ନୂଆଦିଲ୍ଲୀ ୪।୭: ପଞ୍ଜାବର ଜଣେ ନାବାଳକ ଲୋକପ୍ରିୟ ପବଜୀ ଗେମ୍ ରେ ଏତେ ମାତ୍ରାରେ ଅଭ୍ୟସ୍ତ ଥିଲେ ଯେ ସେ ପ୍ରାୟ ୧୬ ଲକ୍ଷ ଟଙ୍କା ଉଡାଇଦେଇଛନ୍ତି । ସୂଚନା ଅନୁସାରେ ସେ ଏହି ଟଙ୍କା ଗେମ୍ ଖେଳିବା ସମୟରେ ଇନ୍-ଆପ୍ କ୍ରୟ ଏବଂ ଅପଗ୍ରେଡ୍ ରେ ଏହି ଟଙ୍କା ଖର୍ଚ୍ଚ କରିଥିବା ଜଣାପଡିଛି । ନାବାଳକ ଜଣଙ୍କ ତାଙ୍କ ବାପା-ମା’ଙ୍କର ତିନୋଟି ବ୍ୟାଙ୍କ ଆକାଉଣ୍ଟକୁ ବ୍ୟବହାର କରିଥିଲେ । ଏହାସହ ତାଙ୍କର ପବଜୀ ମୋବାଇଲ୍ ଗେମ୍ ର ଟଙ୍କା ଖର୍ଚ୍ଚ କରିବାକୁ ସେହି ଆକାଉଣ୍ଟଗୁଡିକର ବ୍ୟବହାର କରୁଥିଲେ ।
ନାବାଳକ ଜଣଙ୍କ ନିଜ ବାପା-ମା’ଙ୍କୁ କହିଥିଲେ ଯେ, ସେ ପାଠପଢା ପାଇଁ ମୋବାଇଲ୍ ଫୋନ୍ ର ବ୍ୟବହାର କରୁଛନ୍ତି । ମାତ୍ର ସେ ପବଜୀ ମୋବାଇଲ୍ ଖେଳିବାରେ ଘଣ୍ଟା ଘଣ୍ଟା ସମୟ ବିତାଉଥିଲେ । ଗେମ୍ ଖେଳୁଥିବା ସମୟରେ ନିଜ ପାଇଁ ସେ ଆପ୍ କ୍ରୟ କରୁଥିବା ମିଡିଆ ରିପୋର୍ଟରେ ଦର୍ଶାଯାଇଛି । ଏହା କରିବା ସହିତ ସେ ନିଜ ସାଥୀମାନଙ୍କ ପାଇଁ ଅପଗ୍ରେଡ୍ ମଧ୍ୟ କିଣିଥିଲେ ।
ଏହି ଘଟଣା ସେତେବେଳେ ସାମ୍ନାକୁ ଆସିଥିଲା ଯେତେବେଳେ ନାବାଳକଙ୍କ ବାପା-ମା’ ବ୍ୟାଙ୍କ ଆକାଉଣ୍ଟ ଯାଞ୍ଚ କରିଥିଲେ । ଯାଞ୍ଚ କରିବା ବେଳେ ପ୍ରାୟ ୧୬ ଲକ୍ଷ ଟଙ୍କା ଖର୍ଚ୍ଚ ହୋଇଛି ବୋଲି ଜଣାପଡିଛି । ମିଡିଆ ରିପୋର୍ଟ ଅନୁଯାୟୀ ନାବାଳକ ତାଙ୍କ ମା’ଙ୍କ ମୋବାଇଲ୍ ଫୋନ୍ ବ୍ୟବହାର କରି ମୋବାଇଲରେ ପବଜୀ ଗେମ୍ ଖେଳୁଥିଲେ ଏବଂ ବ୍ୟାଙ୍କ କାରବାର କରିବା ପରେ ସମସ୍ତ କାରବାର ମେସେଜ ଡିଲିଟ୍ କରିଦେଉଥିଲେ । ତାଙ୍କ ବାପାଙ୍କ ଅନୁଯାୟୀ ସେ ତାଙ୍କ ପୁଅର ଭବିଷ୍ୟତ ଏବଂ ଚିକିତ୍ସା ଆବଶ୍ୟକତା ପାଇଁ ଅର୍ଥ ସଞ୍ଚୟ କରିଥିଲେ ।
ନାବାଳକଙ୍କ ବାପା ଜଣେ ସରକାରୀ କର୍ମଚାରୀ ଏବଂ ତାଙ୍କର ପୋଷ୍ଟିଂ ଅନ୍ୟତ୍ର ଥିଲା । ତାଙ୍କ ଅନୁପସ୍ଥିତିରେ ତାଙ୍କ ନାବାଳକ ପୁଅ ପବଜୀ ମୋବାଇଲ୍ ଖେଳ ପାଇଁ ଟଙ୍କା ଖର୍ଚ୍ଚ କରିଥିଲା । ଧରାପଡିବାକୁ ଏଡାଇବା ପାଇଁ ନାବାଳକ ମଧ୍ୟ ଗୋଟିଏ ବ୍ୟାଙ୍କ ଆକାଉଣ୍ଟରୁ ଅନ୍ୟ ବ୍ୟାଙ୍କକୁ ଟଙ୍କା କାରବାର କରୁଥିଲେ । ପୋଲିସ ନାବାଳିକଙ୍କ ବାପା-ମା’ ସାହାଯ୍ୟ କରିନଥିଲା କାରଣ ସେମାନଙ୍କ ପୁଅ ପବଜୀ ଖେଳୁଥିବାର ସେମାନେ ଜାଣିଥିଲେ । ଯଦିଓ ପବଜୀ ବହୁତ ଲୋକପ୍ରିୟ, କିନ୍ତୁ ଏହା ସହ ଜଡିତ ବିବାଦ ମଧ୍ୟ କମ୍ ନାହିଁ । କୁହାଯାଏ ଯେ ଏହି ଖେଳର ଅଭ୍ୟସ୍ତ ଥରେ ହୋଇଗଲେ ଶୀଘ୍ର ଛାଡିହୁଏନାହିଁ । ଏହି ଖେଳ ଭାରତ ତଥା ଚୀନ୍ ରେ ମଧ୍ୟ ବିବାଦରେ ରହିଛି ।