Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୨ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୬କୁ ବୃଦ୍ଧି
  • ||
  • ଭୁବନେଶ୍ବର : ୪ ଦିନିଆ ରିମାଣ୍ଡରେ ଯିବେ ୨ କଣ୍ଟ୍ରାକ୍ଟ କିଲର, ଏସଡିଜେଏମ୍ କୋର୍ଟ ଦେଲେ ଅନୁମତି
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୧୯୫ ମୃତ
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୨୫୫ କରୋନା ସଂକ୍ରମିତ, ୧୦୫୦୭୬୦ରେ ପହଞ୍ଚିଲା ସଂଖ୍ୟା
  • ||
  • ସୁନ୍ଦରଗଡ : ସ୍ୱାମୀ ସାଜିଲା ସୈତାନ୍, କୁରାଢି ଚୋଟରେ ନେଇଗଲା ସ୍ତ୍ରୀର ଜୀବନ
  • ||
  • ୬ ଦିନିଆ ରିମାଣ୍ଡରେ ଆସିବ ଠକ ପ୍ରଜ୍ଞା, ଅନୁମତି ଦେଲେ ଭୁବନେଶ୍ୱର ଏସ୍‌ଡିଜେଏମ୍‌ କୋର୍ଟ
  • ||
  • ଘୋଷଣା ହେଲା ଜ୍ଞାନପୀଠ ପୁରସ୍କାର : ୨୦୨୧ ପାଇଁ ନୀଳମଣି ଫୁକନ, ୨୦୨୨ ପାଇଁ କୌଙ୍କଣୀ ସାହିତ୍ୟିକ ଦାମୋଦେର ମୌଜଙ୍କୁ ସମ୍ମାନ
  • ||

ନୀତିଶଙ୍କ ଆକ୍ଷେପର ଜବାବ ଦେଲେ ତେଜସ୍ବୀ, ଯୁକ୍ତି ଭିତରକୁ ପ୍ରଧାନମନ୍ତ୍ରୀଙ୍କୁ ଟାଣିଲେ

27/10/2020 at 4:36 PM

ପାଟଣା ୨୭/୧୦: ବିହାର ବିଧାନସଭା ନିର୍ବାଚନକୁ ନେଇ ରାଜନୀତି ସରଗରମ ହୋଇଛି । ନେତା ନେତାଙ୍କ ମଧ୍ୟ ବ୍ୟକ୍ତିଗତ ଆରୋପ ପ୍ରତ୍ୟାରୋପ ଲାଗି ରହିଛି। ଏହାରି ଭିତରେ ନୀତିଶ କୁମାରଙ୍କ ମନ୍ତବ୍ୟକୁ ନେଇ ପ୍ରତି ଆକ୍ରମଣ କରିଛନ୍ତି ରାଷ୍ଟ୍ରୀୟ ଜନତା ଦଳ(ଆରଜେଡି) ନେତା ତେଜସ୍ବୀ ଯାଦବ। ନୀତିଶଙ୍କ ଆକ୍ଷେପର ଜବାବ ଦେବା ସହ ନିଜ ଯୁକ୍ତି ଭିତରକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ମଧ୍ୟ ଟାଣିବାକୁ ଭୁଲିନାହାନ୍ତି ତେଜସ୍ବୀ। ତେଜସ୍ବୀ କହିଛନ୍ତି, ନୀତିଶ କୁମାର ଏଭଳି ମନ୍ତବ୍ୟ ଦେଇ ନିଜକୁ ଓ ନରେନ୍ଦ୍ର ମୋଦିଙ୍କୁ ବି ଆକ୍ଷେପ କରିଛନ୍ତି। କାରଣ ମୋଦିଙ୍କର ମଧ୍ୟ ୬ ଭାଇଭଉଣୀ ଅଛନ୍ତି।

