Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପାଟଣା : ଛିଡିଲାନି ଭାଗବଣ୍ଟା, ଦୁଇ ପିସ୍ ମାଂସ ପାଇଁ ଆତ୍ମହତ୍ୟା କଲେ ଭଉଣୀ
  • ||
  • କଟକ : ରେଭେନ୍ସା ବିଶ୍ବବିଦ୍ୟାଳୟର ନୂତନ କୁଳପତି ହେଲେ ପ୍ରଫେସର ସଞ୍ଜୟ ନାୟକ
  • ||
  • ଭୁବନେଶ୍ବର : ନାବାଳିକା ଗଣଦୁଷ୍କର୍ମ ମାମଲା, ଅପ୍ରେଲ ୫ରେ ଚୂଡାନ୍ତ ଶୁଣାଣି
  • ||
  • ଭୁବନେଶ୍ବର : ରାଜ୍ୟରେ ଚିହ୍ନଟ ହେଲେ ଆଉ ୧୫୪ କୋଭିଡ୍ ସଂକ୍ରମିତ, ୩୩୪୦୨୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ମେ’ ରେ ହେବ କଂଗ୍ରେସର ଅଧ୍ୟକ୍ଷ ପଦ ପାଇଁ ନିର୍ବାଚନ, ସିଡବ୍ଲ୍ୟୁସି ବୈଠକ ପରେ ବଡ ଘୋଷଣା କଲା ଦଳ
  • ||
  • ହୁ ହୁ ହୋଇ ବଢୁଛି ତୈଳଦର, ମୁମ୍ବାଇରେ ୯୧ ଟଙ୍କା ଉପରେ ପେଟ୍ରୋଲ ଦାମ୍
  • ||
  • ରାଉରକେଲା : ନିଆଁ ପୁଇଁବା ହେଲା କାଳ, ଦଳିଦେଲା ଦନ୍ତା, ଚାଲିଗଲା ଜୀବନ
  • ||
  • ଝଲସିବ ଅର୍କ କ୍ଷେତ୍ର : ନୂଆ ରୂପ ପାଇବ କୋଣାର୍କ ସୂର୍ଯ୍ୟ ମନ୍ଦିର, ପର୍ଯ୍ୟଟକଙ୍କୁ ମିଳିବ ବିଶ୍ୱସ୍ତରୀୟ ସୁବିଧା
  • ||
  • ଆଜି ବସୁଛି କଂଗ୍ରେସର ସିଡବ୍ଲ୍ୟୁସି ବୈଠକ, ଅଧ୍ୟକ୍ଷ ନିର୍ବାଚନ ନେଇ ହେବ ଆଲୋଚନା !
  • ||
  • ଏଥର ନିଜ ସ୍କୁଲରେ ଛାତ୍ରଛାତ୍ରୀ ଦେବେ ମାଟ୍ରିକ ପରୀକ୍ଷା, ୨ ଘଣ୍ଟାରେ ଲେଖିବାକୁ ପଡିବ ଉତ୍ତର
  • ||

ସେକ୍ସ୍ ଓ୍ୱାର୍କରଙ୍କ ବଦଳିଛି କାରବାର: ଭିଡିଓ କଲ୍, ଗୁଗଲ ପେ’ ହାଇଟେକ୍ ତରିକାରେ ତାମିଲନାଡୁ ଦେହଜୀବୀ ଜାରି ରଖିଛନ୍ତି ବୃତ୍ତି

30/05/2020 at 5:27 PM

ଚେନ୍ନାଇ, ୩୦|୦୫:  ଦେଶରେ କରୋନା ସଂକ୍ରମଣ ରୋକିବା ପାଇଁ ଲକଡାଉନ୍ ଜାରି ରହିଛି । ଏହି ସମୟରେ ସାମାଜିକ ଦୂରତାକୁ ଗୁରୁତ୍ୱ ଦିଆଯାଉଛି । ଏହି ସମୟରେ ଦେହ ବ୍ୟବସାୟ ମଧ୍ୟ ମାନ୍ଦା ହୋଇପଡିଛି । ତେଣୁ ଦେହଜୀବୀମାନେ ନୂଆନୂଆ ଉପାୟ ଅବଲମ୍ଭନ କରୁଛନ୍ତି । ସେମାନେ ଅଫଲାଉନ୍ ବଦଳରେ ଏବେ ଅନଲାଇନରେ କାରବାର ଆରମ୍ଭ କରିଛନ୍ତି । ଏହାକୁ ନେଇ ନିଜର କିଛି ଅନୁଭୂତି ବାଣ୍ଟିଛନ୍ତି ତାମିଲନାଡୁର ଜଣେ ଦେହଜୀବୀ ।

