Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଖଣ୍ଡପଡା : କଲେଜ ସମ୍ମୁଖରୁ ୨ ଛାତ୍ରୀଙ୍କୁ ଉଠାଇନେଲେ ଦୁର୍ବୃତ୍ତ, ପ୍ରତିବାଦରେ ଛାତ୍ରଛାତ୍ରୀଙ୍କ ରାସ୍ତାରୋକ
  • ||
  • ଭୁବନେଶ୍ବର : ୪ କୋଚ୍‌ଙ୍କୁ ବାଧ୍ୟତାମୂଳକ ଅବସର, ଅପାରଗତା ଓ ଦାୟିତ୍ବରେ ଅବହେଳା ପାଇଁ କାର୍ଯ୍ୟାନୁଷ୍ଠାନ
  • ||
  • ଗ୍ରାହକଙ୍କୁ ପୁଣି ମହଙ୍ଗା ମାଡ, ସିଲିଣ୍ଡର ପିଛା ୧୦୦ ଟଙ୍କା ବଢିଲା
  • ||
  • ସାନଖେମୁଣ୍ଡି : ବିଲରେ ପଡିଛି ନରକଙ୍କାଳ, ଧାନ କାଟିବା ବେଳେ ଦେଖିଲେ ଲୋକେ
  • ||
  • ସୁବର୍ଣ୍ଣପୁର : ମା’ ସୁରେଶ୍ଵରୀ ମନ୍ଦିରରୁ ଚୋରି ଘଟଣା : କାର୍ଯ୍ୟରେ ଅବହେଳା ପାଇଁ ୩ ପୋଲିସ କର୍ମଚାରୀ ସସ୍‌ପେଣ୍ଡ
  • ||
  • ଖଲ୍ଲିକୋଟ : ଜମିଜମା ବିବାଦକୁ କେନ୍ଦ୍ରକରି ଗାଁରୁ ବାସନ୍ଦ, ନ୍ୟାୟ ଦାବିରେ ଜିଲ୍ଲାପାଳ ଅଫିସ୍ ସମ୍ମୁଖରେ ଆମରଣ ଅନଶନରେ ବସିଲେ ବୃଦ୍ଧ ଦମ୍ପତ୍ତି
  • ||
  • ଭୁବନେଶ୍ବର : ଦରଦାମ୍ ବୃଦ୍ଧି ପ୍ରତିବାଦ ସହ ବିଭିନ୍ନ ପ୍ରସଙ୍ଗକୁ ନେଇ ରାଜଭବନ ସମ୍ମୁଖରେ ବିଜେଡିର ଧାରଣା
  • ||
  • ଭୁବନେଶ୍ବର : ବିଧାନସଭା ଶୀତକାଳୀନ ଅଧିବେଶନ : ଶୋକ ପ୍ରସ୍ତାବ ଆଗତ କଲେ ମୁଖ୍ୟମନ୍ତ୍ରୀ
  • ||
  • ଧର୍ମଗଡ : ଝୁଲନ୍ତା ଅବସ୍ଥାରେ ମିଳିଲା ଯୁବକଙ୍କ ମୃତଦେହ, ମୃତ୍ୟୁର କାରଣ ଅସ୍ପଷ୍ଟ
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୨୬୭ ମୃତ
  • ||

ଟିମ ଇଣ୍ଡିଆର ସେହି ଲଜ୍ଜାଜନକ ରେକର୍ଡ : ଖାତା ଖୋଲିବା ପୂର୍ବରୁ ହରାଇଥିଲା ୪ ଓ୍ବିକେଟ, ଗୋଟିଏ ଦିନରେ ଦୁଇ ଦୁଇ ଥର ଅଲଆଉଟ ହୋଇଯାଇଥିଲା ଭାରତ

