍ତର

30/10/2020 at 4:34 PM

ପାଟଣା ୩୦/୧୦: ବିହାର ନିର୍ବାଚନ ପାଇଁ କମ୍ପୁଛି ପ୍ରଚାର ମୈଦାନ। ଦ୍ବିତୀୟ ଚରଣ ମତଦାନ ପୂର୍ବରୁ ପ୍ରତି ଦଳର ହେଭିଓ୍ବେଟ୍‌ ନେତା ଜୋରଦାର ପ୍ରଚାର କରୁଛନ୍ତି। କିନ୍ତୁ ନିଜ ଦଳର ପ୍ରାର୍ଥୀଙ୍କ ନାଁ ଭୁଲିଯାଉଛନ୍ତି ନେତା। ଆରଜେଡି ନେତା ତେଜସ୍ବୀ ଯାଦବ ଗୋଟିଏ ରାଲିରେ ନିଜ ପ୍ରାର୍ଥୀଙ୍କ ନାଁ ଭୁଲ କହିଦେଇଥିଲେ। ଆରଜେଡି ନେତା ଜେଜ୍ବସୀଙ୍କ ଏହି ଭୁଲକୁ ଉପସ୍ଥିତ ଜନତା ସହଜରେ ଗ୍ରହଣ କରିପାରି ନଥିଲେ। ସଂଗେସଂଗେ  ପ୍ରାର୍ଥୀଙ୍କ ଠିକ୍‌ ନାଁ କହିଥିଲେ ଲୋକେ।

ସମସ୍ତିପୁରର ବିଭୂତିପୁରରେ ରାଲି କରୁଥିବା ବେଳେ ସେଠାକାର ମହାମେଣ୍ଟ ପ୍ରାର୍ଥୀ ଅଜୟ କୁମାରଙ୍କ ନାଁ ଭୁଲି ବାରମ୍ବାର ଅମିତ କୁମାର ଉଚ୍ଚାରଣ କରିଥିଲେ ତେଜସ୍ବୀ। ଲୋକଙ୍କୁ ସମ୍ବୋଧିକ କରି ଅମିତ କୁମାରଙ୍କୁ ଭୋଟ ଦେବାକୁ କହିଥିଲେ ତେଜସ୍ବୀ। ତେଜସ୍ବୀ ଯେମିତି ଭୁଲ ନାଁ କହିଛନ୍ତି ଭିଡ଼ ଭିତରୁ ଆଓ୍ବାଜ ଆସିଲା ଅମିତ କୁମାର ନୁହେଁ ଅଜୟ କୁମାର। ନେତାଙ୍କୁ ପାଠ ପଢ଼ାଇଦେଲେ ଉପସ୍ଥିତ ଜନତା। ପରେ ପରେ ତେଜସ୍ବୀ ନିଜର ଭୁଲକୁ ବୁଝିପାରି ଠିକ୍‌ ନାଁ ଉଚ୍ଚାରଣ କରିଥିଲେ। ତେବେ ବିଭୂତିପୁରରେ ମହାମେଣ୍ଟ ପ୍ରାର୍ଥୀ ସିପିଆଇ(ଏମ)ର ଅଜୟ କୁମାର ଲଢ଼ୁଛନ୍ତି।

ତେବେ ଏହି ରାଲିରୁ ତେଜସ୍ବୀ ବିହାର ମୁଖ୍ୟମନ୍ତ୍ରୀ ନୀତିଶ କୁମାରଙ୍କୁ ଟାର୍ଗେଟ କରିବାକୁ ଭୁଲିନଥିଲେ। ଯଦି ମହାମେଣ୍ଟ ବିହାରରେ ସରକାର କରେ ତେବେ ପାଠ, ଔଷଧ, ଜଳ ସେଚନ ଓ ରୋଜଗାର ଉପରେ କାର୍ଯ୍ୟ କରିବ। ଆଜି ବିହାରରେ ସବୁଠୁ ବଡ଼ ପ୍ରସଙ୍ଗ ବେରୋଜଗାର ବୋଲି କହିଥିଲେ ତେଜସ୍ବୀ ଯାଦବ।

   Related Posts