Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବାଣ ଗୋଦାମରେ ଭୟଙ୍କର ଅଗ୍ନିକାଣ୍ଡ: ୫ ମୃତ, ଅନେକ ଆହତ ହୋଇଛନ୍ତି, କ୍ଷତିପୂରଣ ଘୋଷଣା କଲେ ସିଏମ
  • ||
  • ଆସୁଛି ଲଘୁଚାପ, ୨୮ରୁ ୩ ଦିନ ବର୍ଷିବ: ଦକ୍ଷିଣରେ ହାଲକା ବର୍ଷା ସମ୍ଭାବନା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୧୪ ହଜାରରୁ ଅଧିକ କରୋନା ପଜିଟିଭ୍, ୫୮୫ ମୃତ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍ : କୋଭିଡ୍ ନେଲା ଆଉ ୨ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୫୪୯ କୋଭିଡ୍ ପଜିଟିଭ୍
  • ||
  • ଆଜି ମହାପ୍ରଭୁଙ୍କ ବନକଲାଗି ନୀତି, ଅପରାହ୍ନ ୪ଟାରୁ ରାତି ୮ଟା ଯାଏଁ ସାଧାରଣ ଦର୍ଶନ ବନ୍ଦ
  • ||

ଆପେଣ୍ଡିକ୍ସ ଅପରେସନ ପାଇଁ ହସ୍ପିଟାଲ ଯାଇଥିଲେ ଯୁବତୀ, ୪୮ ଘଣ୍ଟା ପରେ ପେଟରୁ ବାହାରିଲା ପିଲା

24/09/2021 at 3:14 PM

ନୂଆଦିଲ୍ଲୀ ୨୪/୦୯: ଜଣେ ମହିଳାଙ୍କ ପାଇଁ, ମା ହେବାର ଅନୁଭବ ସବୁଠାରୁ ସୁନ୍ଦର ଅଟେ। ୯ ମାସ ଧରି ଶିଶୁକୁ ଗର୍ଭରେ ରଖିବା ପରେ, ମହିଳା ଅତ୍ୟଧିକ ଯନ୍ତ୍ରଣା ସହି ନିଜ ସନ୍ତାନକୁ ଜନ୍ମ ଦେଇଥାନ୍ତି। କିନ୍ତୁ ବେଳେବେଳେ ଏପରି କିଛି ମାମଲା ସାମ୍ନାକୁ ଆସିଥାଏ, ଯାହା ଅତ୍ୟନ୍ତ ଚକିତକର ହୋଇଥାଏ। ଏହି ମାମଲାରେ, ମହିଳାଙ୍କୁ ଜଣା ବି ନଥାଏ ଯେ ସେ ଗର୍ଭବତୀ ଅଛନ୍ତି। ଏପରି ହଠାତ୍ ଏକ ଶିଶୁ ଜନ୍ମ ହେବା ଦ୍ୱାରା ସମସ୍ତେ ଆଶ୍ଚର୍ଯ୍ୟ ହୋଇଯାଆନ୍ତି। ଆମେରିକାର ଓହିଓରେ ରହୁଥିବା ୧୯ ବର୍ଷୀୟା ନାଦିଆଙ୍କ ସହ ମଧ୍ୟ ସମାନ ଘଟଣା ଘଟିଛି। ସେ ଆପେଣ୍ଡିକ୍ସ ସର୍ଜରୀ କରିବାକୁ ଡାକ୍ତରଖାନା ଯାଇଥିଲେ, କିନ୍ତୁ ତାଙ୍କୁ ଜଣା ନଥିଲା ଯେ, ତାଙ୍କ ଗର୍ଭରେ ଏକ ଶିଶୁ ବଢୁଛି, ଯାହା ଅଳ୍ପ ସମୟ ମଧ୍ୟରେ ଜନ୍ମ ହେବାକୁ ଯାଉଛି।

apendix turned pregnancy

ସୂଚନା ଅନୁଯାୟୀ,ଏହି ଆଶ୍ଚର୍ଯ୍ୟଜନକ ମାମଲା ଆମେରିକାରେ ଦେଖିବାକୁ ମିଳିଛି। ନାଦିଆଙ୍କର କୌଣସି ଧାରଣା ନଥିଲା ଯେ ସେ ଗର୍ଭବତୀ ଅଛନ୍ତି। ୧୯ ବର୍ଷୀୟା ନାଦିଆ ତାଙ୍କ ପେଟରେ ବହୁତ ଯନ୍ତ୍ରଣା ଅନୁଭବ କରୁଥିଲେ। କିନ୍ତୁ ତାଙ୍କ ଓଜନ ଟିକେ ବି ବୃଦ୍ଧି ପାଇ ନଥିଲା କି ତାଙ୍କ ପେଟ ବି ବଢିନଥିଲା । ତେବେ ପେଟରେ ଯନ୍ତ୍ରଣା ହେତୁ ନାଦିଆ ଏବଂ ତାଙ୍କ ପ୍ରେମିକ ବ୍ରାଡ ଭାବିଥିଲେ ଯେ ନାଦିଆଙ୍କର ଆପେଣ୍ଡିକ୍ସ ଥାଇପାରେ। ଚେକଅପ୍ ପାଇଁ ଉଭୟ ଡାକ୍ତରଖାନାରେ ପହଞ୍ଚିଥିଲେ। ସେଠାକୁ ଯିବା ପରେ ସେମାନେ ଜାଣିବାକୁ ପାଇଲେ ଯେ ନାଦିଆ ପ୍ରକୃତରେ ଗର୍ଭବତୀ ଅଛନ୍ତି ଏବଂ ମାତ୍ର ୪୮ ଘଣ୍ଟା ପରେ ସେ ଏକ ପୁତ୍ର ସନ୍ତାନ ଜନ୍ମ ଦେଲେ।

ବ୍ରୁକଫିଲ୍ଡରେ ରହୁଥିବା ନାଦିଆ କହିଛନ୍ତି ଯେ ଏହି ଗର୍ଭଧାରଣ ତାଙ୍କୁ ଚକିତ କରିଛି। ନଅ ମାସ ପର୍ଯ୍ୟନ୍ତ ଅନୁଭବ କରିନଥିଲେ ଯେ ସେ ଗର୍ଭବତୀ ଅଛନ୍ତି। ଯେତେବେଳେ ଡାକ୍ତରଖାନାରେ ଡାକ୍ତର ତାଙ୍କୁ ଏ ବିଷୟରେ ଜଣାଇଲେ, ସେତେବେଳେ ସେ ପ୍ରଥମେ ବିଶ୍ୱାସ କରିପାରିନଥିଲେ। ଏହା ପରେ ସେ ଡାକ୍ତରଖାନାରେ ଏକ ପୁତ୍ର ସନ୍ତାନ ଜନ୍ମ ଦେଇଥିଲେ। ନାଦିଆଙ୍କ କହିବାନୁସାରେ, ପୁଅର ଜନ୍ମର କିଛି ମାସ ପର୍ଯ୍ୟନ୍ତ, ସେ ଅନୁଭବ କଲେ ନାହିଁ ଯେ ସେ ବର୍ତ୍ତମାନ ଏକ ମାଆ ହୋଇଯାଇଛନ୍ତି।

   Related Posts