ori homes
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଶଙ୍କରାଚାର୍ଯ୍ୟଙ୍କୁ ଭେଟିଲେ ପୁରୀ ଜିଲ୍ଲାପାଳ, ରଖିଲେ ପରିକ୍ରମା ପ୍ରକଳ୍ପର ସମ୍ପୂର୍ଣ୍ଣ ତଥ୍ୟ
  • ||
  • ଆଜି ପବିତ୍ର ଶ୍ରୀକ୍ଷେତ୍ର ଭଉଁରୀ : ଅଖ ଚକ ଡେରା ନୀତି ସଂପନ୍ନ
  • ||
  • କୁତବ ମୀନାର ପରିସରରେ ଖନନ ସହ ଆଇକନୋଗ୍ରାଫି କରିବାକୁ ଏଏସ୍‌ଆଇକୁ ସଂସ୍କୃତି ମନ୍ତ୍ରାଳୟର ନିର୍ଦ୍ଦେଶ
  • ||
  • ସ୍ୱିଜରଲାଣ୍ଡରେ ବିଶ୍ୱ ଅର୍ଥନୈତିକ ମଞ୍ଚର ବାର୍ଷିକ ସମ୍ମିଳନୀ : ମହାମାରୀରୁ ମୁକ୍ତି ପାଇଁ ବାଟ ବାହାର କରିବେ ବିଶ୍ୱନେତା
  • ||
  • ମ୍ୟାଚ୍ ପୂର୍ବରୁ ରନ୍ ଅପ୍ ଯାଞ୍ଚ କଲେ ଅର୍ଜୁନ ତେନ୍ଦୁଲକର : କିନ୍ତୁ ଚୂଡାନ୍ତ ଏକାଦଶରେ ମିଳିଲାନି ଏଣ୍ଟ୍ରି
  • ||

