Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ICC ଟି-୨୦ ରାଙ୍କିଂ : ୪ର୍ଥ ସ୍ଥାନରେ ପାକିସ୍ତାନ ବ୍ୟାଟ୍ସମ୍ୟାନ୍‌ ମହମ୍ମଦ ରିଜଓ୍ବାନ, ବିରାଟ କୋହଲି (୫) ଏବଂ ଲୋକେସ ରାହୁଲ (୮) ଖସିଲେ
  • ||
  • କରଞ୍ଜିଆ : ନଭେମ୍ବର ପହିଲାରୁ ଖୋଲିବ ଶିମିଳିପାଳ ଜାତୀୟ ଉଦ୍ୟାନ
  • ||
  • ସୋର : ଭଙ୍ଗା ଘରୁ ମିଳିଲା ପୁଳା ପୁଳା ରାସନ କାର୍ଡ, ଲୋକଙ୍କୁ ଦିଆନଯାଇ ଲୁଚାଇ ରଖାଯାଇଥିଲା କାହିଁକି ?
  • ||
  • ଆନନ୍ଦପୁର : କଣ୍ଡକ୍ଟରଙ୍କ ଭୁଲ୍, ଯାତ୍ରୀଙ୍କ ଗୋଡ ଉପରେ ଚଢିଗଲା ବସ୍
  • ||
  • କୋଣାର୍କ : ବାଇକ୍ ଚୋରି ରାକେଟ୍ ଠାବ : ୮ ବାଇକ୍ ସହ ୪ ଅଭିଯୁକ୍ତ ଗିରଫ
  • ||
  • ତେଲକୋଇ : କାଞ୍ଜିପାଣି ଘାଟିରେ ଭାରସ୍ୟାମ ହରାଇ ଓଲଟିଲା ଅଟୋ, ୫ବର୍ଷର ଶିଶୁ ସମେତ ୩ ଗୁରୁତର
  • ||
  • ଚାନ୍ଦବାଲି : ଅଘୋଷିତ ବିଦ୍ୟୁତ କାଟ୍ : ଦୀର୍ଘ ୧୨ଘଣ୍ଟା ଧରି ଅନ୍ଧାରରେ ରହିଲା ଆଖଣ୍ଡଳମଣୀ ପୀଠ
  • ||
  • ଭୁବନେଶ୍ବର : ନଭେମ୍ବର ୧ରୁ ଯୁକ୍ତ ୩ ପ୍ରଥମ ବର୍ଷ ଏବଂ ୧୫ରୁ ପିଜି ପ୍ରଥମ ବର୍ଷ କ୍ଲାସ୍ ଖୋଲିବ
  • ||
  • ଖୋର୍ଦ୍ଧା : ୩ ଦିନ ହେବ ଚିଲିକା ମଝିରେ ଫସିଥିଲା ଡଙ୍ଗା, ୨ ମତ୍ସ୍ୟଜୀବୀଙ୍କ ସହ ୧୦ବର୍ଷର ଛୁଆ ଉଦ୍ଧାର
  • ||
  • ଭୁବନେଶ୍ବର : ମମିତା ମେହେର ହତ୍ୟା ଘଟଣାରେ ନୀରବତାକୁ ବରଦାସ୍ତ କରାଯିବନି : କଂଗ୍ରେସ
  • ||

ଭାରତୀୟ କ୍ରିକେଟ ଟିମର ଘରୋଇ ଖେଳସୂଚୀ ଜାରିକଲା ବିସିସିଆଇ : ଖେଳାଯିବ ୧୪ ଟି-୨୦, ୪ ଟେଷ୍ଟ ଏବଂ ୩ଟି ଦିନିକିଆ

