Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭାରତରେ ପହଞ୍ଚିଲା ଓମିକ୍ରନ୍‌ ଭ୍ୟାରିଆଣ୍ଟ । କର୍ଣ୍ଣାଟକର ୨ ଜଣ ବ୍ୟକ୍ତି ଓମିକ୍ରନ୍‌ ଭ୍ୟାରିଆଣ୍ଟରେ ସଂକ୍ରମିତ
  • ||
  • ହଜିନି ମାନବିକତା, ପାଇଥିବା ସୁନା ଗହଣାକୁ ଫେରାଇଦେଲେ ଅଟୋ ଚାଳକ
  • ||
  • ଭୁବନେଶ୍ବର : STF ମୋଷ୍ଟ ୱାଣ୍ଟେଡ ଲିଷ୍ଟରେ ଅନୀଲ ପାଣ୍ଡି, ସୂଚନା ଦେଲେ ମିଳିବ ପୁରସ୍କାର
  • ||
  • ଭୁବନେଶ୍ବର : ୩ ନିର୍ବାହୀ ଅଧିକାରୀଙ୍କୁ ବାଧ୍ୟତାମୂଳକ ଅବସର ଓ ଜଣେ ଆରଆଇ ଚାକିରୀରୁ ବହିଷ୍କୃତ
  • ||
  • ନୂଆଦିଲ୍ଲୀ : ବାତ୍ୟା ଅପଡେଟ୍ : ୩ରୁ ଓଡିଶାରେ ବର୍ଷା, ୪ରେ ପବନର ବେଗ ଛୁଇଁବ ୯୦ କି.ମି.
  • ||
  • ନୂଆଦିଲ୍ଲୀ : ଶୁକ୍ରବାରଠୁ ରାଜଧାନୀରେ ସମସ୍ତ ସ୍କୁଲ ବନ୍ଦ, ଘୋଷଣା କଲେ କେଜ୍ରିଓ୍ୱାଲ୍‌ ସରକାର
  • ||
  • ବାଇକକୁ ପିଟିଲା ଜୁସ୍ ବୋଝେଇ ଟ୍ରକ୍, ୨ ଆରୋହୀ ମୃତ
  • ||
  • କଣ୍ଟାବାଞ୍ଜି : ମମିତା ମେହେର ହତ୍ୟାକାଣ୍ଡ ମାମଲା : ADG କୋର୍ଟରେ ଜାମିନ ଆବେଦନ କଲା ଗୋବିନ୍ଦ ସାହୁ
  • ||
  • ସାନଖେମୁଣ୍ଡି : ୩୦ ଏକର ଗଞ୍ଜେଇ ଚାଷ ନଷ୍ଟ କଲା ପ୍ରଶାସନ
  • ||
  • ଘାରିଛି ଓମିକ୍ରନ ବିପଦ : ବିଳମ୍ବିତ ହେବ ଟିମ୍ ଇଣ୍ଡିଆର ଦକ୍ଷିଣ ଆଫ୍ରିକା ଗସ୍ତ ! ସମୟ ମାଗିଲା ବିସିସିଆଇ
  • ||

କୃଷି କ୍ଷେତ୍ରରେ ପ୍ରଯୁକ୍ତିବିଦ୍ୟାକୁ ଗୁରୁତ୍ୱ : ବାବା ରାମଦେବଙ୍କ ପତଞ୍ଜଳି ସମେତ ୪ କମ୍ପାନୀ ସହ ଚୁକ୍ତି କଲେ ସରକାର

3/06/2021 at 2:49 PM

ନୂଆଦିଲ୍ଲୀ,୦୩/୦୬ : କୃଷକଙ୍କ ପାଇଁ ଡିଜିଟାଲ ବ୍ୟବସ୍ଥାକୁ ପ୍ରୋତ୍ସାହିତ କରିବା ତଥା କୃଷି କ୍ଷେତ୍ରରେ ପ୍ରଯୁକ୍ତିବିଦ୍ୟାର ଉପଯୋଗ ପାଇଁ କୃଷି ମନ୍ତ୍ରାଳୟ ୪ଟି ଘରୋଇ ସଂସ୍ଥା ସହହାତ ମିଳାଇଛି । ଏଥିରେ ବାବା ରାମଦେବଙ୍କ ପତଞ୍ଜଳି ଜୈବ ଅନୁସନ୍ଧାନ ମଧ୍ୟ ସାମିଲ ଅଛି ।

