Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୧୨ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୫୪୦ କରୋନା ସଂକ୍ରମିତ ଚିହ୍ନଟ
  • ||
  • ଡିସେମ୍ବର ୩୧ପୂର୍ବରୁ ବସିବ ବିଧାନସଭାର ଶୀତ ଅଧିବେଶନ
  • ||
  • କରୋନାର ଦୈନିକ ସଂକ୍ରମଣରେ ବୃଦ୍ଧି, ୨୪ଘଣ୍ଟାରେ ୪୩୮୯୩ ନୂଆ ଆକ୍ରାନ୍ତ ଚିହ୍ନଟ
  • ||
  • ଅପରେସନ ଅଲ୍ଆଉଟ୍ : ସେନା ଗୁଳିରେ ୨ ଆତଙ୍କୀ ନିହତ, ବନ୍ଧୁକ ଓ ଗୁଳି ଜବତ
  • ||
  • ବିହାର ନିର୍ବାଚନ : ପ୍ରଥମ ପର୍ଯ୍ୟାୟ ପାଇଁ ମତଦାନ ଆରମ୍ଭ, ୭୧ଟି ଆସନରେ ଚାଲିଛି ଭୋଟିଂ
  • ||

ଡାଏବେଟିଜ,ବ୍ଲଡ ପ୍ରେସର ଏବଂ କ୍ୟାନସରର କାଳ ହୋଇଥାଏ ଏହି ତରକାରି: ୧୫ଦିନରେ କମାଇଥାଏ ପେଟର ଚର୍ବି

4/04/2019 at 4:02 PM

ସାରୁ ତରକାରୀ ପ୍ରାୟ ଲୋକଙ୍କୁ ଭଲ ଲାଗିନଥାଏ। କିନ୍ତୁ ଆପଣ ଜାଣିଛନ୍ତି କି ଏହି ତରକାରୀ ଯେତିକି ସୁଆଦିଆ ହୋଇଥାଏ ସେତିକି ସ୍ବାସ୍ଥପ୍ରଦ ମଧ୍ୟ ହୋଇଥାଏ। ଆୟୁର୍ବେଦରେ ମଧ୍ୟ ସାରୁର ଅନେକ ଗୁଣ ବିଷୟରେ ଲେଖାଯାଇଛି। ସାରୁର ପତ୍ର ଏବଂ ଚେରକୁ ତରକାରୀ କରି ଖିଆଯାଏ।

ସାରୁରେ ଫାଇବର,ପ୍ରୋଟିନ,ପୋଟାସିୟମ,ଭିଟାମିନ ସି,ଭିଟାମିନ ଏ,କ୍ୟାଲସିୟମ ଏବଂ ଆଇରନ ଭଳି ପୋଷକ ତତ୍ତ୍ବ ମିଳିଥାଏ। ଏହା ବ୍ୟତୀତ ଏଥିରେ ବହୁତ କମ୍ ମାତ୍ରାରେ ସୋଡ଼ିୟମ୍ ଏବଂ ଫ୍ୟାଟ୍ ରହିଥାଏ। ଏହି ତରକାରୀ କାର୍ବୋହାଇଡ୍ରେଟ ଏବଂ ଫୋଲେଟର ଭଣ୍ଡାର।

ନିୟମିତ ଭାବେ ସାରୁ ଖାଇଲେ ରକ୍ତଚାପର ସ୍ତର କମ୍ ହୋଇଥାଏ,ହୃଦ ରୋଗ, କ୍ୟାନସରରୁ ମୁକ୍ତି ମିଳିଥାଏ, ଓଜନ କମ୍ କରିଥାଏ,ପେଟ ରୋଗ ଏବଂ ମଧୁମେହରୁ ମୁକ୍ତି ମିଳିଥାଏ।

୧.ହଜମ କ୍ରିୟା ପାଇଁ ଲାଭଦାୟକ: ନିୟମିତ ଭାବେ ସାରୁ ଖାଇବା ଆପଣଙ୍କ ହଜମ କ୍ରିୟା ନିମନ୍ତେ ଲାଭଦାୟକ ସାବ୍ୟସ୍ତ ହୋଇଥାଏ। ସାରୁରେ ଥିବା ଫାଇବର ପେଟ ରୋଗରୁ ମୁକ୍ତି ଦେଇଥାଏ। ଏହା ଖାଇବା ଦ୍ବାରା ହଜମ କ୍ରିୟା ଭଲ ଭାବେ ହୋଇଥାଏ।

୨.କ୍ୟାନସରରୁ ମୁକ୍ତି : ଆଣ୍ଟିଅକ୍ସିଡାଣ୍ଟ,ଭିଟାମିନ ଏ,ଭିଟାମିନ ସି ଅନ୍ୟାନ୍ୟ ପୋଷକ ତତ୍ତ୍ବରେ ଭରି ରହିଥିବା ସାରୁ ଆପଣଙ୍କ ରୋଗ ପ୍ରତିରୋଧକ କ୍ଷମତା ବଢ଼ାଇଥାଏ। ସାରୁ ଖାଇବା ଦ୍ବାରା ଫୁସଫୁସ କ୍ୟାନସର ଏବଂ ମୁଖଗହ୍ବର କ୍ୟାନସରରୁ ମୁକ୍ତି ମିଳିଥାଏ।

୩.ମଧୁମେହକୁ ନିୟନ୍ତ୍ରଣ କରିଥାଏ: ନିୟମିତ ଭାବେ ସାରୁ ଖାଇବା ଦ୍ବାରା ମଧୁମେହ ହେବାର ସମ୍ଭାବନା କମି ଯାଇଥାଏ। କାରଣ ଏହା ଶରୀରରେ ଇନସୁଲିନ ଏବଂ ଗ୍ଲୁକୋଜକୁ ନିୟନ୍ତ୍ରିତ କରିଥାଏ। ଯଦି କୈାଣସି ବ୍ୟକ୍ତିକୁ ମଧୁମେହ ହୋଇଥାଏ ତେବେ ତାଙ୍କୁ ସାରୁ ତରକାରୀ ଖାଇବା ଉଚିତ୍।

୪.ମାନସିକ ଅବସାଦରୁ ମୁକ୍ତି ମିଳିଥାଏ: ସାରୁ ତରକାରିରେ ହାନିକାରକ ଫ୍ୟାଟ୍ ଏବଂ ସୋଡ଼ିୟମ୍ କମ୍ ମାତ୍ରାରେ ଥାଏ। ଏଥିରେ କେବଳ ୨୦ମିଗ୍ରା ସୋଡ଼ିୟମ୍ ରହିଥାଏ। ତେଣୁ ସାରୁ ତରକାରୀ ଖାଇବା ଦ୍ବାରା ମାନସିକ ଅବସାଦରୁ ମୁକ୍ତି ମିଳିଥାଏ। ଏହା ରକ୍ତଚାପକୁ କମ୍ କରିବାରେ ସହାୟକ ହୋଇଥାଏ।

   Related Posts