ଗାଁ ଗାଁରେ ପହଂଚିଲା ଶିକ୍ଷକ ଆନ୍ଦୋଳନ, ୨୦ ତାରିଖରେ ଭୁବନେଶ୍ବରରେ ମହାସମାବେଶ

17/09/2018 at 6:53 PM

ଭୁବନେଶ୍ବର୧୭|୯: ୩୨ ଦିନରେ ପହଞ୍ଚିଛି ଶିକ୍ଷକଙ୍କ ଆନ୍ଦୋଳନ । ଆଜିଠାରୁ ପଞ୍ଚାୟତ ଓ ବ୍ଲକରେ ଶିକ୍ଷକମାନେ ଆନ୍ଦୋଳନ ଆରମ୍ଭ କରିଛନ୍ତି ।ଖାଲି ସେତିକି ନୁହେଁ ସେପ୍ଟେମ୍ବର ୨୦ରେ ରାଜଧାନୀରେ ଶିକ୍ଷକମାନେ ମହା ସମାବେଶ କରିବେ । ଯେଉଁଥିରେ ଛାତ୍ର, କୃଷକ, ଶ୍ରମିକ, ମହିଳା ସମସ୍ତେ ସାମିଲ ହେବେ ବୋଲି ଶିକ୍ଷକମାନେ କହିଛନ୍ତି । ଦାବି ପୁରଣ ନହେଲା ପର୍ଯ୍ୟନ୍ତ ଆନ୍ଦୋଳନ ଜାରି ରହିବ ବୋଲି ଶିକ୍ଷକମାନେ ରୋକଠୋକ ଜଣାଇ ଦେଇଛନ୍ତି । ସେପଟେ ୩୦ ଲକ୍ଷ ଛାତ୍ରଛାତ୍ରୀଙ୍କ ଭବିଷ୍ୟତ ଅନ୍ଧକାର ମଧ୍ୟରେ ।..
ରାଜଧାନୀରୁ ଏବେ ଗାଁ ମୁହାଁ ଶିକ୍ଷକ ଓ ଅଧ୍ୟାପକଙ୍କ ଆନ୍ଦୋଳନ । ଦାବି ପୁରଣ ପାଇଁ ଆଜିଠାରୁ ଗାଁ ଗାଁ ବୁଲି ଆନ୍ଦୋଳନ ଚଳାଇଲେଣି ଶିକ୍ଷକ । ଗାଁ ଗାଁ ଭ୍ରମଣକରି ସେମାନଙ୍କ ଆନ୍ଦୋଳ ସଂପର୍କରେ ଲୋକଙ୍କୁ ଜଣାଉଛନ୍ତି ଶିକ୍ଷକ । କିପରି ସ୍କୁଲ୍ ବନ୍ଦ ଦ୍ବାରା ଶିକ୍ଷା ବ୍ୟବସ୍ଥା ଭୁଶୁଡୁଛି ଓ ସରକାର ସେମାନଙ୍କ ଦାବି ପୂରଣ କରୁନାହାନ୍ତି ତାହା ଜଣାଇବା ସହ ସାଧାରଣ ଲୋକଙ୍କ ସମର୍ଥନ ହାତେଇବାକୁ ଚେଷ୍ଟା କରିଛନ୍ତି ।ଶିକ୍ଷକ ଓ ଅଧ୍ୟାପକଙ୍କ ଏଭଳି ଆନ୍ଦୋଳନକୁ କେତେକ ସ୍ଥାନରେ ଅଭିଭାବକଙ୍କ ସମର୍ଥନ ମିଳିଛି ।
ଗାଁ ଓ ପଞ୍ଚାୟତରେ ଶିକ୍ଷକଙ୍କ ଆନ୍ଦୋଳନ ବୁଧବାର ପର୍ଯ୍ୟନ୍ତ ଚାଲିବ । ଗୁରୁବାର ରାଜଧାନୀରେ ହେବ ମହା ସମାବେଶ । ଯେଉଁଥିରେ ଛାତ୍ର, କୃଷକ, ଶ୍ରମିକ, ମହିଳା ସମସ୍ତେ ସାମିଲ ହେବେ ବୋଲି କୁହାଯାଉଛି । ସେପଟେ ରାଜଧାନୀରୁ ଶିକ୍ଷକ ଓ ଅଧ୍ୟାପକଙ୍କ ଆନ୍ଦୋଳନ ଗାଁରେ ପହଞ୍ଚିବା ପରେ ସରକାର ଏକ ପ୍ରକାର ଚାପରେ । ତେବେ ଉଚ୍ଚଶିକ୍ଷାମନ୍ତ୍ରୀ କହିଛନ୍ତି ଶିକ୍ଷକ ଓ ଅଧ୍ୟାପକଙ୍କ ପାଇଁ ସରକାର ଯାହା କରିବା କଥା କରିଛନ୍ତି । ସେମାନଙ୍କ ଦାବି ଉପରେ ସରକାର ଉଚିତ୍ ପଦକ୍ଷେପ ନେଇଛନ୍ତି । ତଥାପି ଯଦି ଶିକ୍ଷକମାନେ ଆନ୍ଦୋଳନ କରୁଛନ୍ତି ଲୋକେ ଏହାର ବିଚାର କରିବେ ।
ଓଡିଶା ସ୍କୁଲ କଲେଜ ଶିକ୍ଷକ କର୍ମଚାରୀ ମଳିତି ମଞ୍ଚ ଆହ୍ବାନ କ୍ରମେ ଶିକ୍ଷକ ଓ ଅଧ୍ୟାପକଙ୍କ ଆନ୍ଦୋଳନ ଏବେ ୩୨ ଦିନରେ ପହଞ୍ଚିଲାଣି । ନା ସେମାନଙ୍କ ଦାବି ପୂରଣ ହେଉଛି ନା କୌଣସି ସମାଧାନର ବାଟ ବାହାରୁଛି । ଆଉ ସେପେଟ ଶିକ୍ଷକଙ୍କ ଆନ୍ଦୋଳନ ପାଇଁ ସ୍କୁଲ୍ କଲେଜ୍ରେ ପାଠପଢା ଘୋର ପ୍ରଭାବିତ ହୋଇଛି ।

   Related Posts