Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପରାଜୟ ଧାରା ଭାଙ୍ଗିଲା ଚେନ୍ନାଇ, ୬ ଓ୍ୱିକେଟରେ ହାରିଲା କୋଲକାତା ନାଇଟ ରାଇଡର୍ସ
  • ||
  • ସରକାରଙ୍କ ବଡ ନିଷ୍ପତ୍ତି, ନବମରୁ ଦ୍ଵାଦଶ ଶ୍ରେଣୀ ପର୍ଯ୍ୟନ୍ତ ସ୍କୁଲ ଫି ୪୦ ପ୍ରତିଶତ କମିଲା, ଅଭିଭାବକଙ୍କୁ ମିଳିଲା ବଡ ଆଶ୍ଵସ୍ତି
  • ||
  • ଅଲମ୍ପିକ ପ୍ରସ୍ତୁତି ପାଇଁ ଗଠିତ ସଂସଦୀୟ କମିଟିର ପ୍ରଥମ ବୈଠକ ଅନୁଷ୍ଠିତ, କମିଟିର ସଦସ୍ୟ ରହିଛନ୍ତି ସାଂସଦ ଅନୁଭବ ମହାନ୍ତି ଓ ସସ୍ମିତ ପାତ୍ର
  • ||
  • ମଦ ଦୋକାନ ନ ଖୋଲିବା ପାଇଁ ଜିଲ୍ଲାପାଳଙ୍କୁ ଦାବିପତ୍ର
  • ||
  • ବାଲେଶ୍ବର ଉପ ନିର୍ବାଚନରେ ମୁଖ୍ୟମନ୍ତ୍ରୀଙ୍କ ଡିଜିଟାଲ ପ୍ରଚାର: କହିଲେ, ‘ମୁଁ ସବୁବେଳେ ଆପଣଙ୍କ ସାଥିରେ ଅଛି’
  • ||
  • ମଙ୍ଗ ସମ୍ଭାଳିଲେ ନୀତିଶ ରାଣା, ଚେନ୍ନାଇକୁ ୧୭୩ ରନର ବିଜୟ ଲକ୍ଷ୍ୟ ଦେଲା କୋଲକାତା ନାଇଟ୍ ରାଇଡର୍ସ
  • ||
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୬୧୭ କରୋନା ସଂକ୍ରମିତ ଚିହ୍ନଟ
  • ||
  • ରାଉରକେଲା : ଡ୍ରାଇଭରଙ୍କ ନାଁରେ ୨୮ କୋଟି ଟଙ୍କାର GST ଠକେଇ ଅଭିଯୋଗ
  • ||
  • ଗଞ୍ଜାମ : ବୋମା ଭିଡୁଥିବା ବେଳେ ବିସ୍ଫୋରଣ, ଜଣେ ମୃତ, ଦୁଇ ଗୁରୁତର
  • ||

ଲିଡସରେ ଭାରତର ଦମଦାର ବିଜୟ, ଶେଷ ଲିଗରେ ଶ୍ରୀଲଙ୍କାକୁ ହରାଇ ବାଜିମାତ୍ କଲା ଟିମ୍ ଇଣ୍ଡିଆ

6/07/2019 at 10:35 PM

ଲିଡସ୍: ଆଇସିସି ବିଶ୍ୱକପ୍ ୨୦୧୯ରେ ବାଜିମାତ୍ କରିଛି ଟିମ୍ ଇଣ୍ଡିଆ। ଇଂଲଣ୍ଡର ଲିଡସ୍ ରେ ଅନୁଷ୍ଠିତ ଶେଷ ଲିଗ୍ ମ୍ୟାଚ୍ ରେ ଶ୍ରୀଲଙ୍କାକୁ  ପରାସ୍ତ କରିଛି । ଏହି ବିଜୟରେ ୧୫ ପଏଣ୍ଟ ପାଇ ଭାରତ ପଏଣ୍ଟ ଟେବୁଲର ଶିର୍ଷରେ ପହଞ୍ଚିଛି। ଶନିବାର ଅନୁଷ୍ଠିତ ମ୍ୟାଚ୍ ରେ ଶ୍ରୀଲଙ୍କା ଟସ୍ ଜିତି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଥିଲା। ଏଞ୍ଜେଲୋ ମାଥ୍ୟୁସ୍ ଙ୍କ ଦମଦାର ୧୧୩ ରନ ଓ ଥିରିମାନେଙ୍କ ୫୩ ରନ ବଳରେ ଶ୍ରୀଲଙ୍କା ୭ ୱିକେଟ୍ ହରାଇ କରିଥିଲା ୨୬୪ ରନ୍। ଏହାର ଜବାବରେ ଟିମ୍ ଇଣ୍ଡିଆ ୨୬୫ ରନର ବିଜୟ ଲକ୍ଷ ନେଇ ଷ୍ଟାଡିୟମକୁ ଓହ୍ଲାଇଥିବା ବେଳେ ୪୩.୩ ଓଭରରେ ୩ ୱିକେଟ୍ ବିନିମୟରେ ଏହି ଲକ୍ଷ ହାସଲ କରିନେଇଛି। ରୋହିତ ଶର୍ମା ପ୍ଲେୟାର ଅଫ ଦି ମ୍ୟାଚ୍ ବିବେଚିତ ହୋଇଛନ୍ତି।

