Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଟକଣା କଡାକଡି କଲା ହଙ୍ଗକଙ୍ଗ, ବାହାର ଦେଶର ନାଗରିକଙ୍କ ପ୍ରବେଶ ଉପରେ ରୋକ୍
  • ||
  • ଟଳିଗଲା ମୃତ୍ୟୁ, ଅଳ୍ପକେ ମରଣ ମୁହଁରୁ ବର୍ତ୍ତିଲେ କଲେଜ ଛାତ୍ରୀ ଓ ସ୍କୁଟି ଚାଳକ : ସିସିଟିଭିରେ ଛାତିଥରା ଦୃଶ୍ୟ
  • ||
  • ରାଜ୍ୟରେ ଆଉ ୨ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୧୧କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୨୨୮ କରୋନା ସଂକ୍ରମିତ, ୧୦୪୯୧୦୮ରେ ପହଞ୍ଚିଲା ସଂଖ୍ୟା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୬ ହଜାରରୁ ଅଧିକ କରୋନା ପଜିଟିଭ୍, ୧୯୦ ମୃତ
  • ||
  • ହଠାତ ହେଲା ବରଫ ଝଡ, ପବ୍‌ରେ ଫସିଗଲେ ୬୧ ଗ୍ରାହକ : ୩ ଦିନ ପରେ ଉଦ୍ଧାର
  • ||
  • ମା’ ସୁରେଶ୍ୱରୀ ମନ୍ଦିରରୁ ଚୋରି, ନେଇଗଲେ ଦେବୀଙ୍କ ରୁପା ମୁକୁଟ
  • ||
  • ବୁଧବାରଠୁ କମ୍ପିବ ବିଧାନସଭା, ଅଧିବେଶନ ପୂର୍ବରୁ ରଣନୀତି ପ୍ରସ୍ତୁତ କରିବେ ଶାସକ ଓ ବିରୋଧି
  • ||
  • ଆସୁଛି ବାତ୍ୟା ‘ଜଓ୍ୱାଦ’, ୪ ତାରିଖରେ କରିବ ଲ୍ୟାଣ୍ଡଫଲ
  • ||
  • ଜଗତସିଂହପୁରରେ ‘ସାଗର କବଚ ଓଡି-୨୧’, ସମରାଭ୍ୟାସରେ ସାମିଲ ଭାରତୀୟ ତଟରକ୍ଷୀ ବାହିନୀ ଓ ମେରାଇନ୍ ପୋଲିସ
  • ||

ଅଟୋ ଚାଳକଙ୍କୁ ୧୦୦୦ କି ୨୦୦୦ ନୁହେଁ ମିଳିଲା ୪.୩୯ କୋଟି ଟଙ୍କାର ଟ୍ୟାକ୍ସ ନୋଟିସ୍, ପାଦ ତଳୁ ଖସିଗଲା ମାଟି…

3/03/2021 at 8:20 PM

ଜୟପୁର ୦୩।୦୩: ରାଜସ୍ଥାନର ବାରମେର ଜିଲ୍ଲାରେ ଏକ ଅଟୋ ରିକ୍ସା ଡ୍ରାଇଭରଙ୍କୁ ମିଳିଲା ଟ୍ୟାକ୍ସ ପୈଠ କରିବାର ନୋଟିସ୍। ସେ ପୁଣି ୧୦୦୦ କି ୨୦୦୦ କି ୫୦୦୦ ନୁହେଁ, ରେଟ୍ ଶୁଣିଲେ ଆପଣ ମଧ୍ୟ ଚକିତ ହୋଇଯିବେ। ଆୟକର ବିଭାଗ ଅଟୋ ଚାଳକଙ୍କୁ ୪.୩୯ କୋଟି ଟଙ୍କାର ଟ୍ୟାକ୍ସ ଡିମାଣ୍ଡ ନୋଟିସ୍ କରିଛି। ଏହା ଶୁଣି ଚାଳକଙ୍କ ପାଦ ତଳୁ ମାଟି ଖସି ଯାଇଛି। କେବଳ ଏତିକି ନୁହେଁ ତାଙ୍କ ନାମରେ ଏକ କମ୍ପାନୀ ରହିଛି, ଯାହାର ବାର୍ଷିକ ଆୟ ୩୨.୬୨ କୋଟିରୁ ଅଧିକ। ନୋଟିସ୍ ଦେଖି ଚାଳକଙ୍କ ହୋସ୍‌ ଉଡି ଯାଇଛି। ମାମଲା ବୁଝିବା ପରେ ଅଟୋ ରିକ୍ସା ଚାଳକ ଥାନା ଯାଇ ତାଙ୍କ କାଗଜପତ୍ରର ଦୁରୁପଯୋଗ କରାଯାଇଥିବା ଅଭିଯୋଗ କରିଛନ୍ତି। କିନ୍ତୁ ପୋଲିସ ଏ ପର୍ଯ୍ୟନ୍ତ ମାମଲା ରୁଜୁ କରି ନାହିଁ।

