Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମାର୍ଚ୍ଚ ୫ରେ ‘ଓମେନ୍ ଆଚିଭର୍ସ ଅଫ୍ ଓଡ଼ିଶା’ ପୁରସ୍କାର ସମାରୋହ
  • ||
  • କରଞ୍ଜିଆ : କରଞ୍ଜିଆ ବନଖଣ୍ଡ ଅଞ୍ଚଳରେ ଜଳୁଛି ଜଙ୍ଗଲ, ଫେଲ୍ ମାରିଛି ବନ ବିଭାଗର ନିଆଁ ଲିଭା ଅଭିଯାନ
  • ||
  • ଚିନ୍ତା ବଢାଉଛି କରୋନାର ବ୍ରାଜିଲ ଭାରିଏଣ୍ଟ, ରହିଛି ପୁନଃ ସଂକ୍ରମଣ କ୍ଷମତା
  • ||

ହୁଲୁସ୍ତୁଲୁ କଲାଣି ତାରାଙ୍କ ରବର ଷ୍ଟାମ୍ପ ବୟାନ : କହିଲେ ରାଜ୍ୟରେ ଅଧିକାଂଶ ମନ୍ତ୍ରୀ ରବର ଷ୍ଟାମ୍ପ ଭଳି କାମ କରୁଛନ୍ତି, ବିଜେଡିରେ ଅଭିନେତା ବେଶୀ ଅଭିଜ୍ଞତା କମ୍

7/06/2019 at 6:25 PM

ଭୁବନେଶ୍ୱର ୭/୬ : କଂଗ୍ରେସ ବିଧାୟକ ତାରା ବାହିନୀପତିଙ୍କ ବୟାନକୁ ନେଇ ଜୋର ଧରିଲା ରାଜନୀତି । ରାଜ୍ୟ ମନ୍ତ୍ରିମଣ୍ଡଳର ଅଧିକାଂଶ ମନ୍ତ୍ରୀ ରବର ଷ୍ଟାମ୍ପ ଭଳି କାମ କରୁଛନ୍ତି । ତାରାଙ୍କ ଏଭଳି କଟାକ୍ଷ ପରେ ରାଜ୍ୟ ରାଜନୀତି ଜୋର ଧରିଛି । ମନ୍ତ୍ରୀ ପଦ୍ମିନୀ ଦିଆନ ଏବଂ ନବରଂଗପୁର ସାଂସଦ ତାରାଙ୍କ ବୟାନକୁ ନିନ୍ଦା କରିଛନ୍ତି । ଏହା ସହ ମନ୍ତ୍ରୀଙ୍କ କାମର ଥିଓରୀ ପାଠ ପଢାଇଛନ୍ତି । ସେପଟେ ତାରା ନିଜ ବୟାନ କାଏମ ରଖିବା ସହ ବିଜେଡିରେ ଅଭିନେତା ବେଶୀ ଓ ଅଭିଜ୍ଞତା କମ୍ କହି ନିଆଁରେ ଘିଅ ଢାଳିଛନ୍ତି ।  

ତାରାଙ୍କ ରବର ଷ୍ଟାମ୍ପ ବୟାନ ହେବେ ହୁଲୁସ୍ତୁଲ କଲାଣି । ସତରେ କଣ ରାଜ୍ୟର ଅଧିକାଂଶ ମନ୍ତ୍ରୀ ରବର ଷ୍ଟାମ୍ପ ଭଳି କାମ କରୁଛନ୍ତି । ସଚିବ ଯେଉଁ ଫାଇଲ ଦେଉଛନ୍ତି ଏମାନେ କେବଳ ଦସ୍ତଖତ ମାରୁଛନ୍ତି । କଂଗ୍ରେସ ବିଧାୟକ ତାରା ପ୍ରସାଦ ବାହିନୀପତିଙ୍କ ଏଭଳି ବିବାଦୀୟ ବୟାନକୁ ନେଇ ଜୋର ଧରିଛି ରାଜନୀତି । ରାଜ୍ୟର ବରିଷ୍ଠ ମନ୍ତ୍ରୀମାନେ ଏନେଇ ମୁହଁ ଖୋଲିନଥିବା ବେଳେ ତାରାଙ୍କୁ ଜବାବ ଦେଇଛନ୍ତି ହସ୍ତତନ୍ତ ବୟନ ଓ ହସ୍ତଶିଳ୍ପ ମନ୍ତ୍ରୀ ପଦ୍ମିନୀ ଦିଆନ ।

ତାରାଙ୍କ ପରି ଜଣେ ବରିଷ୍ଠ ବିଧାୟକଙ୍କଠାରୁ ଏପରି ଆଶା କରାଯାଏ ନାହିଁ ବୋଲି କହିଛନ୍ତି । ଆମେ ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶରେ କାମ କରୁ, ସଚିବଙ୍କ ନିର୍ଦ୍ଦେଶରେ ନୁହେଁ ବୋଲି ସେ କହିଛନ୍ତି । ସେହପରି ସାଂସଦ ରମେଶ ମାଝି ମଧ୍ୟ ତାରାଙ୍କ ବୟାନକୁ ନିନ୍ଦା କରିଛନ୍ତି ।

ସେପଟେ ତାରା ପୁଣି ନିଜ କଥାରେ ଘିଅ ଢାଳିଛନ୍ତି । ସେ ତାଙ୍କ ବୟାନରେ ଆଜି ବି କାୟମ ଅଛନ୍ତି ଓ ଆସନ୍ତାକାଲି ବି ରହିବେ । ଏପରିକି ଏହି ପ୍ରସଂଗ ବିଧାନସଭାରେ ମଧ୍ୟ ଉଠାଇବେ ବୋଲି କହିଛନ୍ତି । ବିଜେଡିରେ ଅଭିନେତା ବେଶୀ ଓ ଅଭିଜ୍ଞତା କମ୍ , ତେଣୁ ଏପରି ଭୁଲ ହେଉଥିବା ସେ କଟାକ୍ଷ କରିଛନ୍ତି ।

ଗୋଟିଏ ପରେ ଗୋଟିଏ କଥା କହି ତାରା ବିଜେଡିକୁ ଓ ସରକାରଙ୍କୁ ଚ୍ୟାଲେଞ୍ଜ କରୁଛନ୍ତି। ତେବେ ଆଗକୁ ତାରା ଆହୁରି ଜଳିବେ ନା ଫ୍ୟୁଜ ହେବେ ତାହା ଦେଖିବା ବାକି ରହିଲା ।

   Related Posts