Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ସଂସଦର ନୂତନ ଭବନ ନିର୍ମାଣ କରିବ ଟାଟା କମ୍ପାନୀ, ବଜେଟ୍ ୮୬୧.୯୦ କୋଟି

16/09/2020 at 10:27 PM

ନୂଆଦିଲ୍ଲୀ ୧୬।୦୯: ଟାଟା ପ୍ରୋଜେକ୍ଟସ ଲିମିଟେଡ୍ ସଂସଦର ନୂତନ ଭବନ ନିର୍ମାଣ କରିବ। ଅଧିକାରୀଙ୍କ ଅନୁଯାୟୀ ଟାଟା ପ୍ରୋଜେକ୍ଟସ ଲିମିଟେଡ୍ ୮୬୧.୯୦ କୋଟି ଟଙ୍କାର ବଜେଟ୍‌ରେ ନୂତନ ସଂସଦ ଭବନ ନିର୍ମାଣ ପାଇଁ ହୋଇଥିବା ଟେଣ୍ଡର ହାତେଇଛି। କେନ୍ଦ୍ରୀୟ ଲୋକ ନିର୍ମାଣ ବିଭାଗ ବୁଧବାର ନୂତନ ଭବନର ନିର୍ମାଣ ପାଇଁ ଆର୍ଥିକ ବିଡ୍‌ ଖୋଲିବା ପରେ ଟାଟା ପ୍ରୋଜେକଟ୍ସ ଲିମିଟେଡ୍ ୮୬୧.୯୦ କୋଟି ଟଙ୍କାର ବିଡ୍‌  ଲଗାଇଥିବା ବେଳେ ଲାର୍ସନ ଆଣ୍ଡ ଟୁବ୍ରୋ(ଏଲ ଆଣ୍ଡ ଟି) ୮୬୫ କୋଟି ଟଙ୍କାର ବିଡ୍ ଲଗାଇଥିଲା।

ନୂଆଦିଲ୍ଲୀରେ ନୂତନ ସଂସଦ ଭବନର ପୁର୍ନବିକାଶ କରିବା ମୋଦୀ ସରକାରଙ୍କ ଯୋଜନାର ଏକ ଅଂଶ। ସୂଚନା ଅନୁଯାୟୀ ସଂସଦର ମୌସୁମି ଅଧିବେଶନ ସମାପ୍ତ ହେବା ପରେ ନୂତନ କୋଠାର କାମ ଆରମ୍ଭ ହୋଇପାରେ।

ଗତ ମାସରେ ସରକାର ସଂସଦର ନୂତନ ଭବନ ନିର୍ମାଣ ପାଇଁ ଅନ୍ତିମ ବିଡ୍ ଲଗାଇବା ପାଇଁ ମୁମ୍ବାଇର ତିନି ନିର୍ମାଣ କମ୍ପାନୀ ଲାର୍ସନ ଆଣ୍ଡ ଟୁବ୍ରୋ, ଟାଟା ପ୍ରୋଜେକ୍ଟସ ଓ ଶାପରୁଜି ପଲୋନଜି ଆଣ୍ଡ କମ୍ପାନୀର ଏକ ଛୋଟ ତାଲିକା ପ୍ରସ୍ତୁତ କରିଥିଲେ।

   Related Posts