ଭଦ୍ରକ୍ ୦୬/୧୦: କମିଟି ଟଙ୍କାର ହିସାବ ପାଇଁ ଶିକ୍ଷକଙ୍କୁ ଅପହରଣ ଓ ମାଡ଼ ଅଭିଯୋଗ । ଏମିତି କି ବହୁ ଲୋକ ଏକାଠି ହୋଇ ଆକ୍ରମଣ ସହ ଗଛରେ ବାନ୍ଧି ଦେଇଥିବା ନେଇ ଅଭିଯୋଗ କରିଛନ୍ତି ଶିକ୍ଷକ । ତେବେ ପୋଲିସ ପହଞ୍ଚି ଶିକ୍ଷକଙ୍କୁ ଉଦ୍ଧାର କରିଛି । ଭଦ୍ରକ ଜିଲ୍ଲା ଗ୍ରାମାଞ୍ଚଳ ଥାନା ଦୈସିଂ ପଞ୍ଚାୟତ ର ସୁବର୍ଣ୍ଣସ୍ୱର ସରକାରୀ ପ୍ରାଥମିକ ବିଦ୍ୟାଳୟ ରେ ଏମିତି ଘଟଣା ଘଟିଛି ।
wp:gallery {"ids":[523167],"linkTo":"none"}
ଗ୍ରାମାଞ୍ଚଳ ଥାନା ରେ ଲିଖିତ ଏତଲା ଅନୁଯାୟୀ ଗ୍ରାମର କେତେକ ଲୋକ ସହକାରୀ ଶିକ୍ଷକ ନରହରି ସେଠିଙ୍କୁ କମିଟି ଟଙ୍କାର ହିସାବ ପାଇଁ ଉଠାଇନେବା ସହ ଗଛରେ ବାନ୍ଧି ମାଡ଼ ମାରିଥିଲେ । ପରେ ଗ୍ରାମାଞ୍ଚଳ ପୋଲିସ ଶିକ୍ଷକଙ୍କୁ ଉଦ୍ଧାର କରିଛି । ପରେ ସମ୍ପୃକ୍ତ ଶିକ୍ଷକ ଓ ଶିକ୍ଷକ ସଂଘ ତରଫରୁ ଭଦ୍ରକ ଗ୍ରାମାଞ୍ଚଳ ଥାନାରେ ଲିଖିତ ଅଭିଯୋଗ କରିଛନ୍ତି । ଅଭିଯୁକ୍ତଙ୍କୁ ଗିରଫ ନକଲେ ଶିକ୍ଷକ ମାନେ ପାଠ ପଢ଼ାଇବା ବନ୍ଦ କରିବେ ବୋଲି ଚେତାବନୀ ଦେଇଛନ୍ତି ।