7/06/2021 at 9:37 PM

ନୂଆଦିଲ୍ଲୀ ୦୭/ ୦୬ : ଦେଶ ସ୍ବାଧୀନ ହେବା ପରେ ପ୍ରଥମ ଥର ପାଇଁ ୧୯୫୨ ମସିହାରେ ଇଂଲଣ୍ଡ ଗସ୍ତ କରିଥିଲା ଭାରତୀୟ କ୍ରିକେଟ ଟିମ । ଏହି ଗସ୍ତର ପ୍ରଥମ ଟେଷ୍ଟ ମ୍ୟାଚରେ ହିଁ ଟିମ ଇଣ୍ଡିଆ ଏକ ଅଲୋଡା ରେକର୍ଡ ତିଆରି କରିଥିଲା । ଯାହାକି ଏବେ ମଧ୍ୟ ରେକର୍ଡରେ ଲିପିବଦ୍ଧ ହୋଇ ରହିଛି । ୬୯ ବର୍ଷ ପୂର୍ବେ ଆଜିର ଦିନରେ ଟେଷ୍ଟ ଇନିଂସରେ ଖାତା ଖୋଲିବା ପୂର୍ବରୁ ୪ଟି ଓ୍ବିକେଟ ହରାଇଥିଲା । ୧୪୪ ବର୍ଷ ଟେଷ୍ଟ କ୍ରିକେଟ ଇତିହାସରେ ଏହା ଥିଲା ଟିମ ଇଣ୍ଡିଆ ପାଇଁ ସବୁଠାରୁ ଖରାପ ରେକର୍ଡ ।

ଅବଦୁଲ ହଫିଜ କାରଦାର, ଆମିର ଏଲାହି ଏବଂ ଗୁଲ ମହମ୍ମଦଙ୍କ ପରି ଖେଳାଳିମାନେ ଭାରତ ବିଭାଜନ ପରେ ପାକିସ୍ତାନ ଚାଲିଯାଇଥିଲେ । ଏଭଳି ପରିସ୍ଥିତିରେ ବିଜୟ ହଜାରେଙ୍କ ଅଧିନାୟକତ୍ବରେ ଖେଳୁଥିବା ଭାରତୀୟ ଟିମ ବେଶ ଦୁର୍ବଳ ହୋଇଯାଇଥିଲା । ୪ ମ୍ୟାଚ ବିଶିଷ୍ଟ ଟେଷ୍ଟ ସିରିଜ ଲିଡସ୍‌ ଷ୍ଟାଡିୟମରେ ଜୁନ ୫ ତାରିଖରୁ ଆରମ୍ଭ ହୋଇଥିଲା । ଟସ ଜିତି ପ୍ରଥମେ ବ୍ୟାଟିଂ କରିଥିବା ଭାରତ ପ୍ରଥମ ଇନିଂସରେ ୨୯୩ ରନ କରି ଅଲଆଉଟ ହୋଇଯାଇଥିଲା । ଭାରତ ପକ୍ଷରୁ ବିଜୟ ମଞ୍ଜରେକର ଦମଦାର ୧୩୩ ରନ ଏବଂ ବିଜୟ ହଜାରେ ୮୯ ରନ କରିଥିଲେ । ଇଂଲଣ୍ଡ ପକ୍ଷରୁ ଜିମ ଲେକର ୪ ଏବଂ ଫ୍ରେଡ୍‌ ଟ୍ରୁମେନ ୩ ଓ୍ବିକେଟ ନେଇଥିଲେ । ଭାରତର ୨୯୩ ରନ ଜବାବରେ ଇଂଲଣ୍ଡ ୩୩୪ ରନ କରିଥିଲା ଏବଂ ୪୧ ରନର ଲିଡ ନେଇଥିଲା ।

ତେବେ ଟେଷ୍ଟ ମ୍ୟାଚର ତୃତୀୟ ଦିନ ଅର୍ଥାତ ଜୁନ ୭ ତାରିଖରେ ଅଲୋଡା ରେକର୍ଡ କରିଥିଲା ଭାରତ । ଦ୍ବିତୀୟ ଇନିଂସରେ ବ୍ୟାଟିଂ କରିବାକୁ ଆସିଥିବା ଭାରତୀୟ ଟିମ କୌଣସି ରନ କରିବା ପୂର୍ବରୁ ୪ଟି ଓ୍ବିକେଟ ହରାଇଥିଲା । ପଙ୍କଜ ରାୟ, ଦତ୍ତା ଗାୟକଓ୍ବାଡ, ମାଧବ ମନ୍ତ୍ରୀ ଏବଂ ଷ୍ଟାର ବ୍ୟାଟ୍ସମ୍ୟାନ ବିଜୟ ମଞ୍ଜରେକର ଖାତା ଖୋଲିବା ପୁର୍ବରୁ ହିଁ ପ୍ୟାଭିଲିୟନ ଫେରିଥିଲେ । ପ୍ରଥମ ୨.୨ ଓଭରେ କୌଣସି ରନ ନକରି ୪ ଓ୍ବିକେଟ ହରାଇଥିଲା ଭାରତ । କିନ୍ତୁ ପରେ କିମ୍ବଦନ୍ତୀ କ୍ରିକେଟର ବିଜୟ ହଜାରେ ଦଳକୁ ଆଗକୁ ନେଇଥିଲେ । ବିଜୟ ୫୬ ଏବଂ ଦତ୍ତୁ ଫଡକର ୬୪ ରନ କରିଥିଲେ । ୫ ମ ଓ୍ବିକେଟ ପାର୍ଟନରସିପରେ  

