Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବାରବାଟୀରେ ହେବନି ଭାରତ-ଓ୍ଵେଷ୍ଟଇଣ୍ଡିଜ ଟି-୨୦ ମ୍ୟାଚ୍, ଦର୍ଶକ ନିରାଶ
  • ||
  • ଆଇପିଏଲ ନିଲାମୀ ତାଲିକାରୁ କ୍ରିସ୍ ଗେଲ୍‌ଙ୍କ ସମେତ ଏହି ଖେଳାଳି ବାହାର
  • ||
  • Syed Modi International: ଫାଇନାଲ୍‌ରେ ପହଞ୍ଚିଲେ ପିଭି ସିନ୍ଧୁ, ମାଲଭିକାଙ୍କ ସହ ଟାଇଟଲ୍‌ ମୁକାବିଲା
  • ||
  • IPLରେ ଜଲଓ୍ବା ଦେଖାଇବେ ଶ୍ରୀସନ୍ତ, ନିଲାମୀ ପାଇଁ ବେସ୍‌ ପ୍ରାଇସ୍ ରହିଛି ୫୦ ଲକ୍ଷ ଟଙ୍କା
  • ||
  • ଜାମ୍ମୁ କାଶ୍ମୀରରେ ଭାରତୀୟ ସେନା ପକ୍ଷରୁ ଏନକାଉଣ୍ଟର, ଜଣେ ଆତଙ୍କବାଦୀ ସଫା, ସର୍ଚ୍ଚ ଅପରେସନ ଜାରି
  • ||
  • ୟେମେନ ଗଣହତ୍ୟାକୁ ନିନ୍ଦା କଲା ଜାତିସଂଘ, ସାଉଦିର ବିମାନ ଆକ୍ରମଣରେ ନିହତ ହୋଇଥିଲେ ୭୦ ବିଦ୍ରୋହୀ
  • ||
  • ସୋର : ଟ୍ରକ୍ ସହ ଧକ୍କା ହୋଇ ନୟନଜୋରିକୁ ଓଲଟିଲା ବସ୍, ୫ ଜଣଙ୍କ ମୃତ୍ୟୁ, କିଛି ଲୋକ ଚାପି ହୋଇ ରହିଥିବା ସନ୍ଦେହ
  • ||
  • ଭଦ୍ରକରେ ବିଜେପିକୁ ଝଟ୍‌କା, ଦଳ ଛାଡିଲେ ଶତାଧିକ ବରିଷ୍ଠ ନେତା ଓ କର୍ମୀ
  • ||
  • ୨୦ ମହଲା କୋଠାରେ ଭୀଷଣ ଅଗ୍ନିକାଣ୍ଡ, ୧୫ ଆହତ
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୩ ଲକ୍ଷ ୩୭ ହଜାରରୁ ଅଧିକ କରୋନା ପଜିଟିଭ୍, ୪୮୮ ମୃତ
  • ||

ତନୁଶ୍ରୀ ଦତ୍ତ କହିଲେ ତାଙ୍କ ପାଇଁ ବିଗ୍‌ବସ୍ ଘର ସ୍ବର୍ଗ ନୁହେଁ କି ସଲମାନ ଖାନ୍ ଭଗବାନ ନୁହଁନ୍ତି

8/10/2018 at 1:42 PM

ମୁମ୍ବାଇ ୮|୧୦:  ଗତ କିଛିଦିନ ହେବ ଅଭିନେତ୍ରୀ ତନୁଶ୍ରୀ ଦତ୍ତ ଏବଂ ନାନା ପାଟେକରଙ୍କ ମଧ୍ୟରେ ବିବାଦ ଲାଗିରହିଛି । ତନୁଶ୍ରୀ ଏହା ପବ୍ଲିସିଟି ପାଇଁ କରୁଛନ୍ତି ବୋଲି କିଛିଦିନ ତଳେ ରାକ୍ଷୀ ସାଓ୍ବନ୍ତ କହିଥିଲେ । ରାକ୍ଷୀ କହିଥିଲେ ଯେ ତନୁଶ୍ରୀ ଏସବୁ ବିଗବସ ସିଜିନ ୧୨ର ଘରେ ଏଣ୍ଟ୍ରି କରିବାକୁ କରୁଛନ୍ତି । ରାକ୍ଷୀଙ୍କ ଏଭଳି ମନ୍ତବ୍ୟର ପ୍ରତିକ୍ରିୟା ରଖିଛନ୍ତି ତନୁଶ୍ରୀ ।