ପତଞ୍ଜଳି ବ୍ୟତୀତ ଯେଉଁ ଅନ୍ୟ ଘରୋଇ ସଂସ୍ଥା ସହ ସରକାର ହାତ ମିଳାଇଛନ୍ତି ସେମାନଙ୍କ ମଧ୍ୟରେ ବହୁ ରାଷ୍ଟ୍ରୀୟ କମ୍ପାନୀ ଆମାଜନ ଓ୍ୱେବ ସର୍ଭିସେସ୍, ଇଏସଆରଆଇ ଇଣ୍ଡିଆ ପ୍ରାଇଭେଟ୍ ଲିମିଟେଡ୍ ଓ ଏଗ୍ରି ବଜାର ଇଣ୍ଡିଆ ପ୍ରାଇଭେଟ୍ ଲିମିଟେଡ୍ ରହିଛି । କୃଷିମନ୍ତ୍ରୀ ନରେନ୍ଦ୍ର ସିଂ ତୋମାରଙ୍କ ଉପସ୍ଥିତିରେ ଏହି କମ୍ପାନୀର ପ୍ରତିନିଧି ସରକାରଙ୍କ ସହ ଚୁକ୍ତି ସ୍ୱାକ୍ଷରିତ କରିଛନ୍ତି । ଗୋଟିଏ ବର୍ଷ ପାଇଁ ଏହି ଚୁକ୍ତି ସ୍ୱାକ୍ଷରିତ ହୋଇଛି । କୃଷକ ଡାଟାବେସ୍ ପ୍ରସ୍ତୁତ କରି ବିଭିନ୍ନ ପାଇଲଟ୍ ଯୋଜନା ଆରମ୍ଭ କରିବା  ଏହାର ଲକ୍ଷ୍ୟ ରହିବ ।  

ପତଞ୍ଜଳି ସହ ଦେଶର ତିନୋଟି ଜିଲ୍ଲାରେ କୃଷି ପ୍ରବନ୍ଧନ ଓ କୃଷକ ସେବା କ୍ଷେତ୍ରରେ କାମ କରିବା ପାଇଁ ଚୁକ୍ତି ହୋଇଛି । ଏଥିରେ ଉତ୍ତରାଖଣ୍ଡର ହରିଦ୍ୱାର, ଉତ୍ତରପ୍ରଦେଶର ହମୀରପୁର ଓ ମଧ୍ୟପ୍ରଦେଶର ମୁରୈନା ଜିଲ୍ଲା ରହିଛି । କୃଷି ବଜାରରେ ଜିଡିଟାଲ ସେବା ଓ ବ୍ୟବସ୍ଥା ଲାଗୁ କରିବା ପାଇଁ ଆମାଜନ ଓ୍ୱେବ୍ ସର୍ଭିସେସ୍ ସହ ଚୁକ୍ତି ହୋଇଛି  । ଏହି ପରିପ୍ରେକ୍ଷୀରେ କୃଷିମନ୍ତ୍ରୀ ନରେନ୍ଦ୍ର ସିଂ ତୋମାର କହିଛନ୍ତି ଯେ, କୃଷି କ୍ଷେତ୍ରକୁ ସାଙ୍ଗରେ ନେଇ ଆତ୍ମନିର୍ଭର ଓ ଡିଜିଟାଲ ଇଣ୍ଡିଆର ସ୍ୱପ୍ନ ସାକାର କରାଯାଇ ପାରିବ ।

କୃଷିରେ ଡିଜିଟାଲଜେସନର ମହତ୍ତ୍ୱକୁ ଦେଖି କୃଷି ମନ୍ତ୍ରାଳୟ ଏକକ କୃଷକ ଡାଟାବେସ୍ ପ୍ରସ୍ତୁତ କରିଛି । ଏହି ଡାଟାବେସ୍ ଜରିଆରେ ଭିନ୍ନ ଭିନ୍ନ ସେବା ପ୍ରଦାନ କରାଯାଏ । ଏହାଦ୍ୱାରା କୃଷି କ୍ଷେତ୍ର ପାଇଁ ଏକ ଡିଜିଟାଲ ବ୍ୟବସ୍ଥା ପ୍ରସ୍ତୁତ ହୋଇପାରିବ । ଏଥିରେ ସାରା ଦେଶର କୃଷକଙ୍କୁ ଭୂମି ରେକର୍ଡରେ ସାମିଲ କରାଯାଇ ପାରିବ । ଏଥିପାଇଁ କୃଷକଙ୍କ ପାଇଁ ୟୁନିକ କୃଷକ ଆଇଡି ପ୍ରଦାନ କରାଯିବା ନେଇ ବ୍ୟବସ୍ଥା କରାଯାଇଛି ।

   Related Posts