Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ସଂଗୀନ ଅଭିଯୋଗ : ପ୍ରଶ୍ନର ଉତ୍ତର ଦେଇ ନପାରିବାରୁ ଛାତ୍ରଙ୍କୁ ଟେକି କଚାଡି ଦେଲେ ଶିକ୍ଷକ

15/09/2019 at 11:15 AM

କେନ୍ଦୁଝର ୧୫।୯: ଶିକ୍ଷକଙ୍କ ବିରୋଧରେ ସଂଗୀନ ଅଭିଯୋଗ । ପ୍ରଶ୍ନର ଉତ୍ତର ଦେଇ ନପାରିବାରୁ ଛାତ୍ରଙ୍କୁ ଟେକି କଚାଡି ଦେଲେ । ଏଥିରେ ଛାତ୍ରଙ୍କ ହାତ ଭାଙ୍ଗିଯାଇଛି ।

ସୂଚନାଯୋଗ୍ୟ ଯେ, କେନ୍ଦୁଝର ଜିଲ୍ଲା ହରିଚନ୍ଦନପୁର ବ୍ଲକ ବକ୍ସି ବାରିଗାଁ ଉଚ୍ଚ ପ୍ରାଥମିକ ବିଦ୍ୟାଳୟର ଗଣିତ ଶିକ୍ଷକ ସିପୁ ବେହେରାଙ୍କ ନାଁରେ ଆସିଛି ଅଭିଯୋଗ । ପ୍ରଶ୍ନର ଉତ୍ତର ଦେଇ ନପାରିବାରୁ ଚତୁର୍ଥ ଶ୍ରେଣୀର ଛାତ୍ର ସଞ୍ଜୀବ ବାରିକଙ୍କୁ ସେ ମାଡ ମାରିଥିଲେ । ଏଥିରେ ସଂଜୀବଙ୍କ ଡାହାଣ ହାତ ଭାଙ୍ଗି ଯାଇଥିଲା ।

ଯନ୍ତ୍ରଣାରେ ସଂଜୀବ ଛଟପଟ ହେଉଥିଲେ ସୁଦ୍ଧା ତାଙ୍କୁ ଚିକିତ୍ସାଳୟ ନେବା ବଦଳରେ ଘରେ ନେଇ ଛାଡି ଦେଇଥିଲେ । ପରେ ଘର ଲୋକେ ତାଙ୍କୁ ନେଇ ବକ୍ସି ବାରିଗାଁ ସ୍ବାସ୍ଥ୍ୟକେନ୍ଦ୍ରରେ ଚିକିତ୍ସା କରିଥିଲେ । ଖବର ପ୍ରଘଟ ହେବା ପରେ କିଛି ଗଣମାଧ୍ୟମ ପ୍ରତିନିଧି ସଂଜୀବଙ୍କ ଘରେ ପହଞ୍ଚିଥିଲେ । ହେଲେ ସଂପୃକ୍ତ ଶିକ୍ଷକ ଜଣକ ସାମ୍ବାଦିକଙ୍କୁ ଧମକ ଚମକ ଦେଇଥିବା ଅଭିଯୋଗ ହୋଇଛି ।

   Related Posts