ରୋହିତ ଶର୍ମାଙ୍କ ଚିତାକର୍ଷକ ୧୦୩ , କେଏଲ  ରାହୁଲଙ୍କ ୧୧୧ ଓ ଟିମ୍ ଇଣ୍ଡିଆ କ୍ୟାପ୍ଟେନ ବିରାଟ କୋହଲିଙ୍କ ଅପରାଜେୟ ୩୪ ରନ ବଳରେ ଟିମ୍ ଇଣ୍ଡିଆ ଏହି ବିଜୟ ହାସଲ କରିଛି। ଏହା ସହ ପଏଣ୍ଟ ଟେବୁଲରେ ଟିମ ଇଣ୍ଡିଆର ପଏଣ୍ଟ ୧୫ରେ ପହଞ୍ଚି ଛି। ଶ୍ରୀଲଙ୍କା ପ୍ରଥମେ ବ୍ୟାଟିଂ କରିଥିବା ବେଳେ ଓପ୍ନିଂ ଯୋଡି କରୁଣାରତ୍ନେ ଓ ପେରେରା ଯଥାକ୍ରମେ ୧୦ ଓ ୧୮ ରନ କରି ବୁମରାହଙ୍କ ବଲରେ ଧୋନୀଙ୍କ ଦ୍ୱାରା କ୍ୟାଚ୍ ଆଉଟ ହୋଇଥିଲେ। ପରେ ଆସିଥିବା ଫେର୍ଣ୍ଣାଣ୍ଡୋ ୨୦ ରନ କରିଥିବା ବେଳେ  ପାଣ୍ଡ୍ୟାଙ୍କ ବଲରେ ଧୋନୀଙ୍କ ଦ୍ୱାରା କ୍ୟାଚ୍ ଆଉଟ୍ ହୋଇ ପ୍ୟାଭିଲିୟନ କୁ ଫେରିଥିଲେ।  ତେବେ ମାଥ୍ୟୁସ ଓ ଥିରିମାନେ ଟିମର ପରିସ୍ଥିତିରେ ସୁଧାର ଆଣିଥିଲେ।  ଡିସିଲଭା ୨୯ ରନ କରି କ୍ରିଜରେ ଥିବା ବେଳେ ନିର୍ଦ୍ଧାରିତ ୫୦ ଓଭର ଶେଷ ହୋଇଥିଲା। ୨୬୪ ରନରେ ଅଟକି ଯାଇଥିଲା ଶ୍ରୀଲଙ୍କା।

ଏହାର ଜବାବରେ ଭାରତର ୨ ଓପ୍ନର ଯୋଡି କେ.ଏଲ. ରାହୁଲ ଓ ରୋହିତ ଶର୍ମା ପ୍ରଥମରୁ ଶତକ ମୁଡରେ ରହିବା ବେଳେ ରୋହିତ ତାଙ୍କ ୱାର୍ଲଡ କପ୍ ର ୫ମ ଶତକ ହାସଲ କରିଥିଲେ। ୧୦୩ ରନ କରି ଖେଳୁଥିବା ବେଳେ ରୋହିତ ରଜିଥାଙ୍କ ବଲରେ ମାଥ୍ୟୁସଙ୍କ କ୍ୟାଚ୍ ହୋଇଥିଲେ। ସେତେବେଳେ ରାହୁଲଙ୍କ ବ୍ୟକ୍ତିଗତ ସ୍କୋର ୬୬ରେ ପହଞ୍ଚିଥିଲା। ତେବେ କ୍ୟାପ୍ଟେନ ବିରାଟଙ୍କ ସହଯୋଗରେ ରାହୁଲ ବିଶ୍ୱକପ୍ ରେ ଶନିବାର ତାଙ୍କର  ପ୍ରଥମ ଶତକୀୟ ଇନିଂସ ଖେଳି ୧୧୧ ରନ କରିଛନ୍ତି। ଭାରତର ବୁମରାହଙ୍କୁ ଶନିବାର ୩ଟି ୱିକେଟ୍ ମିଳିଥିବା ବେଳେ ପାଣ୍ଡ୍ୟାଙ୍କୁ -୨,ଜାଡେଜାଙ୍କୁ ଗୋଟିଏ ଓ ଯାଦବଙ୍କୁ ଗୋଟିଏ ଲେଖାଏଁ ୱିକେଟ୍ ମିଳିଛି। ସେହିପରି ଶ୍ରୀଲଙ୍କାର ରଜିଥାଙ୍କୁ ଗୋଟିଏ, ମଲିଙ୍ଗାଙ୍କୁ ଗୋଟିଏ ଓ ଉଡାନାଙ୍କୁ ଗୋଟିଏ ୱିକେଟ୍ ମିଳିଛି।

   Related Posts