Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କରୋନାର ଦୈନିକ ସଂକ୍ରମଣରେ ବୃଦ୍ଧି, ୨୪ଘଣ୍ଟାରେ ୪୩୮୯୩ ନୂଆ ଆକ୍ରାନ୍ତ ଚିହ୍ନଟ
  • ||
  • ଅପରେସନ ଅଲ୍ଆଉଟ୍ : ସେନା ଗୁଳିରେ ୨ ଆତଙ୍କୀ ନିହତ, ବନ୍ଧୁକ ଓ ଗୁଳି ଜବତ
  • ||
  • ବିହାର ନିର୍ବାଚନ : ପ୍ରଥମ ପର୍ଯ୍ୟାୟ ପାଇଁ ମତଦାନ ଆରମ୍ଭ, ୭୧ଟି ଆସନରେ ଚାଲିଛି ଭୋଟିଂ
  • ||
  • ନଭେମ୍ବରରୁ ପର୍ଯ୍ୟଟକଙ୍କ ପାଇଁ ଖୋଲିବ ଶିମିଳିପାଳ ବ୍ୟାଘ୍ର ପ୍ରକଳ୍ପ
  • ||

ପୂଜା ପାଇଁ ଆନ୍ଦୋଳନକୁ ସ୍ଥଗିତ ରଖିଲା ଶିକ୍ଷକ ଅଧ୍ୟାପକ ମିଳିତ ମଞ୍ଚ

14/10/2018 at 12:48 AM

ଭୁବନେଶ୍ୱର ୧୩/୧୦: କାଲିଠାରୁ ଆରମ୍ଭ ହେବ ପୂଜା ଛୁଟି । ଦଶହରା ପାଇଁ ବନ୍ଦ ରହିବ ସ୍କୁଲ୍-କଲେଜ୍ । ତେବେ ଏହା ପୂର୍ବରୁ ନିଜ ଆନ୍ଦୋଳନକୁ ସ୍ଥଗିତ ରଖିଛି ଶିକ୍ଷକ ଅଧ୍ୟାପକ ମିଳିତ ମଞ୍ଚ । ଆନ୍ଦୋଳନକୁ ନଭେମ୍ବର ୩୦ ପର୍ଯ୍ୟନ୍ତ ସ୍ଥଗିତ ରଖାଯାଇଛି । ଗତକାଲି ମୁଖ୍ୟ ଶାସନ ସଚିବଙ୍କ ସହିତ ମିଳିତ ମଞ୍ଚର ୧୩ ଜଣିଆ ପ୍ରତିନିଧି ଆଲୋଚନା କରିଥିଲେ । ଏହା ଥିଲା ଶିକ୍ଷକଙ୍କ ସହିତ ସରକାରଙ୍କର ପଞ୍ଚମ ପର୍ଯ୍ୟାୟ ଆଲୋଚନା । ଏଥିରେ ରାଜ୍ୟ ସରକାରଙ୍କ ପକ୍ଷରୁ ମୁଖ୍ୟ ଶାସନ ସଚିବଙ୍କ ସହିତ ଉଚ୍ଚ ପ୍ରଶାସନିକ ଅଧିକାରୀ ଏବଂ ଯାଜପୁର ବିଧାୟକ ପ୍ରଣବ ପ୍ରକାଶ ଦାସ ଉପସ୍ଥିତ ଥିଲେ । ରାଜ୍ୟ ସରକାର ୨୦୧୫-୧୬ ମସିହାରୁ ସ୍ଥଗିତ ଥିବା ସ୍କୁଲ ଶିକ୍ଷକମାନଙ୍କର ୪୬ ଦିନ ଓ କଲେଜ ଶିକ୍ଷକମାନଙ୍କର ୩୦ ଦିନିର ବକେୟା ଦରମା ପ୍ରଦାନ କରିବାକୁ ସହମତି ଦେଇଥିଲେ । ସପ୍ତମ ବେତନ ଖୁବଶୀଘ୍ର ଲାଗୁ କରିବା, ନୂଆ ସ୍କୁଲକୁ ବେତନ ପରିସରଭୁକ୍ତ କରିବା ପାଇଁ ରାଜ୍ୟ ସରକାର ଆଶ୍ବାସନା ଦେଇଛନ୍ତି । ଏଥିସହିତ ଚାକିରୀ ସର୍ତ୍ତାବଳୀ ଏବଂ ଅବସରକାଳୀନ ସୁବିଧା ପାଇଁ ଏକ କମିଟି ଗଠନ ଲାଗି ମଧ୍ୟ ସହମତି ହୋଇଛି । ଆଲୋଚନା ପରେ ମିଳିତ ମଞ୍ଚର ଏକ ବୈଠକ ଅନୁଷ୍ଠିତ ହୋଇଥିଲା । ଯେଉଁଥିରେ ଆନ୍ଦୋଳନକୁ ସାମୟିକ ଭାବେ ସ୍ଥଗିତ ରଖିବାକୁ ମିଳିତ ମଞ୍ଚର ଷ୍ଟିଅରିଂ କମିଟି ନିଷ୍ପତ୍ତି ନେଇଥିଲା ।

   Related Posts