Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବାରବାଟୀରେ ହେବନି ଭାରତ-ଓ୍ଵେଷ୍ଟଇଣ୍ଡିଜ ଟି-୨୦ ମ୍ୟାଚ୍, ଦର୍ଶକ ନିରାଶ
  • ||
  • ଆଇପିଏଲ ନିଲାମୀ ତାଲିକାରୁ କ୍ରିସ୍ ଗେଲ୍‌ଙ୍କ ସମେତ ଏହି ଖେଳାଳି ବାହାର
  • ||
  • Syed Modi International: ଫାଇନାଲ୍‌ରେ ପହଞ୍ଚିଲେ ପିଭି ସିନ୍ଧୁ, ମାଲଭିକାଙ୍କ ସହ ଟାଇଟଲ୍‌ ମୁକାବିଲା
  • ||
  • IPLରେ ଜଲଓ୍ବା ଦେଖାଇବେ ଶ୍ରୀସନ୍ତ, ନିଲାମୀ ପାଇଁ ବେସ୍‌ ପ୍ରାଇସ୍ ରହିଛି ୫୦ ଲକ୍ଷ ଟଙ୍କା
  • ||
  • ଜାମ୍ମୁ କାଶ୍ମୀରରେ ଭାରତୀୟ ସେନା ପକ୍ଷରୁ ଏନକାଉଣ୍ଟର, ଜଣେ ଆତଙ୍କବାଦୀ ସଫା, ସର୍ଚ୍ଚ ଅପରେସନ ଜାରି
  • ||
  • ୟେମେନ ଗଣହତ୍ୟାକୁ ନିନ୍ଦା କଲା ଜାତିସଂଘ, ସାଉଦିର ବିମାନ ଆକ୍ରମଣରେ ନିହତ ହୋଇଥିଲେ ୭୦ ବିଦ୍ରୋହୀ
  • ||
  • ସୋର : ଟ୍ରକ୍ ସହ ଧକ୍କା ହୋଇ ନୟନଜୋରିକୁ ଓଲଟିଲା ବସ୍, ୫ ଜଣଙ୍କ ମୃତ୍ୟୁ, କିଛି ଲୋକ ଚାପି ହୋଇ ରହିଥିବା ସନ୍ଦେହ
  • ||
  • ଭଦ୍ରକରେ ବିଜେପିକୁ ଝଟ୍‌କା, ଦଳ ଛାଡିଲେ ଶତାଧିକ ବରିଷ୍ଠ ନେତା ଓ କର୍ମୀ
  • ||
  • ୨୦ ମହଲା କୋଠାରେ ଭୀଷଣ ଅଗ୍ନିକାଣ୍ଡ, ୧୫ ଆହତ
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୩ ଲକ୍ଷ ୩୭ ହଜାରରୁ ଅଧିକ କରୋନା ପଜିଟିଭ୍, ୪୮୮ ମୃତ
  • ||

ସେମିଫାଇନାଲରେ କେଉଁ ଟିମ ସହ ଖେଳିବାକୁ ଚାହୁଁଚି ଟିମ ଇଣ୍ଡିଆ ? ଜାଣନ୍ତୁ କ’ଣ କହିଲେ ବିରାଟ

7/07/2019 at 12:15 PM

ଆଇସିସି ବିଶ୍ୱକପ କ୍ରିକେଟର ୪୪ତମ ମ୍ୟାଚ ଗତକାଲି ଶ୍ରୀଲଙ୍କା ଓ ଭାରତ ମଧ୍ୟରେ ଖେଳା ଯାଇଥିଲା । ଶ୍ରୀଲଙ୍କା ଟସ ଜିତି ପ୍ରଥମେ ବ୍ୟାଟିଂ ନିଵାସଃପତ୍ତି ନେଇଥିଲା । ଶ୍ରୀଲଙ୍କା ୫୦ ଓଭରରେ ୭ଟି ଉଇକେଟ ହରାଇ ୨୬୪ ରନ କରିଥିଲା । 

ଭାରତର ଓପନିଂ ବ୍ୟଟ୍ସମ୍ୟାନ ରୋହିତ ଶର୍ମା ୧୦୩ ରନ ଏବଂ କେ.ଏଲ.ରାହୁଲ ୧୧୧ ରନ କରିଥିଲେ । ଟିମ ଇଣ୍ଡିଆ ୭ ଉଇକେଟ ହରାଇ ଶ୍ରୀଲଙ୍କାକୁ ପରାସ୍ତ କରିଥିଲା । ଏହି ମ୍ୟାଚରେ ଦମଦାର ପ୍ରଦର୍ଶନ କରିଥିବା ରୋହିତ ଶର୍ମାଙ୍କୁ ମ୍ୟାନ ଅଫ ଦ ମ୍ୟାଚ ଚୟନ କରାଯାଇଥିଲା । ମ୍ୟାଚ ସାରିବା ପରେ ପ୍ରେଜେଣ୍ଟେସନ ବେଳେ ଅଧିନାୟକ ବିରାଟ କୋହଲି ନିଜର ପ୍ରତିକ୍ରିୟା ରଖିଥିଲେ । ସେ କଣ କହିଥିଲେ ଆସନ୍ତୁ ଜାଣିବା :

