Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : ପୁରୀ ହାଜତ ମୃତ୍ୟୁ ଘଟଣାର ବିଚାର ବିଭାଗୀୟ ତଦନ୍ତ ନିର୍ଦ୍ଦେଶ
  • ||
  • ଯୋଜନାବଦ୍ଧ ଲୁଟ୍ : ସାଙ୍ଗଙ୍କୁ ଲଗାଇ ଡକାୟତି କରାଇଥିଲା IIFL କର୍ମଚାରୀ ଲାଲା ଅମ୍ରିତ ରାୟ
  • ||
  • ଅଭିନେତା ଆଶିଷ ରାୟଙ୍କ ପରଲୋକ
  • ||
  • ବାତ୍ୟା ‘ନିଭାର୍’ ପ୍ରଭାବରେ ଚେନ୍ନାଇରେ ବର୍ଷା
  • ||
  • ନବରଙ୍ଗପୁର : ଭାରସାମ୍ୟ ହରାଇ ଗଛରେ ପିଟିହେଲା ବାଇକ୍, ୨ ବାଇକ୍ ଆରୋହୀଙ୍କ ମୃତ୍ୟୁ
  • ||
  • ଭୁବନେଶ୍ୱର : ରାଜ୍ୟରେ ଆଉ ୧୪ କରୋନା ସଂକ୍ରମିତ ପ୍ରାଣ ହରାଇଲେ, ମୃତକଙ୍କ ସଂଖ୍ୟା ୧୬୭୧ରେ ପହଞ୍ଚିଲା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୬୪୨ କରୋନା ସଂକ୍ରମିତ, ୩୧୫୨୭୧ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଆସୁଛି ବାତ୍ୟା ‘ନିଭାର୍’: ୨୫ରୁ ପ୍ରବଳ ବର୍ଷା, ଜିଲ୍ଲାପାଳଙ୍କୁ ଆଲର୍ଟ ରହିବାକୁ ନିର୍ଦ୍ଦେଶ
  • ||

ଶାରୀରିକ ସମ୍ପର୍କ ରଖିବାକୁ ମନା କରିବାରୁ ବିବାହିତା ଛାତ୍ରୀଙ୍କୁ ହତ୍ୟା କଲା ଶିକ୍ଷକ: ପୂର୍ବରୁ ଛାତ୍ରୀଙ୍କ ପ୍ରେମିକ ଥିଲେ ଶିକ୍ଷକ

13/12/2018 at 3:14 PM

ସାଙ୍ଗଲି ୧୩/୧୨ : ମହାରାଷ୍ଟ୍ର ସାଙ୍ଗଲିରେ ଜଣେ ଶିକ୍ଷକ ଜଣେ ଛାତ୍ରୀଙ୍କୁ କ୍ଲାସରୁମ କାନ୍ଥରେ ମୁଣ୍ଡ ପିଟି ହତ୍ୟା କରିଥିବା ଘଟଣା ସାମ୍ନା ଆସିଛି | ତଦନ୍ତରୁ ଜଣାପଡିଛି ଯେ, ଶିକ୍ଷକ ଜଣକ ଛାତ୍ରୀଙ୍କୁ ଜୋର ଜବରଦସ୍ତ ନିଜ ସହ ଶାରୀରିକ ସମ୍ପର୍କ ରଖିବାକୁ ବାଧ୍ୟ କରିଥିଲେ | ତେବେ ଛାତ୍ରୀ ଜଣକ ମନା କରିଦେବାରୁ ଶିକ୍ଷକ ଉତକ୍ଷିପ୍ତ ହୋଇ ଛାତ୍ରୀଙ୍କୁ ହତ୍ୟା କରିଥିଲା |


ସୂଚନାଯୋଗ୍ୟ ଯେ, ସାଙ୍ଗଲି ଅନ୍ତର୍ଗତ ଶାନ୍ତିନିକେତନ ଓପନ ୟୁନିଭର୍ସିଟିରେ ସ୍ନାତକ କରୁଥିଲେ ଛାତ୍ରୀ | ଛାତ୍ରୀଙ୍କ ନାଁ ବୈଶାଳୀ | ବୈଶାଳୀଙ୍କ ବିବାହ ହୋଇସାରିଥିଲା | ହତ୍ୟାକାରୀ ଶିକ୍ଷକ ଋଷିକେଶ ମୋହନ ବୈଶାଳୀଙ୍କ ପୂର୍ବତନ ପ୍ରେମିକ ଥିଲେ | ଉଭୟ ଋଷିକେଶ ଏବଂ ବୈଶାଳୀ ଗୋଟିଏ ଗାଁରେ ରହୁଥିଲେ | ବିବାହ ପୂର୍ବରୁ ଉଭୟଙ୍କ ମଧ୍ୟରେ ପ୍ରେମ ସମ୍ପର୍କ ଥିଲା | କିନ୍ତୁ କୌଣସି କାରଣବଶତଃ ଉଭୟଙ୍କ ବିବାହ ହୋଇନଥିଲା | ବୈଶାଳୀ ବିବାହ ପରେ ସ୍ନାତକ କରୁଥିଲେ | ଋଷିକେଶ ସେହି କଲେଜରେ ପାଠ ପଢାଉଥିଲେ | ବାହାଘର ପରେ ମଧ୍ୟ ଋଷିକେଏଶ ବୈଶାଳୀଙ୍କୁ ତାଙ୍କ ସହ ଶାରୀରିକ ସମ୍ପର୍କ ରଖିବା ପାଇଁ ବାଧ୍ୟ କରୁଥିଲା | କିନ୍ତୁ ବୈଶାଳୀ ଏଥିରେ ରାଜି ହେଉନଥିଲେ | ବୁଧବାର ଦିନ ଋଷିକେଶ ବୈଶାଳୀଙ୍କୁ କ୍ଲାସରୁମ ଏକା ଦେଖି ତାଙ୍କ ସହ ଜୋର ଜବରଦସ୍ତି ଶାରୀରିକ ସମ୍ପର୍କ ରଖିବା ପାଇଁ ଚେଷ୍ଟା କରିଥିଲା କିନ୍ତୁ ବୈଶାଳୀ ଅରାଜି ହେବାରୁ ସେ କ୍ଲାସରୁମ କାନ୍ଥରେ ବୈଶାଳୀଙ୍କ ମୁଣ୍ଡକୁ ପିଟି ଦେଇଥିଲା | ଘଟଣାସ୍ଥଳରେ ହିଁ ବୈଶାଳୀଙ୍କ ମୃତ୍ୟୁ ହୋଇଯାଇଥିଲା |


ପୋଲିସ ବୈଶାଳୀଙ୍କ ମୃତଦେହ କ୍ଲାସରୁମରୁ ଜବତ କରି ବ୍ୟବଚ୍ଛେଦ ପାଇଁ ପଠାଇଥିଲା | ପୋଲିସ ଋଷିକେଶକୁ ଗିରଫ କରିଛି | ପୋଲିସ କଲେଜର ସିସିଟିଭି ଫୁଟେଜ ମଧ୍ୟ ଯାଞ୍ଚ କରିଥିଲା | ଘଟଣା ଘଟିଥିବା ସମୟରେ ଋଷିକେଶ କ୍ଲାସରୁମ ଭିତରେ ପ୍ରବେଶ କରିଥିବା ପୋଲିସ ସିସିଟିଭିରେ ଦେଖିଥିଲା |

   Related Posts