ସାଲେପୁର ୦୭।୧୨ : ଶିକ୍ଷକଙ୍କ ବଦଳି ପ୍ରତିବାଦରେ ଧାରଣା । କଟକ ଜିଲ୍ଲା ସାଲେପୁର ବ୍ଲକ ଭାତପଡ଼ା ସରକାରୀ ଉଚ୍ଚ ବିଦ୍ୟା|ଳୟର ୩ଜଣ ଶିକ୍ଷକ ଓ ଶିକ୍ଷୟତ୍ରୀଙ୍କ ବଦଳି ପ୍ରତିବାଦରେ ଚାଲିଛି ଧାରଣା । ସମସ୍ୟାର ସମାଧାନ ନହେଲେ ଆନ୍ଦୋଳନ ଜୋରଦାର ହେବ ବୋଲି ଶିକ୍ଷକମାନେ ଚେତାବନୀ ଦେଇଛନ୍ତି ।
ଖବର ଅନୁଯାୟୀ, ଭାତପଡା ସରକାରୀ ଉଚ୍ଚ ବିଦ୍ୟାଳୟର ୩ ଜଣ ଶିକ୍ଷକ ଓ ଶିକ୍ଷୟତ୍ରୀଙ୍କ ଏକାସାଙ୍ଗେ ଅନ୍ୟତ୍ର ବଦଳି କରାଯାଇଛି । ଯଦି ଏମାନଙ୍କ ବଦଳି କରାଯାଏ , ତେବେ ଆଗାମୀ ଦିନରେ ପାଠପଢାରେ ବହୁ ଅସୁବିଧାର ସମ୍ମୁଖୀନ ହେବାକୁ ପଡିବ । ମାଟ୍ରିକ୍ ପରୀକ୍ଷା ନିକଟରେ ଥିବା ବେଳେ ଏପରି କଲେ ଛାତ୍ରଛାତ୍ରୀଙ୍କ ପାଠପଢାରେ ପ୍ରଭାବ ପଡିବ । ଏନେଇ ଛାତ୍ରଛାତ୍ରୀ, ପରିଚାଳନା କମିଟି ଓ ଅଭିଭାବକମାନେ ୩ଜଣ ଶିକ୍ଷକ ଓ ଶିକ୍ଷୟତ୍ରୀଙ୍କୁ ବଦଳି ନକରିବା ପାଇଁ ଜିଲ୍ଲାପାଳଙ୍କ ଉଦ୍ଦେଶ୍ୟରେ ବ୍ଲକ ଶିକ୍ଷାଧିକାରୀଙ୍କୁ ଦାବିପତ୍ର ଦେଇଛନ୍ତି । ଯଦି ତୁରନ୍ତ ବିଭାଗୀୟ ଅଧିକାରୀ ଏହାର ସମାଧାନ ନକରନ୍ତି । ତେବେ ବାଧ୍ୟ ହୋଇ ଧାରଣାଙ୍କୁ ଓହ୍ଲାଇବେ ବୋଲି ପରିଚାଳନା କମିଟି ଓ ଅଭିଭାକମାନେ ଚେତାବନୀ ଦେଇଛନ୍ତି।