ତାମିଲନାଡୁର ୩୫ ବର୍ଷୀୟା ଦେହଜୀବୀ ଲକ୍ଷ୍ମୀ(ଛଦ୍ମନାମ) କହିଛନ୍ତି ଯେ, ତାଙ୍କ ସନ୍ତାନମାନେ ଶୋଇବା ପରେ ସେ ଅନଲାଇନରେ ଦେହ ବ୍ୟବସାୟ ଆରମ୍ଭ କରନ୍ତି । ମେକଅପ୍ ନେବା ପରେ ସେ ଲାଇଭ୍ ଚାଟ୍ ଅନ୍ କରନ୍ତି । ଏହାପରେ କ୍ଲାଇଣ୍ଟମାନଙ୍କ ସହ ଯୋଗଯୋଗ କରନ୍ତି ।  

ଏହି ସମୟରେ ତାଙ୍କୁ ଅଧିକ ଆୟ କରିବାରେ ଅସୁବିଧା ହେଉଚି । ଗ୍ରାହକଙ୍କ ସହ ହାଣ୍ଡ୍ ସେକ୍ ମଧ୍ୟ କରିହେଉ ନାହିଁ । କିଛି ସପ୍ତାହ ପୂର୍ବରୁ ତାଙ୍କର ଜଣେ ବାନ୍ଧବୀ ଅନଲାଇନ୍ ଦେହବ୍ୟବସାୟ ବାବଦରେ ତାଙ୍କୁ ସୂଚନା ଦେଇଥିଲେ । ଏହା ଅଧିକ ଅର୍ଥ ପ୍ରଦାନ କରୁନଥିଲେ ମଧ୍ୟ କିଛି ମାତ୍ରାରେ ଉପଯୋଗୀ ସାବ୍ୟସ୍ତ ହେଉଛି ।

ଅଧିକରୁ ଅଧିକ ଦେହଜୀବୀ ଏହି ସମୟରେ ହ୍ୱାଟସଆପ୍ ଭିଡିଓ କଲ୍ ଜରିଆରେ ଅନଲାଇନ୍ ଦେହ ବ୍ୟବସାୟ ଚଳାଇଛନ୍ତି । ଗ୍ରାହକମାନେ ମଧ୍ୟ ଅନଲାଇନରେ ସେମାନଙ୍କୁ ଟଙ୍କା ପଇଠ କରୁଛନ୍ତି ।  ଯଦି କେହି ଗ୍ରାହକ ପେମେଣ୍ଟ ନକରନ୍ତି ସେମାନଙ୍କୁ ଦେହଜୀବୀଙ୍କ ମୋବାଇଲ ଫୋନ ରିଚାର୍ଜ କରିବାକୁ ପଡିଥାଏ ।

ସେ ଆହୁରି କହିଛନ୍ତି ଯେ, ଗ୍ରାହକଙ୍କ ପସନ୍ଦ ଅନୁସାରେ ସର୍ଭିସ୍ ଦିଆଯାଏ । ଯଦି କେଉଁ ଦେହଜୀବୀ ଅଧିକ ସୁନ୍ଦର ଥାଆନ୍ତି ତେବେ ସେ ଅଧିକ ଟଙ୍କା ଡିମାଣ୍ଡ୍ କରନ୍ତି ।    ତେବେ ଏହି ଫୋନ୍ ସେକ୍ସରେ କମ୍ ଆୟ ହୋଇଥାଏ । ରାଜ୍ୟରେ ଅନେକ ଦେହଜୀବୀ ଥିଲେ ମଧ୍ୟ ସେମାନଙ୍କ ପରିଚୟ ଗୋପନୀୟ ରଖାଯାଏ । କାରଣ ଏଠାରେ କୌଣସି ରେଡ୍ ଲାଇଟ୍ ଅଞ୍ଚଳ ନାହିଁ । ଏମାନଙ୍କ ମଧ୍ୟରୁ କିଛି ଦେହଜୀବୀ ଅଣ୍ଡା ବେପାର ମଧ୍ୟ କରନ୍ତି । ଏଥିରୁ ବହୁତ କମ ଆୟ ହୋଇଥାଏ । ସେହିପରି ତୃତୀୟ ଲିଙ୍ଗୀ ଦେହଜୀବୀଙ୍କ କାରବାର ଆହୁରି ପ୍ରଭାବିତ ହୋଇଛି ।

ଏକ ଏନଜିଓର ମୁଖ୍ୟ ରାଜେଶ ଉମା ଦେବୀ କହିଛନ୍ତି ଯେ, ତୃତୀୟ ଲିଙ୍ଗୀ ଦେହଜୀବୀମାନେ ମଧ୍ୟ ଅନଲାଇନ୍ ଦେହ ବ୍ୟବସାୟକୁ ଗୁରୁତ୍ୱ ଦେଉଛନ୍ତି । ସେମାନେ ଫୋନ ଯୋଗେ ଗ୍ରାହକଙ୍କୁ ଆକୃଷ୍ଟ କରୁଛନ୍ତି । ଏନଜିଓ ତରଫରୁ ସେମାନଙ୍କୁ ବିଭିନ୍ନ ସହାୟତା ରାଶି ପ୍ରଦାନ କରାଯାଇଥିବା ସେ କହିଛନ୍ତି ।

   Related Posts