ଏକ ସାକ୍ଷାତକାରରେ ତନୁଶ୍ରୀ କହିଛନ୍ତି ଏହା ଭାବିବା ଭୁଲ ହେବ ଯେ ସେ ଏସବୁ ବିଗବସ ଘରେ ଏଣ୍ଟ୍ରି କରିବା ପାଇଁ କରୁଛନ୍ତି । ସେ ଓଲଟା ପ୍ରଶ୍ନ କରିଛନ୍ତି ଯେ, ଆପଣଙ୍କୁ କଣ ଲାଗୁଛି ସଲମାନ ଖାନ୍ ଜଣେ ଭଗବାନ ଏବଂ ବିଗବସ ଘର ସ୍ବର୍ଗ ?  ସେ ଏମିତି କିଛି ଭାବୁନାହାଁନ୍ତି ବୋଲି ତନୁଶ୍ରୀ କହିଛନ୍ତି । ବିଗବସରେ ଯିବା ପାଇଁ ସେ ଏସବୁ କରିନାହାନ୍ତି ବୋଲି ସ୍ପଷ୍ଟ କରିଛନ୍ତି ।

ସୂଚନା ଅନୁସାରେ ତନୁଶ୍ରୀ ନାନା ପାଟେକରଙ୍କ ଉପରେ ଯୌନ ଉତ୍ପୀଡନ ଅଭିଯୋଗ ଆଣିଛନ୍ତି । ୨୦୦୮ରେ ‘ହର୍ଣ୍ଣ ଓକେ ପ୍ଲିଜ୍’ର ସୁଟିଂ ବେଳେ ନାନା ପାଟେକର ତାଙ୍କୁ ଆପତ୍ତିଜନକ ଭାବେ ଛୁଇଁବାକୁ ଚେଷ୍ଟା କରିଥିଲେ ବୋଲି ସେ ଅଭିଯୋଗ କରିଛନ୍ତି । ନାନା ପାଟେକରଙ୍କ ତରଫରୁ ନୋଟିସ୍ ପାଇବା ପରେ ତନୁଶ୍ରୀ ନାନା ପାଟେକରଙ୍କ ବିରୋଧରେ ଓସିଓ୍ବାରା ପୋଲିସ ଷ୍ଟେସନରେ ଏତଲା ଦାୟର କରିଛନ୍ତି । ତନୁଶ୍ରୀଙ୍କ ଏତଲା ପରେ ନାନାଙ୍କ ପାଇଁ ସମସ୍ୟା ଉପୁଜିପାରେ ବୋଲି ଚର୍ଚ୍ଚା ହେଉଛି ।

ପୋଲିସ କହିଛି ଯେ ପ୍ରଥମେ ୧୦ବର୍ଷ ପୁରୁଣା ଏହି ମାମଲାର ତଥ୍ୟର ଯାଞ୍ଚ କରାଯିବ । ତାପରେ ହିଁ କୌଣସି ପଦକ୍ଷେପ ନିଆଯାଇପାରିବ । ତନୁଶ୍ରୀ ତାଙ୍କ ଏତଲାରେ ଫିଲ୍ମ ‘ହର୍ଣ୍ଣ ଓକେ ପ୍ଲିଜ୍’ର ନିର୍ଦ୍ଦେଶକ, ପ୍ରଯୋଜକ ଏବଂ କୋରିଅଗ୍ରାଫରଙ୍କ ନାଁ ମଧ୍ୟ ନେଇଛନ୍ତି ।

ଅନ୍ୟପଟେ ତନୁଶ୍ରୀ ମିଛ କହୁଥିବା କହିଛନ୍ତି ନାନା ପାଟେକର । ଯାହା ମିଥ୍ୟା ତାହା ମିଥ୍ୟା।

   Related Posts