ବିରାଟ କହିଥିଲେ ଯେ, ଟିମ ଇଣ୍ଡିଆ ଆହୁରି ଭଲ ପ୍ରଦର୍ଶନ କରିବାକୁ ଚାହୁଁଚି । କିନ୍ତୁ ସେମିଫାଇନାଲରେ ପହଂଚିବାକୁ ଏହିଭଳି ସ୍କୋର ଲାଇନ ଆଶା ସେ ରଖିନଥିଲେ । ଟିମ ଇଣ୍ଡିଆ ଯେଉଁଭଳି ନିରନ୍ତର ପ୍ରଦର୍ଶନ କରିଛି ତାହା ସତରେ ପ୍ରଶଂସନୀୟ । ଏହା ଖେଳାଳିଙ୍କ ପରିଶ୍ରମର ଫଳ ବୋଲି କହିଥିଲେ ବିରାଟ । ସେ ଏହି ଟିମର ଅଧିନାୟକ ହୋଇ ବହୁତ ଗର୍ବିତ ବୋଲି କହିଥିଲେ ବିରାଟ ।

ଏହାପରେ ବିରାଟଙ୍କୁ ପଚାର ଯାଇଥିଲା ଯେ ସେ ସେମିଫାଇନାଲରେ କେଉଁ ଟିମ ସହ ଖେଳିବାକୁ ଚାହୁଁଛନ୍ତି । ଜବାବରେ ସେ କହିଥିଲେ ଯେ ଟିମ ଇଣ୍ଡିଆ ପାଇଁ ବିପକ୍ଷ ଟିମ କୌଣସି ମହତ୍ୱ ରଖେନାହିଁ । ସେମିଫାଇନାଲରେ କେଉଁ ଟିମ ଭାରତ ବିପକ୍ଷରେ ଖେଳିବ ସେଥିପ୍ରତି ତାଙ୍କର ଦୃଷ୍ଟି ନାହିଁ । ଯଦି ଟିମ ଇଣ୍ଡିଆ ଭଲ ନଖେଳେ ତାହେଲେ ଯେକୌଣସି ଟିମ ତାଙ୍କୁ ପରାସ୍ତ କରିପାରିବ । ଆଉ ଯଦି ସେମାନେ ଭଲ ଖେଳନ୍ତି ତାହେଲେ କୌଣସି ଟିମ ତାଙ୍କୁ ପରାସ୍ତ କରିପାରିବ ନାହିଁ ବୋଲି କହିଥିଲେ ବିରାଟ । ଟିମ ଇଣ୍ଡିଆ ପୁରା ଧ୍ୟାନ ଏବଂ ଆତ୍ମବିଶ୍ୱାସର ସହ ସେମିଫାଇନାଲ ଖେଳିବା ପାଇଁ ମୈଦାନରେ ଓହ୍ଲାଇବ । ଫଳାଫଳ ଟିମ ଇଣ୍ଡିଆ ସପକ୍ଷରେ ହେବ ଆବଶ୍ୟକ, କାହା ବିପକ୍ଷରେ ଖେଳୁଛି ତାହା ଆବଶ୍ୟକ ନୁହେଁ ବୋଲି କହିଥିଲେ ବିରାଟ ।

ହାର୍ଦ୍ଧିକ ପାଣ୍ଡ୍ୟାଙ୍କ ସମ୍ପର୍କରେ ବିରାଟ କହିଥିଲେ, ଆରମ୍ଭର ୩ଟି ମ୍ୟାଚ ପରେ ପାଣ୍ଡ୍ୟା ବହୁତ ଭଲ ପ୍ରଦର୍ଶନ କରିଛନ୍ତି । ସେ ବୋଲିଂ କଲାବେଳେ ଜଣେ ବ୍ୟାଟ୍ସମ୍ୟାନ ଭଳି ଚିନ୍ତା କରନ୍ତି । ସେ ପୁରା ଭରସା ଓ ଆତ୍ମବିଶ୍ୱାସର ସହ ଖେଳନ୍ତି । ପାଣ୍ଡ୍ୟାଙ୍କ ଭଳି ଖେଳାଳି ଟିମର କମ୍ବିନେସନ ପାଇଁ ଅତ୍ୟନ୍ତ ଜରୁରୀ । ପାଣ୍ଡ୍ୟା ଆହୁରି ଦୁଇଟି ସର୍ବୋତ୍ତମ ପ୍ରଦର୍ଶନ କରିବେ ବୋଲି ସେ ଆଶା ରଖିଛନ୍ତି ବୋଲି କହିଥିଲେ ବିରାଟ ।

   Related Posts