ପୁରୀ ୧୭|୧୨: ପୁରୀ ଜିଲ୍ଲା କୃଷ୍ଣପ୍ରସାଦ ବ୍ଲକରେ କୁକୁଡାମରା ଅଭିଯାନ ଚାଲିଛି।  ବାର୍ଡ ଫ୍ଲୁ ସଂକ୍ରମଣ ଉପରେ ନିୟନ୍ତ୍ରଣ ପାଇଁ ପ୍ରଶାସନ ପଦକ୍ଷେପ ନେଇଛି । ପ୍ରଥମ ଦିନ ବୁଦ୍ଧିବର ପଂଚାୟତର ଦୁଇଟି ଏବଂ ମାଲୁଦ ପଞ୍ଚାୟତର ଗୋଟିଏ ଫାର୍ମରୁ କୁକୁଡ଼ାମରା  ହୋଇଛି । ଏହାସହ ରାପିଡ୍ ରେସପନ୍ସ ଟିମ୍ ସଦସ୍ୟ ଘର ଘର ବୁଲି ଦେଶୀ କୁକୁଡା ଏବଂ ଅଣ୍ଡା ସଂଗ୍ରହ କରି ଗାତରେ ପୋତୁଛନ୍ତି । ପ୍ରଥମ ଦିନରେ ୩୯୯ ବ୍ରୟଲର କୁକୁଡ଼ା , ଦ୍ବିତୀୟ ଦିନରେ ୨୭୬ଟି କୁକୁଡ଼ା ମରା ଯାଇଥିବା ବେଳେ ତୃତୀୟ ଦିନରେ ୩ ହଜାର ୫ଶହ କୁକୁଡାଙ୍କୁ ମରାଯାଇଛି । ଏହା ସହ ବିଭିନ୍ନ ଗାଁ ବୁଲି ଦେଶୀ ଅଣ୍ଡା ନଷ୍ଟ କରାଯାଇଥିବା ପ୍ରାଣୀ ଚିକିତ୍ସକ ରଶ୍ମିକାନ୍ତ ନନ୍ଦ ସୂଚନା ଦେଇଛନ୍ତି । କୁକୁଡାମରା ଅଭିଯାନରେ ଜନ ସ୍ବାସ୍ଥ୍ୟ ଟିମ୍‌ର ୨ଜଣ ଡାକ୍ତର ସମେତ ଜିଲ୍ଲା ପ୍ରାଣୀ ଚିକିତ୍ସକ ଉପସ୍ଥିତ ଅଛନ୍ତି । କୃଷ୍ଣପ୍ରସାଦ ଅଞ୍ଚଳରେ ବାର୍ଡଫ୍ଲୁ ଚିହ୍ନଟ ହେବା ପରେ ବିଭିନ୍ନ ଗାଁରେ ଲୋକେ ଆତଙ୍କିତ ହୋଇ ପଡିଛନ୍ତି । କେନ୍ଦ୍ରୀୟ ଜନ ସ୍ଵାସ୍ଥ୍ୟ ବିଭାଗର ଏକ ଟିମ୍ ପହଞ୍ଚି ଲୋକମାନଙ୍କୁ ସଚେତନ କରିବା ସହ ଭୟଭୀତ ନହେବା ପାଇଁ ପରାମର୍ଶ ଦେଇଛନ୍ତି।