କହିରଖୁଛୁ ଯେ, ହାଜିପୁରରେ ଆୟୋଜିତ ଏକ ରାଲିରେ ନୀତିଶ କୁମାର କହିଥିଲେ, ଯେଉଁମାନେ ୮-୯ ପିଲା ଜନ୍ମ କରୁଛନ୍ତି ସେମାନେ ବିକାଶ କଣ କରିବେ। ନୀତିଶଙ୍କ ଏହି ବୟାନକୁ ନେଇ ଜୋରଦାର ବର୍ଷିଛନ୍ତି ତେଜସ୍ବୀ। ନୀତିଶ କୁମାର ମହିଳାଙ୍କ ସମେତ ମୋ ମାଙ୍କ ଭାବନାକୁ ଆଘାତ ଦେଇଥିବା କହିଛନ୍ତି ତେଜସ୍ବୀ। ଲୋକଙ୍କ ଧ୍ୟାନ ହଟାଇବା ପାଇଁ ସେ ଏଭଳି ମନ୍ତବ୍ୟ ଦେଉଛନ୍ତି। ବେରୋଜଗାର, ଦୁର୍ନୀତି ଓ ଗରିବୀ ଉପରେ କିଛି ନକହି ଲୋକଙ୍କୁ ଭୁଆଁ ବୁଲାଇବାକୁ ନୀତିଶ ଚେଷ୍ଟା କରୁଥିବା ତେଜସ୍ବୀ ଅଭିଯୋଗ ମଧ୍ୟ କରିଛନ୍ତି।

ସୂଚନାଯୋଗ୍ୟ ଯେ, ଅକ୍ଟୋବର ୨୮ରେ ହେବାକୁ ଥିବା ପ୍ରଥମ ଚରଣ ମତଦାନ ପାଇଁ ପ୍ରଚାରର ଶେଷ ଦିନରେ ମହାମେଣ୍ଟକୁ ଜୋରଦାର ଟାର୍ଗେଟ କରିଥିଲେ ନୀତିଶ କୁମାର। ମୁଖ୍ୟମନ୍ତ୍ରୀ ପ୍ରାର୍ଥୀ ତେଜସ୍ବୀ ଯାଦବ ଓ ତାଙ୍କ ବାପା ଲାଲୁ ପ୍ରସାଦ ଯାଦବଙ୍କୁ ବି ନିଶାନା କରିଥିଲେ ନୀତିଶ। ନୀତିଶ ସେମାନଙ୍କୁ ଟର୍ଗେଟ କରି କହିଥିଲେ, ତେଜସ୍ବୀ ଓ ଲାଲୁଙ୍କ କଥାକୁ କିଏ ପଚାରୁଛି ? ସେମାନଙ୍କର ୮-୯ ପିଲା ଅଛନ୍ତି। ଝିଅମାନଙ୍କ ଉପରେ ସେମାନଙ୍କ ବିଶ୍ବାସ ନାହିଁ। ଅନେକ ଝିଅ ଜନ୍ମ ନେବା ପରେ ତାଙ୍କର ଗୋଟିଏ ପୁଅ ହୋଇଥିଲା। ସେମା​‌ନେ ବିହାରକୁ କେମିତି ତିଆରି କରିବାକୁ ଚାହୁଁଛନ୍ତି ଆପଣମାନେ ଦେଖିପାରୁଥିବେ ବୋଲି ନିର୍ବାଚନୀ ପ୍ରଚାରରେ କହିଥିଲେ ନୀତିଶ।

ନିକଟରେ ନୀତିଶଙ୍କୁ ଟାର୍ଗେଟ କରି ଟ୍ବିଟ୍‌ କରିଥିଲେ ତେଜସ୍ବୀ, ‘ନୀତିଶ କୁମାର ବ୍ୟବହାର କରୁଥିବା ପ୍ରତ୍ୟେକଟି ଖରାପ ଶବ୍ଦ ମୋ ପାଇଁ ଆଶୀର୍ବାଦ। ମାନସିକ ଓ ଶାରିରୀକ ସ୍ତରରେ ସେ ଦୁର୍ବଳ ହୋଇସାରିଛନ୍ତି, ତେଣୁ ସେ ଯାହା ଚାହୁଁଛନ୍ତି କହୁଛନ୍ତି। କିନ୍ତୁ ଏହି ସମୟରେ ରୋଜଗାର ଓ ଉନ୍ନତ୍ତିକୁ ନେଇ ବିହାରବାସୀ ଭୋଟ କରିବେ।’

=

   Related Posts