Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୪ କ୍ବିଣ୍ଟାଲ ୬୦ କେଜି ଚନ୍ଦନ କାଠ ଜବତ: ଆନୁମାନିକ ମୂଲ୍ୟ ୭୦ ଲକ୍ଷ ଟଙ୍କାରୁ ଅଧିକ
  • ||
  • ଜଳେଶ୍ବର: ବିଶାଖା ଏଗ୍ରୋ ସୋରୁମ୍ ଆଗରେ ଚାଷୀମାନଙ୍କ ପକ୍ଷରୁ ଆମରଣ ଅନଶନ
  • ||
  • ଅପରାହ୍ନରେ ସ୍ଥଳଭାଗ ଛୁଇଁବ ‘ବୁରେଭି’ : କେରଳ-ତାମିଲନାଡୁର କିଛି ଜିଲ୍ଲାରେ ଛୁଟି ଘୋଷଣା, ବିମାନବନ୍ଦର ବନ୍ଦ
  • ||
  • ଜଗତପୁର : ଧାନ କଟାଳୀଙ୍କୁ ଶୁଣ୍ଢରେ କଚାଡି ମାରିଲା ହାତୀ
  • ||
  • ବାଲେଶ୍ବର ଓ ମୟୁରଭଞ୍ଜରେ ମୃଦୁ ଭୂକମ୍ପ ଝଟ୍‌କା ଅନୁଭୂତ
  • ||
  • ଆଜି ପ୍ରଥମ ଟି୨୦ : ଅଷ୍ଟ୍ରେଲିଆକୁ କଡା ଟକ୍କର ଦେବ ଭାରତ, ଓ୍ୱାର୍ଣ୍ଣରଙ୍କ ଅନୁପସ୍ଥିତିର ଫାଇଦା ନେବ ବିରାଟ ବାହିନୀ
  • ||
  • ଜି.ଉଦୟଗିରି : ନାବାଳିକା ଝିଅକୁ ଦୁଷ୍କର୍ମ ଅଭିଯୋଗ, ଅଭିଯୁକ୍ତକୁ ଗିରଫ କଲା ପୋଲିସ
  • ||
  • ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର: ପ୍ରାଥମିକ ତଦନ୍ତରୁ ହତ୍ୟା ସନ୍ଦେହ
  • ||
  • ପୋଲିସ୍‌ ଏବଂ ଜୁଆ ଆଡ୍ଡା ମାଲିକଙ୍କ କଥାବାର୍ତ୍ତାର ଅଡିଓ କଲ ଭାଇରାଲ
  • ||
  • ହାଇଦ୍ରାବାଦ ମ୍ୟୁନିସିପାଲ କର୍ପୋରେସନ ନିର୍ବାଚନ : ଏବେସୁଦ୍ଧା ଆଗରେ ବିଜେପି, ପଛରେ ଟିଆରଏସ ଓ ଏଆଇଏମଆଇଏମ
  • ||

ଭାରତୀୟ କ୍ରିକେଟ୍ ଟିମ୍‌ରେ ବିରାଟ କୋହଲିଙ୍କୁ ବିରୋଧ, ଅଧିନାୟକ ପଦରୁ ହଟାଇବାକୁ ଦାବି !

23/07/2019 at 8:45 AM

ମୁମ୍ବାଇ ୨୩|୭: ଭାରତୀୟ କ୍ରିକେଟ୍ ଟିମ୍ ଆସନ୍ତା ମାସରେ ଓ୍ବେଷ୍ଟଇଣ୍ଡିଜ ଗସ୍ତରେ ଯାଉଛି । ସେଠାରେ ଓ୍ବେଷ୍ଟଇଣ୍ଡିଜ୍ ବିପକ୍ଷରେ ଭାରତୀୟ ଟିମ୍ ଟି-୨୦, ଟେଷ୍ଟ ଏବଂ ଏକଦିବସୀୟ ମ୍ୟାଚ୍ ଖେଳିବ ।  ଓ୍ବେଷ୍ଟଇଣ୍ଡିଜ୍ ଗସ୍ତ ପୂର୍ବରୁ ଅଧିନାୟକତ୍ବକୁ ନେଇ କିଛି ଖବର ଏବେ ଚର୍ଚ୍ଚା ହେଉଛି ।

