ପୁରୀ୨୩/୬: ମହାପ୍ରଭୁ ଜଗନ୍ନାଥ ସବୁବେଳେ ନୃତ୍ୟ ପ୍ରିୟ। ଦେବଦାସୀ ନୃତ୍ୟ ହେଉ ବା ମହାରି ନୃତ୍ୟ । ସେହି ଦୁର୍ଲଭ ନୃତ୍ୟ ଟିକେ ନଦେଖିଲେ ମହାପ୍ରଭୁଙ୍କୁ ନା ଭୋକ ହୁଏ ନା ନିଦ ହୁଏ । କିନ୍ତୁ ଚଳିତ ବର୍ଷ  ବିନା ଭକ୍ତରେ ରଥ ଯାତ୍ରା ହେଉଥିବା ବେଳେ ରଥ ଆଗରେ ନର୍ତ୍ତକ ନର୍ତ୍ତକୀଙ୍କର ଆଉ ସେ ଦୁର୍ଲଭ ନୃତ୍ୟ ଦେଖିବାକୁ ମିଳିନଥିଲା । ଫଳରେ ପ୍ରତିବର୍ଷ ରଥ ସମ୍ମୁଖରେ ନୃତ୍ୟ କରୁଥିବା ନର୍ତ୍ତକମାନେ ନୃତ୍ୟ କରିବାର ସୁଯୋଗ ନପାଇ ଦୁଃଖରେ ମ୍ରିୟମାଣ ହୋଇ ପଡିଥିବା ସହ ମନର କୋହକୁ ଚାପି ନପାରି ଆଖିରୁ ଲୋତକ ଝରାଉ ଥିବାର ଦେଖା ଯାଇଛି । ସେହିପରି ଦୀର୍ଘ ୨୫ ବର୍ଷ ହେଲା ରଥ ଆଗରେ ନୃତ୍ୟ କରୁଥିବା ପୁରୀ ଅଞ୍ଚଳର ନର୍ତ୍ତକ ଦୁର୍ଗା ପ୍ରସାଦ ଦାସଙ୍କ ସହ ଆଲୋଚନା କରିଥିଲେ ଆମ ପ୍ରତିନିଧି ମନୋଜ ଦାଶ । ଶୁଣନ୍ତୁ ସେ କଣ କହୁଛନ୍ତି….