ଯାଜପୁର ୭।୧୧: ନାବାଳିକାଙ୍କୁ ଅସଦାଚରଣ ମାମଲାରେ ଶିକ୍ଷକ ଅଟକ । ନାବାଳିକାକୁ ଘରେ ରଖି ନିର୍ଯାତନା ଦେଉଥିଲେ । ଘଟଣାର ଅଧିକ ତଦନ୍ତ ଜାରି ରଖିଛି ପୋଲିସ ।
ସୂଚନାଯୋଗ୍ୟ ଯେ, ଯାଜପୁର ଜିଲ୍ଲା କୁଆଖିଆ ଥାନା ଅଞ୍ଚଳରେ ଜୈନକ ଶିକ୍ଷକ ଜଣେ ନାବାଳିକାକୁ ବହୁଦିନ ଧରି ଘରେ ରଖି ନିର୍ଯାତନା ଦେଉଥିଲା । ଏପରିକି ଶୁକ୍ରବାର ଶିଶୁଟିକୁ ମାରପିଟ କରୁଥିବାର ଭିଡିଓ ସୋସିଆଲ ମିଡିଆରେ ଘୁରି ବୁଲିଥିଲା । ତେବେ ଶିଶୁ ସୁରକ୍ଷା ୟୁନିଟ୍ ଘଟଣାସ୍ଥଳରେ ପହଁଚି ପଚରା ଉଚରା କରିଥିଲେ । ତେବେ ଶିଶୁଟିକୁ ଶିଶୁ ସୁରକ୍ଷା ୟୁନିଟ୍ ନିଜ ହେପାଜତକୁ ନେଇଥିବା ବେଳେ ସମ୍ପୃକ୍ତ ଶିକ୍ଷକଙ୍କୁ ଅଟକ ରଖିଛି । ଏଥିସହ ଭାରତୀୟ ଦଣ୍ଡ ବିଧାନ ଆଇନର ୩୭୦, ୩୨୭, ୭୫ ଜେ ଜେ ଆକ୍ଟରେ କେଶ ରୁଜୁ କରି ଅଧିକ ତଦନ୍ତ ଜାରି ରଖିଛି ।