ଏହା ମଧ୍ୟରେ ତଦନ୍ତରୁ ଜଣା ପଡିଛି ଯେ, ଦିଲ୍ଲୀର ଏକ କମ୍ପାନୀ ଅଟୋ ଚାଳକଙ୍କ କାଗଜପତ୍ରର ଦୁରୁପଯୋଗ କରିଛି। ଜିଏସଟି ଅଧିକାରୀ ଦିଲ୍ଲୀ ପ୍ରଶାସନ ସାମ୍ନାରେ ଏହି ଅଭିଯୋଗ ଉଠାଇଛନ୍ତି। ଅଟୋ ଚାଳକଙ୍କ ନାମ ଗାଜେଦନ ଚାରନ। ସେ ବାରମେର ଜିଲ୍ଲା ବାଖାସର ଥାନା ଅନ୍ତର୍ଗତ ପାନୋରିଆ ଅଞ୍ଚଳର। ନିକଟରେ ତାଙ୍କୁ ୪.୩୯ କୋଟି ଟଙ୍କାର ଟ୍ୟାକ୍ସ ନୋଟିସ୍ ମିଳିଥିଲା। ଏହି ଟ୍ୟାକ୍ସ ଡିମାଣ୍ଡ ୩୨.୬୮ କୋଟି ଟଙ୍କାର ନେଣଦେଣ ଆଧାରରେ କରାଯାଇଥିଲା।

ଚାରନ କହିଛନ୍ତି, ମୁଁ ଜଣେ ସାଧାରଣ ଅଟୋ ଚାଳକ। ମୁସ୍କିଲରେ ମାସକୁ ୧୦ ରୁ ୧୫ ହଜାର ଟଙ୍କା କମାଣି କରେ। ମୁଁ କେବେ ବି କୌଣସି କମ୍ପାନୀ କରି ନାହିଁ। ଏମିତି ଲାଗୁଛି କିଏ ମୋର କାଗଜପତ୍ରର ଦୁରୁପଯୋଗ କରି ନକଲି କମ୍ପାନୀ ତିଆରି କରିଛି। ସେ କହିଛନ୍ତି, ପୋଲିସଠାରେ ଅଭିଯୋଗ କରିଥିଲେ ମଧ୍ୟ ସେମାନେ ଅଣଦେଖା କରିଛନ୍ତି।

ପୁଣି ଫେବୃଆରୀ ୧୧ରେ ଯୋଧପୁରର ଜିଏସଟି ଆଣ୍ଟି-ଭିଜନ ଟିମ୍‌ଠୁ ନୋଟିସ୍ ମିଳିବା ପରେ ଗାଜଦେନ ଚାରଣ ଫେବୃଆରୀ ୧୫ରେ ନିଜର ପକ୍ଷ ରଖିବାକୁ କାର୍ଯ୍ୟାଳୟ ପହଞ୍ଚିଥିଲେ। ସେ ଜିଏସଟି ଅଧିକାରୀଙ୍କୁ ଜଣାଇଛନ୍ତି ଯେ, ସେ କେବେ ମଧ୍ୟ କୌଣସି କମ୍ପାନୀ କରି ନାହାନ୍ତି ନା କୌଣସି ନେଣଦେଣ କରିଛି। କେହି ମୋର କାଗଜପତ୍ର ଚୋରାଇ ଏହାର ଦୁରୁପଯୋଗ କରି ଇଣ୍ଟରନ୍ୟାସନାଲ ନାମରେ କମ୍ପାନୀ କରି ନେଇଛି। ତାଙ୍କର ଏହି କମ୍ପାନୀ ସହ କୌଣସି ସଂପର୍କ ନାହିଁ।

ଏସବୁ ଘଟଣାକ୍ରମରେ ଜଣା ପଡିଛି ଯେ, ଚାରନ ଏକ ଘରୋଇ ବୀମା କମ୍ପାନୀରୁ ଲୋନ୍ ନେଇଥିଲେ। ଯେଉଁଥିପାଇଁ ସେ ନିଜର କାଗଜପତ୍ର ଦେଇଥିଲେ। କୁହାଯାଉଛି ଯେ, ନକଲି କମ୍ପାନୀ କରିଥିବା ଲୋକେ ଏହି ଫାଇନାନ୍ସ କମ୍ପାନୀରୁ ତାଙ୍କ କାଗଜପତ୍ର ନେଇ ଯାଇଛନ୍ତି। ଏବେ ଯୋଧପୁରର ଜିଏସଟି ଅଧିକାରୀ ଦିଲ୍ଲୀରେ ଅଧିକାରୀଙ୍କ ସାମ୍ନାରେ ଏହି ପ୍ରସଙ୍ଗ ଉଠାଇଛନ୍ତି।

   Related Posts