ନୂଆଦିଲ୍ଲୀ ୦୨/୧୧ : ହତ୍ୟା ତ ହତ୍ୟା ପୁଣି ଜଘନ୍ୟ ହତ୍ୟା । ପ୍ରଥମେ ପ୍ରେମିକାକୁ ଗୁଳିକରି ହତ୍ୟା ଆଉ ପରେ ସାକ୍ଷୀ ଭୟରେ ପ୍ରେମିକାର ମା’ ବାପାଙ୍କୁ ବି ଛାଡିଲାନି ନାବାଳକ ପ୍ରେମିକ । ଏଭଳି ଜଘନ୍ୟ କାଣ୍ଡ ଘଟାଇଥିଲା ଜଣେ ୧୬ ବର୍ଷର ବାଳକ । ଘରେ ଅସଞ୍ଜତ ଅବସ୍ଥାରେ ଥିବା ବେଳେ ଝିଅର ବାପା ପ୍ରଥମେ ଦେଖି ଦେଇଥିଲେ । ଏହାର ପ୍ରତିବାଦ କରିବାରୁ ପ୍ରଥମେ ପ୍ରେମିକାକୁ ଗୁଳି କରିଥିଲା ଦୁର୍ଦ୍ଦାନ୍ତ ପ୍ରେମିକ । ପରେ କାଳେ ତାର ବାପା-ମା ପୋଲିସକୁ ସବୁ ଜଣାଇଦେବେ ତେଣୁ ତାଙ୍କୁ ମଧ୍ୟ ଗୁଳିକରି ଫେରାର ହୋଇଯାଇଥିଲା ଅଭିଯୁକ୍ତ ।
କାଲିଫର୍ଣ୍ଣଆର ଏଭଳି ଜଘନ୍ୟ କାଣ୍ଡ ସମଗ୍ର ଦେଶରେ ଚର୍ଚ୍ଚାର ବିଷୟ ପାଲଟିଥିଲା । ମୋର୍କିଓ ଜନସନ୍ ନାମକ ଏହି ୧୬ ବର୍ଷର ପାଗଳ ପ୍ରେମିକ ଗାର୍ଲଫ୍ରେଣ୍ଡ ଘରକୁ ଯାଇ ଏଭଳି ନାରକୀୟ କାଣ୍ଡ ଘଟାଇଥିଲା । ପ୍ରଥମେ ପ୍ରେମିକା ସିଲି ଅଟ୍ମନ୍ ପରେ ମା’ ନିକି ମେଟ୍କାଲ୍ଫ ଏବଂ ତା ପରେ ବାପା ମାରଗାରେଟ୍ ମୁନ୍ଙ୍କୁ ହତ୍ୟା କରିଥିଲା ଅଭିଯୁକ୍ତ ।
ସୂଚନା ଅନୁସାରେ, ଜନସନ୍ ଏବଂ ସିଲି ଉଭୟ ଏକ ରୁମ୍ରେ ଯୌନ କ୍ରିୟାରେ ଲିପ୍ତ ଥିଲେ । ଏହି ସମୟରେ ତାଙ୍କ ମା’ ଦେଖି ଏହାକୁ ବିରୋଧ କରିଥିଲେ । ଏଥିରେ କ୍ଷୁବ୍ଧ ହୋଇ ଅଭିଯୁକ୍ତ ନାବାଳକ ସାଙ୍ଗରେ ନେଇଥିବା ବନ୍ଧୁକରେ ଗୁଳି ଫୁଟାଇଥିଲା । ଫଳରେ ତାର ପ୍ରେମିକା, ମା’ ଏବଂ ଅଭିଯୁକ୍ତକୁ ଅଟକାଇବାକୁ ଆସି ଝିଅର ବାପା ମଧ୍ୟ ଗୁଳିମାଡର ଶିକାର ହୋଇଥିଲେ । ଫଳରେ ଘଟଣାସ୍ଥଳରେ ହିଁ ସମସ୍ତଙ୍କ ମୃତ୍ୟୁ ଘଟିଥିଲା ।
ଏହି ଘଟଣା ଗତ ଫେବୃଆରୀ ମାସରେ ଘଟିଥିଲା । ଅଭିଯୁକ୍ତ ନାବାଳକ ପ୍ରେମିକକୁ ପୋଲିସ ଧରିବା ପରେ ଜଘନ୍ୟକାଣ୍ଡ ବବାଦରେ ସତ ଓଗାଳିଥିଲା ଅଭିଯୁକ୍ତ । ଏହାର ଶୁଣାଣି କରି କୋର୍ଟ ଅଭିଯୁକ୍ତକୁ ୧୫୦ ବର୍ଷର କାରାଦଣ୍ଡ ଶୁଣାଇଛନ୍ତି । କାଲିଫର୍ଣ୍ଣିଆର ଅହବୋଲ୍ଡଟ୍ କାଉଣ୍ଟି କୋର୍ଟ ଏହି ଐତିହାସିକ ରାୟ ଶୁଣାଇଛନ୍ତି ।