ଏକ ଜାତୀୟ ଗଣମାଧ୍ୟମ ରିପୋର୍ଟ ଅନୁସାରେ ଭାରତୀୟ ଟିମ୍ ରେ ଖେଳାଳିଙ୍କ ମଧ୍ୟରେ ତାଳମେଳ ଠିକ୍ ନାହିଁ । ଭାରତୀୟ ଟିମ୍ ର ଅଧିନାୟକ ବିରାଟ କୋହଲି ଏବଂ ଉପ-ଅଧିନାୟକ ରୋହିତ ଶର୍ମାଙ୍କ ମଧ୍ୟରେ ବିବାଦ ଦେଖାଦେଇଛି । ବିଶ୍ବକପ୍ ୨୦୧୯ ବେଳେ ହିଁ ଉଭୟଙ୍କ ମଧ୍ୟରେ ସବୁକିଛି ଠିକ୍ ନଥିଲା । ଏ ଖବରକୁ ଭାରତୀୟ ଟିମ୍ ମ୍ୟାନେଜମେଣ୍ଟ ଚପାଇବା ପାଇଁ ବହୁତ ଚେଷ୍ଟା ମଧ୍ୟ କରିଥିଲା । ମାତ୍ର ବିଶ୍ବକପ୍ ସେମିଫାଇନାଲରେ ଭାରତ ହାରିବା ପରେ ଏ ଖବର ଡ୍ରେସିଂ ରୁମ୍ ରୁ ବାହାରି ବାହାରେ ଚର୍ଚ୍ଚା ହେବାରେ ଲାଗିଛି।

ରିପୋର୍ଟ ଅନୁସାରେ ଭାରତୀୟ ଟିମ୍ ବିଶ୍ବକପ୍ ରେ ଦୁଇ ଭାଗରେ ବିଭକ୍ତ ହୋଇ ଖେଳିଥିଲା । ଗୋଟିଏ ଗ୍ରୁପ ବିରାଟ କୋହଲିଙ୍କର ଥିବାବେଳେ ଅନ୍ୟଟି ରୋହିତ ଶର୍ମାଙ୍କର ଥିଲା । ରୋହିତ ଶର୍ମାଙ୍କ ଗ୍ରୁପର ଖେଳାଳିମାନଙ୍କୁ ବିରାଟ କୋହଲି ଏବଂ ରବି ଶାସ୍ତ୍ରୀଙ୍କ ନିଷ୍ପତ୍ତି ପସନ୍ଦ ଆସୁନଥିଲା ।

ସେମିଫାଇନାଲରେ ହାରିବା ପରେ ରୋହିତ ଶର୍ମାଙ୍କ ଗ୍ରୁପ୍ ବିରାଟ କୋହଲିଙ୍କୁ ଅଧିନାୟକ ପଦରୁ ହଟାଇବା ପାଇଁ ମଧ୍ୟ କହିଥିଲେ । ବିରାଟ କୋହଲି ଏପର୍ଯ୍ୟନ୍ତ କୌଣସି ଆଇସିସି ଟୁର୍ଣ୍ଣାମେଣ୍ଟ ଜିତିନାହାନ୍ତି । ବୋଲିଂ କୋଚ୍ ଭରତ ଅରୁଣ ମଧ୍ୟ ସ୍ବୀକାର କରିଥିଲେ ଯେ, କିଛି ଖେଳାଳି ଏକ ଟିମ୍ ଭାବେ କାମ କରୁଛନ୍ତି । ମାତ୍ର ବାଦ-ବିବାଦରେ ଏଭଳି ହୋଇଥାଏ ବୋଲି ସେ କହିଥିଲେ ।

ବିଶ୍ବକପ୍ ପରେ ବିସିସିଆଇ ଆଗରେ ଟେଷ୍ଟ ପାଇଁ ଅଲଗା ଏବଂ ଏକଦିବସୀୟ ଓ ଟି-୨୦ ଫର୍ମାଟ ପାଇଁ ଅଲଗା ଭାବେ ଅଧିନାୟକ ଚୟନ କରାଯିବା ପାଇଁ ଦାବି ଉଠିଥିଲା । ବିସିସିଆଇର କିଛି ଅଧିକାରୀ ରୋହିତ ଶର୍ମାଙ୍କୁ ଏକଦିବସୀୟ ଟିମ୍ ର ଅଧିନାୟକ କରିବାକୁ ମଧ୍ୟ କହିବା ଆରମ୍ଭ କରିଥିଲେ । ମାତ୍ର ଏସବୁ ଭିତରେ ବିରାଟ କୋହଲି ଓ୍ବେଷ୍ଟଇଣ୍ଡିଜ୍ ଗସ୍ତରେ ସବୁ ଫର୍ମାଟରେ ଖେଳିବାକୁ ଘୋଷଣା କରିଦେଲେ । ରିପୋର୍ଟ ଅନୁଯାୟୀ ବିରାଟ କୋହଲିଙ୍କର ପ୍ରଥମେ ଓ୍ବେଷ୍ଟଇଣ୍ଡିଜ୍ ଗସ୍ତରେ ଯିବାର ନଥିଲା ମାତ୍ର ପରେ ସେ ଓ୍ବେଷ୍ଟଇଣ୍ଡିଜ୍ ଗସ୍ତରେ ଯିବାର ନିଷ୍ପତ୍ତି ନେଇଥିଲେ ।

   Related Posts