ଉଭୟ ଦଳକୁ ଭଲ ସ୍ଥିତିକୁ ନେଇଥିଲେ। ଭାରତୀୟ ଟିମ ଦ୍ବିତୀୟ ଇନିଂସରେ ୧୬୫ ରନରେ ଅଲଆଉଟ ହୋଇଯାଇଥିଲା ଏବଂ ଇଂଲଣ୍ଡ ଉକ୍ତ ମ୍ୟାଚକୁ ୭ ଓ୍ବିକେଟରେ ଜିତି ନେଇଥିଲା ।

ଦ୍ବିତୀୟ ମ୍ୟାଚରେ ଭାରତୀୟ ଦଳ କିମ୍ବଦନ୍ତୀ କ୍ରିକେଟର ବିନୁ ମଙ୍କଡଙ୍କୁ ଦଳରେ ସାମିଲ କରିଥିଲା । ପ୍ରଥମ ଇଂନିସରେ ବିନୁ ମଙ୍କଡ ୭୨ ରନ କରିଥିଲେ ଏବଂ ଚମତ୍କାର ବୋଲିଂ କରି ୫ଟି ଓ୍ବିକେଟ ମଧ୍ୟ ନେଇଥିଲେ । ଏହାପରେ ଦ୍ବିତୀୟ ଇଂନିସରେ ଭାରତ ୩୭୮ ରନର ବିଶାଳ ସ୍କୋର କରିବାକୁ ସକ୍ଷମ ହୋଇଥିଲା । ଯେଉଁଥିରେ ବିନୁ ମଙ୍କଡ ୧୮୪ ରନର ଇନିଂସ ଖେଳିଥିଲେ । କିନ୍ତୁ ଦ୍ବିତୀୟ ଟେଷ୍ଟକୁ ମଧ୍ୟ ୮ ଓ୍ବିକେଟରେ ଜିତି ନେଇଥିଲା ଇଂଲଣ୍ଡ ।

ତୃତୀୟ ମ୍ୟାଚ ମଧ୍ୟ ଭାରତ ପାଇଁ ସେହିଭଳି ନୈରାଶ୍ୟଜନକ ଥିଲା । ଗୋଟିଏ ଦିନରେ ଭାରତୀୟ ଟିମ  ଦୁଇ ଦୁଇ ଥର ଅଲଆଉଟ ହୋଇଯାଇଥିଲା । ତୃତୀୟ ଟେଷ୍ଟରେ ଇଂଲଣ୍ଡ ପ୍ରଥମେ ବ୍ୟାଟିଂ କରି ୯ ଓ୍ବିକେଟ ହରାଇ ୩୪୭ ରନ କରିଥିଲା । ଜବାବରେ ବ୍ୟାଟିଂ କରିବାକୁ ଆସିଥିବା ଭାରତ ପ୍ରଥମ ଇନିଂସରେ ୫୮ ଏବଂ ଦ୍ବିତୀୟ ଇନିଂସରେ ୮୨ ରନ କରି ଅଲଆଉଟ ହୋଇଯାଇଥିଲା । ଭାରତ ଏହି ମ୍ୟାଚକୁ ଏକ ପାଳି ଏବଂ ୨୦୭ ରନରେ ପରାସ୍ତ ହୋଇଥିଲା । ଟୁର୍ଣ୍ଣାମେଣ୍ଟର ଚତୁର୍ଥ ତଥା ଅନ୍ତିମ ଟେଷ୍ଟ ବର୍ଷା ଯୋଗୁଁ ବାତିଲ ହୋଇଯାଇଥିଲା ।

   Related Posts