20/09/2021 at 7:11 PM

ନୂଆଦିଲ୍ଲୀ ୨୦/୦୯ : ଭାରତୀୟ କ୍ରିକେଟର ଘରୋଇ ସିଜିନ୍ ଘୋଷଣା କରିଛି ଭାରତୀୟ କ୍ରିକେଟ କଣ୍ଟ୍ରୋଲ୍ ବୋର୍ଡ (BCCI) । ଘରୋଇ ସିଜିନ୍‌ ୨୦୨୧-୨୦୨୨ ପାଇଁ ଭାରତୀୟ ଟିମ ଖେଳିବାକୁ ଥିବା ସିରିଜ୍‌ର ସୂଚୀ ଘୋଷଣା ହୋଇଛି । ଭାରତୀୟ ଟିମ ମୋଟ ୧୪ଟି ଟ୍ବେଣ୍ଟି ଟ୍ବେଣ୍ଟି ମ୍ୟାଚ ଖେଳିବାକୁ ଥିବା ବେଳେ ୪ଟି ଟେଷ୍ଟ ଏବଂ ୩ଟି ଦିନିକିଆ ମ୍ୟାଚ ଖେଳିବ । ଘରୋଇ ପିଚ୍‌ରେ ନ୍ୟୁଜିଲାଣ୍ଡ, ଓ୍ବେଷ୍ଟଇଣ୍ଡିଜ୍‌, ଶ୍ରୀଲଙ୍କା ଏବଂ ଦକ୍ଷିଣ ଆଫ୍ରିକାକୁ ଭେଟିବ ଟିମ୍‌ ଇଣ୍ଡିଆ ।

ସେହିଭଳି ଏପ୍ରିଲ ମାସରେ କ୍ରିକେଟ ପ୍ରେମୀଙ୍କୁ IPL ୨୦୨୨ର ଫଟାଫଟ୍‌ ଟୁର୍ଣ୍ଣମେଣ୍ଟ ବି ମିଳିବ । ଭାରତୀୟ ଟିମର ଘରୋଇ ସିଜିନ୍‌ ଚଳିତ ବର୍ଷ ନଭେମ୍ବର ମାସରୁ ହିଁ ଆରମ୍ଭ ହୋଇଯିବ ଯାହାକି ଜୁନ୍‌ ୧୯ ତାରିଖ ୨୦୨୨ ଯାଏଁ ଜାରି ରହିବ । ପ୍ରଥମେ ଓ୍ବେଷ୍ଟଇଣ୍ଡିଜ୍‌ ଦଳଭାରତ ଗସ୍ତରେ ଆସିବାର କାର୍ଯ୍ୟକ୍ରମ ରହିଛି । ଶେଷରେ ଦକ୍ଷିଣ ଆଫ୍ରିକାର ଭାରତ ଗସ୍ତ ରହିଛି ।

ଟ୍ବେଣ୍ଟି ଟ୍ବେଣ୍ଟି ବିଶ୍ବକପ ଶେଷ ହେବାର ମାତ୍ର ୩ ଦିନ ପରେ ଭାରତ ଏବଂ ନ୍ୟୁଜିଲାଣ୍ଡ ମଧ୍ୟରେ ଜୟପୁରରେ ଟି-୨୦ ସିରିଜ୍‌ ଆରମ୍ଭ ହେବ । ପ୍ରଥମ ଟି-୨୦ ନଭେମ୍ବର ୧୭ ତାରିଖ ଜୟପୁର, ଦ୍ବିତୀୟ ୧୯ ତାରିଖ ରାଞ୍ଚି ଏବଂ ତୃତୀୟ ଟ୍ବେଣ୍ଟି ଟ୍ବେଣ୍ଟି ନଭେମ୍ବର ୨୧ ତାରିଖରେ କୋଲକାତାରେ ଖେଳାଯିବ ।ଏହା ପରେ ଟେଷ୍ଟ ସିରିଜ୍‌ ଖେଳାଯିବ । ପ୍ରଥମ ଟେଷ୍ଟ ନଭେମ୍ବର ୨୫ରେ କାନପୁର ଏବଂ ଦ୍ବିତୀୟ ଟେଷ୍ଟ ମୁମ୍ବାଇରେ ଡିସେମ୍ବର ୩ ତାରିଖରେ ଖେଳାଯିବାର କାର୍ଯ୍ୟକ୍ରମ ରହିଛି ।

ଘରୋଇ ସିଜିନ୍‌ର ଦ୍ବିତୀୟ ସିରିଜ୍‌ର ଓ୍ବେଷ୍ଟଇଣ୍ଡିଜ୍‌ ବିପକ୍ଷରେ ଖେଳାଯିବ । ଓ୍ବେଷ୍ଟଇଣ୍ଡିଜ୍‌ ଟିମ ବିପକ୍ଷରେ ୩ଟି ଦିନିକିଆ ଏବଂ ୩ଟି ଟ୍ବେଣ୍ଟି ଟ୍ବେଣ୍ଟି ମ୍ୟାଚ୍‌ ଖେଳିବ ଭାରତ । ଓ୍ବେଷ୍ଟଇଣ୍ଡିଜ୍‌ ଟିମ ୬ ଫେବୃୟାରୀରେ ଅହମଦାବାଦ, ୯ରେ ଜୟପୁର ଏବଂ ୧୨ ତାରିଖରେ କୋଲକାତାରେ ଦିନିକିଆ ମ୍ୟାଚ ଖେଳିବ । ଏହା ପରେ କଟକରେ ପ୍ରଥମ ଟ୍ବେଣ୍ଟି ଟ୍ବେଣ୍ଟି ମ୍ୟାଚ ଖେଳିବ କାରବିଆନ୍‌ ଟିମ୍‌ । ୧୮ ତାରିଖରେ ବିଶାଖାପାଟନମ୍‌​‌ରେ ଦ୍ବିତୀୟ ଏବଂ ୨୦ରେ ତ୍ରିବେନ୍ଦ୍ରମ୍‌ରେ ୩ୟ ଟି-୨୦ ଖେଳାଯିବ ।

ଫେବୃଆରୀ ୨୫ରୁ ଭାରତ ଏବଂ ଶ୍ରୀଲଙ୍କା ମଧ୍ୟରେ ଦୁଇ ମ୍ୟାଚ୍‌ ବିଶିଷ୍ଟ ଟେଷ୍ଟ ସିରିଜ୍ ହେବ । ପ୍ରଥମ ଟେଷ୍ଟ ବାଙ୍ଗାଲୋରରେ ଏବଂ ଦ୍ୱିତୀୟ ଟେଷ୍ଟ ମାର୍ଚ୍ଚ ୫ରୁ ମୋହାଲିରେ ଖେଳାଯିବ। ଏହା ବ୍ୟତୀତ ମୋହାଲି, ଧର୍ମଶାଳା ଏବଂ ଲକ୍ଷ୍ନୌରେ ଟି -୨୦ ମ୍ୟାଚ୍ ମଧ୍ୟ ଅନୁଷ୍ଠିତ ହେବ। ମାର୍ଚ୍ଚ ୧୩, ୧୫ ଏବଂ ୧୮ରେ ଟି -୨୦ ମ୍ୟାଚ୍ ଖେଳାଯିବ ।

ଆଇପିଏଲ ୨୦୨୨ ଏପ୍ରିଲ ଏବଂ ମେ ମାସରେ ଅନୁଷ୍ଠିତ ହେବ । କିନ୍ତୁ କାର୍ଯ୍ୟସୂଚୀ ଏପର୍ଯ୍ୟନ୍ତ ଘୋଷଣା ହୋଇନାହିଁ । ଏଥି ସହିତ ଜୁନ ମାସରେ ଭାରତ ଏବଂ ଦକ୍ଷିଣ ଆଫ୍ରିକା ମଧ୍ୟରେ ପାଞ୍ଚଟି ଟି -୨୦ ମ୍ୟାଚ୍ ଖେଳାଯିବ । ପ୍ରଥମ ଟି -୨୦ ଜୁନ୍ ୯ରେ ଚେନ୍ନାଇରେ ଖେଳାଯିବ । ଏହା ପରେ ବାଙ୍ଗାଲୋରରେ ୧୨ ଜୁନ୍, ୧୪ରେ ନାଗପୁର, ୧୫ରେ ରାଜକୋଟ ଏବଂ ୧୯ରେ ଦିଲ୍ଲୀରେ ଅନୁଷ୍ଠିତ ହେବ।

   Related Posts